Re: די בלעטל - מאנטריאל טאהש
היבש פארבעסערט.בלעטלעך האט געשריבן: ↑ דאנערשטאג אוגוסט 29, 2024 11:55 pmמאנטריאל-טאהש בלעטל - פרשת ראה
https://online.anyflip.com/xuwpd/xqph/mobile/index.html
די הואם סקולינג רעספאנס איז צום פינטל, די פעדעראלע רעגירונגס הייזער סיטואציע פיין באשריבן, די פארפלייצונג אין "קרית טאהש אומגעגנט" איז קורץ אין שארף, די קאנאדע נייעס איז גאנץ גוט און פון לאקאלע מאנטריאלע נייעס האט מען זיך עטוואס וויסנדיג געמאכט.
די אידישע נייעס איז באגריסנסווערד, קיעפ איט אפ.
די היסטאריע פון הרה"ק מטאהש זצוק"ל, עטליכע הערות.
זיין זיידע הרה"ק אלימלך רופט מען אים טאהש סבא קדישא, זיין עלטער זיידע הרה"ק משולם פייש רופט מען שרף, (פארוואס ווייס איך נישט, ביטע אינטערסירט אייך).
איר שרייבט אז אין תשכ"ג האט ער געעפענט זיין קריה, אין אז אנפאנג האבן" בלויז" געוואוינט אכצן מענטשן.
דאס איז פאקטואל גערעכט אבער פארט פעיק ניוז.
דער צדיק האט קיין קרי' נישט געמאכט, ער האט געעפענט א ישיבה פאר בחורים מחוץ לעיר און צוגעשטעלט הייזער פאר די איינגעשטעלטע ווי צו וואוינען, ער האט גארנישט געדארפט מער און גארנישט געוואלט מער.
צוביסלעך, היות די איינגעשטעלטע דיירים האבן חתונה געמאכט קינדער און פאר נאך סיבות, זענען מער דירות געווארן צוגעשטעלט, פון דארטן צו אינסטיטוציעס, דאדורך פרישע איינוואוינער און א קרי' האט זיך אנטוויקלט.
ס'איז קלאר אז מאת ה' היתה זאת אזא הערליכע ישוב אין קעבעק קאנאדע, אבער קיין קרי' האט ער נישט געגרינדעט, ער האט געוואלט א ישיבה, אלעס האט זיך אייביג געדרייט ארום די ישיבה און די בחורים.
זכותו הגדול יגן עלינו ובעדינו לבריאות הגוף והנפש.
