עס איז פארהאן א "סטיעם" סיסטעם - ארבעט דורך קאכעדיגע פארע, געווענליך אין די אלטע הייזער, נוצט דיקע פייפס. אויך איז פארהאן א "הייס וואסער" סיסטעם - ארבעט דורך הייס וואסער וואס טרעוועלט ארום אין די קופערנע פייפס פון רעדיעטער צו רעדיעטער, דאס נוצט מען היינט צוטאגס לרוב.
חושים רעדט פון א סטיעם סיסטעם וואס די וואסער צעגייט אין די פארע, און דער בוילער אונטן ווערט כסדר פריש אנגעפילט. פארשלאפן רעדט לכאורה פון א הייס וואסער סיסטעם וואס נוצן די דעד-מען רעדיעטערס.
חושים בן דן האט געשריבן:
בנוגע מייז כ'מיין אז די בעסטע איז זיך צו בייפריינדן מיט זיי, ווייל זיי ווילן די זאלסט דיך רעגן, אז דו וועסט ווייזן אז דו ווערסט נישט אויפגערעגט וועלן זיי אוועקגיין... דשאסט קידינג....
סאיז מיר שוין אויסגעקומען עטליכע מאל שפאצירינדוג געמוטלעך אין ווילאמסבורג ביינאכט אז א ראט אדער א מייז געט אזא וואק אריין פין פארנט פין מיין פיס..... אויב וואינט איר אין ווילאמסבורג גלייב איך אז עטס האטס דאס שוין אויך מיטגעלעבט; די חברה דרייען זיך ארום ווי ביים טאטען אין וויינגארטן אזוי אז איך בין ממש די גאסט וואס האט א ראנג עדדרעס... אבער אלץ מער איך גיי אויפן זעלבען וועג זעה איך אז דאס גייט פאר נאכט נאך נאכט אויף די זעלבע פלעצער, אין די בעל הבתים פין די הייזער אדער בנינים טוהען גארנישט אוועקצונעמן די עקעל פין שטאט!!!
על כן ביטע אויב ווייסט איר איינער וואס האט די פראבלעם בעט אים ער זאל קעיר נעמען פין דאס עקעל ביי אים אין שטח! ווי אויך אויב ווייסט איר פין א פלאץ וואס איז מוחזוק מיט די פראבלעם ביטע לייגט דא ארויף א בילד אזוי צו פארשפארן פאר אנדערע די עגמת נפש.
אז מען רעד פון מייז.... זיי זענען זייער קלוג און וועלען ארומגיין די טרעפס. וויאזוי ווייס איך?
מיין קליין 3 יעריג מיידעלע (וואס איז שוין היינט א מאמע פון גרויסע קינדער) האט נישט געוואלט גיין שלאפן. זי פלעגט אייביג זאגן אז א וואלף קומט אריין אין איר צימער. און זי האט געוויינט פארוואס מען גלייבט איר נישט... נו... האב איך איינמאל איר געזאגט אז איך וועל קומען אין איר צימער און זי וועט מיר ווייזן די וואלף. זאגט זי מיר אז די וואלף קומט נאר ווען איעדער שלאפט שוין און אויך נאר אויב מען איז זייער שטיל... אוי וויי טראכט איך, עס איז צרות. אבער מען מוז איינמאל פאר אלעמאל זען דעם וואלף! נו... איך האב מיך געלייגט אויף א בעט לעבן איר קריב, און מען ווארט. און זי זאגט מיר שוין, טאטי אויב רירסטו זיך, קומט ער נישט. שוין, איך מיין אז זי שלאפט און איך ליין אזוי, פלוצים זאגט זי מיך, טאטי! דער וואלף איז דא ביים סטיעם! און וואס זע איך, אזא זיסע מייזעלע קריכט ארום ביי די רעדיעיטער, און ער קריכט ארויף, ארום, אבער נאר נישט אינעם טרעפ! יויש... שעפעלע... דאס איז נישט די ביג בעד וואולף פון די בוק! דאס איז א מייזעלע!!!! די ריליעף וואס דאס מיידאלע האט געהאט איז געווען אין לשער. זייט דאן, האבן מיר געהאט א ספארט, ווען זי האט נישט געוואלט איינשלאפן, בין איך געקומען אין איר צימער, מיר זענען געווען שטיל, ביז די מייזאלע איז געקומען, און צוזאמען געגעבן א זעץ מי די פיס אזוי ווי ביי המן, און געשריגן שוץ מייזאלע. און דאס קינד האט געלאכט, אז איך לאך נאך ביים זיך דערמאנען.
נו וואס טוט מען????
1) א בילד פון ר' ישעי' בן ר' משה ארבייט גאר פיין! והא ראי'!!! איך האב געארבייט אין אפיס מיט אסאך פרויען און מיידלעך. איינמאל הער איך קולי קולות אינדרויסן פון מיין אפיס. קוויטשעריי, אזא מין טעראר אז איך האב געמיינט אז איינער מיט א ביקס איז אריינגעקומען און שיסט. איך קום ארויס, איך גלייב נישט וואס איך זעה. פרויען, מיידלעך מיט מאמעס שטייען אויף די אפיס טישען!!! און שרייען קולי קולות. איך בעט זיך, די מויז ווארט נישט אויף ענק. ער איז שוין לאנג אוועקגעלאפן. אבער מען קען זיי נישט בארואיגן!!! וואס טוט מען? איך געב א גוגל "ראביי מאויז" און איך טרעף א פארטיגע צעטל וואס שטייט סגולה נגד... מיט א בילד פון ר' ישעי', מען מאכט א פרינטאוט און איך קום ארויס, איך הענג עס אויף, און איעדער האט זיך בארואיגט!!!
2) ווי שוין געשריבן, זענען די מייז זייער קליעג, און זיי גייען נישט אריין אין די טרעפס. וואס איך האב געטוהן (אינדערהיים און אויך אין פעקטארי), איך לייג טרעפס ביי די עק פון א צימער אדער האלוועי. און פעקטארי האב איך עס געלייגט עק פון א האלוועי, ווי מען איז אריין פון די אפיסעס צו די וועירהאוז. איך לייג שטיקעלעך אמעריקען קעז ארום די טרעפס פאר א פאר טעג. דאן די מייז הייבן אן קומען איעדען טאג. דאן פארטאגס ווען איך מאך אויף די פעקטארי, געב איך פלוצים א צינד אן די לעקטערס און איך נעם מיך לויפן מיט א שטארקע געלויף און קולות צו די עק האלוועי ווי די טרעפס זענען. די קלוגע מייז ווערן פלוצים אין א פאניק און הייבן אן צו לויפן, און אין א בהלה לויפן זיי אריין אין די טרעפס. עס האט זייער גוט געארבייט ב"ה סיי אינדערהיים, און סיי אין פאקטארי. פארשטייט זיך אז מען האט געהאלטן זייער זויבער.
