אידישע וועלט פארומס

בת מלך...

רעטעניש פון לעבן געלייזט
פארגאנגען די טעג פון פיין
אילוזיעס בלויזע פון טרייסט
ווען געטרונקען די טייך פון וויין

נישט דא קיין וועג אויף צוריק
שוין פארזוכט פון עץ הדעת
פארברענט איז יעדער בריק
בלויז אויף מיר אליין אין כעס

פון קלעטערן א מידער
א ווייסער פאן איך הייב
די שיף איז אן א רודער
אין ציל שוין נישט איך גלייב.

נישט אלס איז געפינס
די ענטפער צום זוך
שאך-מאט איז נישט מיין ציל
זוכן איז טרעפן אויך אויב איך פארקריך
ווי לאנג איך בין אין שפיל...

דאס בילד ענדליך ערגענצטער
אויף ספק פייערט זיג
הערשט דאן א נייע פענסטער
דער לייב אנטלויפט פון פליג

ווען לעצטער שלאס פארשפארט
געעפנט טירן מיליאן
די שליסל אין ים פאר'צער'ט
דערשטיקט א יאוש טאן


ווען ענטפער ברענגט א פראגע
פתרון ספיקות באשאפט
פון קעמפער שווערער די לאגע
די שלאכט פארלירט איר האפט.

נישט אלס איז געפינס
די ענטפער צום זוך
שאך-מאט איז נישט מיין ציל
זוכן איז טרעפן אויך אויב איך פארקריך
ווי לאנג איך בין אין שפיל...


דו כאפסט מיר ביים קארג
ווען איך פרעג שוין נישט פארוואס
שעפשעסט אין אויער הערשט דאן
אין גאלדענעם בארג
אין פערלנעם שלאס
ס'איז בוודאי יא פארהאן....

(ע'' פ סיפורי מעשיות
מעשה מאבידת בת מלך)



איז דער ארטיקל געשריבן אין 'גראמען' ? דאן רעיט אינעם ערשטן אפציע לויט'ן שטאפל איר האלט אז עס איז. איז דער ארטיקל 'פאעטיש' געשריבן? דאן רעיט אינעם צווייטן אפציע לויט'ן שטאפל איר האלט אז עס איז. אויב פעלט פון דעם ארטיקל איינס פון די צוויי אויבנדערמאנטע, דאן מאכט א טשעק ביי "נישט נוגע".

זייער שיין אין געוואלדיג

דא הערליכע שורות דא, ממש טיף און פאראדאקסיש, זיך צום באלעקן. אבער דער שרייבער פארפעלט צו מאכן זיין פוינט קלאר, וואס איז א ווייטאג, ווייל מיט דעם וואלט עס געווען א שלימות. (אפשר ווען איך קען ווען די מעשה אויף וואס עס באציט זיך אינעם ספר וואלט עס געווען בעסער)

ענדע צדיק! האט געשריבן: דא הערליכע שורות דא, ממש טיף און פאראדאקסיש, זיך צום באלעקן. אבער דער שרייבער פארפעלט צו מאכן זיין פוינט קלאר, וואס איז א ווייטאג, ווייל מיט דעם וואלט עס געווען א שלימות. (אפשר ווען איך קען ווען די מעשה אויף וואס עס באציט זיך אינעם ספר וואלט עס געווען בעסער)

כ'האב גענישטערט אויפ'ן אינטערנעט. איך האב געטראפן א "מעשה מאבידת בת מלך בשם ר' נחמן מברסלב". איך האב עס געטראפן אין מער ווי איין פלאץ. איך ווייס נאר נישט אויב דאס האט דער שרייבער מכוון געווען (עס שטימט), בין איך נישט זיכער אויב איך וויל עס אהערברענגען.

פאר סאם ריעזען מיין איך אז דאס איז מתמודד... איינס אין די וועלט טאלאנט

ענדע צדיק! האט געשריבן: דא הערליכע שורות דא, ממש טיף און פאראדאקסיש, זיך צום באלעקן. אבער דער שרייבער פארפעלט צו מאכן זיין פוינט קלאר, וואס איז א ווייטאג, ווייל מיט דעם וואלט עס געווען א שלימות. (אפשר ווען איך קען ווען די מעשה אויף וואס עס באציט זיך אינעם ספר וואלט עס געווען בעסער)

די פארנעפלניש איז בדוקא. ער וויל זאלסט אריין לערנען דיין אייגן פשט

היכי תמצא האט געשריבן:

ענדע צדיק! האט געשריבן: דא הערליכע שורות דא, ממש טיף און פאראדאקסיש, זיך צום באלעקן. אבער דער שרייבער פארפעלט צו מאכן זיין פוינט קלאר, וואס איז א ווייטאג, ווייל מיט דעם וואלט עס געווען א שלימות. (אפשר ווען איך קען ווען די מעשה אויף וואס עס באציט זיך אינעם ספר וואלט עס געווען בעסער)

כ'האב גענישטערט אויפ'ן אינטערנעט. איך האב געטראפן א "מעשה מאבידת בת מלך בשם ר' נחמן מברסלב". איך האב עס געטראפן אין מער ווי איין פלאץ. איך ווייס נאר נישט אויב דאס האט דער שרייבער מכוון געווען (עס שטימט), בין איך נישט זיכער אויב איך וויל עס אהערברענגען.

ער צייכנט דאך דאס קלאר צו צום סוף.

@פעיק, ריכטיג. איך האב געשיקט די פי די עף מיט די מעשה צו @ענדע, פריוואט. איך וויל עס נישט דא ארויפלייגן פשוט ווייל איך וויל נישט צו לייגן צום מחבר'ס ארטיקל און משום חשש אז עס איז דא מער ווי איין ווערסיע.

