ביהמ"ד החדש התאחדות חסידי ברסלב ק"י!
בשורה טובה תדשן עצם
מיט גרויס שמחה וחדוה נעמען אנ"ש איבער די גארער וועלט אויף די בשורה מרנינה אז קהילתינו הק' אין קרית יואל איז אריין אין קאנטראקט אויף א נייע הערליכע פריש געבויעטע בנין אין צענטער פון קרית יואל פון איבער 2600 סקווער פוס, א מקום רחבת ידים און א מקוה מהודרת וואס זאל דינען פאר בית המדרש המפואר דקהילתינו קרית יואל.
נאכדעם וואס מען איז שוין ב"ה אויסגעוואקסן דעם ביז יעצטיגן ביהמ"ד וואס איז שוין זייער ענג ווי עס האט זיך ארויסגעוויזן פארגאנגענע חודש תשרי העעל"ט ביי די תפילות יום כיפור און סוכות ביים דאווענען און ביי שמחת בית השואבה און ביים רבינ'ס יארצייט ובפרט די צווייטע טעג ביי די געהויבענע הקפות וואס איז אפגעראכטן געווארן בקרב קהילתינו מיט גרויס התרוממות ווען די ביה"מ איז געוועהן איבער געפילט מן הקצה אל הקצה עד אפס מקום און עס קומען נאך כסדר צו פרישע מקורבים חדשים לבקרים און ס'ווערט שטארק נתפשט דער אור הצדיק אין די גאנצע שטאט
האבן זיך די ראשי הקהילה און וועד קרן הבנין ארויסגעלאזט זוכן א גרעסערע פלאץ וואס זאל זיין פאסיג צו קענען אקאמאדירן קהילתינו הק'
ב"ה אז חפץ ה' בידם הצליח און עס איז אונטערגעקומען גאר א גוטע אפפער ממש אין שכינות פונעם יעצטיגן ביהמ"ד, אויך 137 עיקערס רד. א בנין וואס ווערט געבויעט פון דאסניי, די סטרוקטשור שטייט שוין עס איז שוין דא לעקטער, פלאמבינג, סטים און עיר קאנדישען, די מקוה איז שוין געגאסן, מען דארף ממש צוענדיגן די סטאדס שיטראק טירן און די אנדערע קלענערע זאכן.
די היכל הביה"מ וועט זיין איבער 1200 סקווער פוס, מיט א הויעכע דאך פון 12 פוס, מיט 6 גרויסע פענסטערס אויף מזרח וואנט וואס וועט באשיינען דעם היכל ביה"מ מיט טאג לעכטיקייט, עקסטער דעם ווערט געבויעט א גרויסע ווייבער שול, א מקוה מהודרת מיט עטליכע שויערס, א שיינע אריינגאנג און א קאווע שטיבל און א פלאץ פאר די מאנטלען און טלית ותפילין, בתי כבוד, און א עקסטערע שטוב פאר חבורות און מכירת ספרים וואס איז זייער שטארק אויפגעכאפט אין שטאט און זענען מפיץ גאר אסאך ספרי ברסלב.
הנהלת הקהילה און די וועד קרן הבנין זענען די וואך אריין אין קאנטראקט און מען וועט בעז"ה בקרוב גומר זיין די מקח בכי טוב, ורוח הקודש אומרת כן ירבה וכן יפרוץ!
השלם זה הבנין!
- אטעטשמענטס
-
- 0.jpg (60.11 KiB) געזען 1773 מאל