כינור האט געשריבן:

ענדע צדיק! האט געשריבן: דא הערליכע שורות דא, ממש טיף און פאראדאקסיש, זיך צום באלעקן. אבער דער שרייבער פארפעלט צו מאכן זיין פוינט קלאר, וואס איז א ווייטאג, ווייל מיט דעם וואלט עס געווען א שלימות. (אפשר ווען איך קען ווען די מעשה אויף וואס עס באציט זיך אינעם ספר וואלט עס געווען בעסער)

די פארנעפלניש איז בדוקא. ער וויל זאלסט אריין לערנען דיין אייגן פשט

ער וויל דאך נישט. ער רעפערירט צו א פוינט און א מעשה.

די קונץ איז לאזן פארנעפלט און דאך עס זאגן קלאר.

ענדע צדיק! האט געשריבן:

כינור האט געשריבן:

ענדע צדיק! האט געשריבן: דא הערליכע שורות דא, ממש טיף און פאראדאקסיש, זיך צום באלעקן. אבער דער שרייבער פארפעלט צו מאכן זיין פוינט קלאר, וואס איז א ווייטאג, ווייל מיט דעם וואלט עס געווען א שלימות. (אפשר ווען איך קען ווען די מעשה אויף וואס עס באציט זיך אינעם ספר וואלט עס געווען בעסער)

די פארנעפלניש איז בדוקא. ער וויל זאלסט אריין לערנען דיין אייגן פשט

ער וויל דאך נישט. ער רעפערירט צו א פוינט און א מעשה.

די קונץ איז לאזן פארנעפלט און דאך עס זאגן קלאר.

יאך הער. גערעכט.

אן אויפקלערונג פונעם שרייבער:

די מעשה פון אבידת בת מלך איז די ערשטע מעשה וואס ר נחמן מברסלב זי"ע האט פארציילט
און איז די געשיכטע פון א פארלוירענער פרינצעסן, וואס איז נעבעך פארוואגלט צווישן די נישט גוטע צוליב א פליטת פה פונעם מלך
דער משנה למלך זוכט דאס פארלוירענעם בת מלך, און קען איר נישט טרעפן
און ווען ער האט זי שוין ענדליך אפגעפונען, האט ער דורך איין אום ריכטיגער טאט איר אנגעווארן ביז ביז...

גאר אין אנהייב פון די מעשה איז אונז ר נחמן מגלה דעם סוף פונעם געשיכטע.
"הָאט עֶר זִי זֵיעֶר גִיזוּכְט. זֵייעֶר אַלַאנְגֶע צַייט, בִּיז עֶר הָאט זִי גִיפוּנֶען. (הַיינְט דֶער צֵיילְט עֶר וִוי אַזוֹי עֶר הָאט זִי גִיזוּכְט בִּיז עֶר הָאט זִי גִיפוּנֶען)"
און דער הייליגער רבי פארענדיגט די מעשה
" (אוּן וִוי אַזוֹי עֶר הָאט זִי אַרוֹיס גִינוּמֶען הָאט עֶר נִישְׁט דֶער צֵיילְט) צוּם סוֹף הָאט עֶר זִי אַרוֹיס גִינוּמֶען אָמֵן סֶלָה."

דער רבי אנטפלעקט אונז אז די נקודה פון דעם סיפור איז נישט דאס טרעפן ווי ווייט דאס עצם זוכן..
סאיז כדאי דורך צולערנען דעם סיפור בעפארן לייענען דעם פירוש

אבידת בת מלך

פאר אביסל א טיפערן פארשטאנד און דעם סיפור, איז געראטן צו לייענען דעם צווייטן הקדמה אויף ספה"ק סיפורי מעשיות.
און וואו דער רבי האט זיך אויסגעדרוקט בעפארן אנהייבן פארציילן מעשיות
"די וועלט זאגט אז מעשיות זענען געאייגנט איינצושלעפן א מענטשן אבער איך זאג אז מעשיות קענען דערוועקן מענטשן פון זייער שלאף"... ודו"ק

ענדע צדיק! האט געשריבן: דא הערליכע שורות דא, ממש טיף און פאראדאקסיש, זיך צום באלעקן. אבער דער שרייבער פארפעלט צו מאכן זיין פוינט קלאר, וואס איז א ווייטאג, ווייל מיט דעם וואלט עס געווען א שלימות. (אפשר ווען איך קען ווען די מעשה אויף וואס עס באציט זיך אינעם ספר וואלט עס געווען בעסער)

איך האלט נישט אזוי. איך האב נישט געקענט די מעשה פון בת מלך, און איך האב געכאפט די פוינט גלייך. ער זאגט עס גאנץ קלאר עטליכע מאל: שאכמאט איז נישט מיין ציל, זוכן איז טרעפן... ווילאנג איך בין אין שפיל.

פעיק ניוז האט געשריבן:

ענדע צדיק! האט געשריבן: דא הערליכע שורות דא, ממש טיף און פאראדאקסיש, זיך צום באלעקן. אבער דער שרייבער פארפעלט צו מאכן זיין פוינט קלאר, וואס איז א ווייטאג, ווייל מיט דעם וואלט עס געווען א שלימות. (אפשר ווען איך קען ווען די מעשה אויף וואס עס באציט זיך אינעם ספר וואלט עס געווען בעסער)

איך האלט נישט אזוי. איך האב נישט געקענט די מעשה פון בת מלך, און איך האב געכאפט די פוינט גלייך. ער זאגט עס גאנץ קלאר עטליכע מאל: שאכמאט איז נישט מיין ציל, זוכן איז טרעפן... ווילאנג איך בין אין שפיל.

דער פוינט איז טאקע יא געווען קלאר. אבער די פרטים אומפארשטענדליך פאר ווער ס'קען נישט די מעשה.