אזוי ווי איך האב געהאט גרויס חשק צו פארן אויף וואקאציע צו זעהן די נפלאות הבריאה ביים גרענד קעניאן, וואלט איך געוואלט פרעגן ביים חשובן ציבור ווער עס איז געווען דארט און קען מיטטיילן אביסל אינפארמאציע בנוגע: - לוינט זיך צו פארן אין די ווינטער אדער בעסער נאך פסח - South rim or North Rim - וואו זאל מען לאנדען? אין פיניקס אדער לאס וועגעס - וועלכע האטעל זאל מען איינשטיין
וויווידיזיינער האט געשריבן:
אזוי ווי איך האב געהאט גרויס חשק צו פארן אויף וואקאציע צו זעהן די נפלאות הבריאה ביים גרענד קעניאן, וואלט איך געוואלט פרעגן ביים חשובן ציבור ווער עס איז געווען דארט און קען מיטטיילן אביסל אינפארמאציע בנוגע: - לוינט זיך צו פארן אין די ווינטער אדער בעסער נאך פסח - South rim or North Rim - וואו זאל מען לאנדען? אין פיניקס אדער לאס וועגעס - וועלכע האטעל זאל מען איינשטיין
א דאנק
יעצט געטראפן דעם אשכול און איך קען מיך נישט איינהאלטן פון ענטפערן...
זיכער די סאוט רים זיכער אין די זומער (די פלאץ איז ביי א עלעוואציע פון 7000 פיס טא ס'נישט אזוי הייס אין די זומער)
די פראגע ווי מען זאל לאנדען איז שוין קאמפליצירט... אויב גייסטו אויף וועגאס וועסטו נישט קענען זעהן די עכטע שיינע ערטער וועלכע געפינט זיך די אנדערע עק ... ווי די "גרענד קעניען נאציאנאלע פארק" געפינט זיך, און איז א 4 א האלב שעה דרייוו פון וועיגעס
די ארט ווי די וועגאס מענטשן גייען ווערט גערופן "גרענד קעניען וועסט" און באלאנגט צו די אינדיאנער... אגב איז דארט די ארט ווי ס'געפינט זיך די "סקיי וואלק" וואס קאסט אגב א הימל שרייענדע 70$... און דאס פלאץ ווירבעלט מיט העליקאפטערס וועלכע מאכן משוגע און הארגענען אוועק די געפיל
אויב גייסטו לאנדען אין פיניקס גייט עס זיין א 3 שעה דרייוו וועלכע דו וועסט געדענקן דיין גאנץ לעבן! ס'איז הערליך שיין!
אויב גייסטו אויף וועגאס וועסטו אוודאי איינשטיין אין א ארטיגע האטעל און די דרייוו צו די קעניען איז ווייניגער ווי א שעה. אגב א אפשטעל ביי די "האָווער דעם" אויפן וועג איז נישט עפעס וואס דו וועסט ווילן פארפאסן...
אויב קומסטו פון פיניקס וועסטו אנקומען צו א שטעטל גערופן טוסייען וועלכע געפינט זיך הארט נעבן די פארק און פארמאגט אסאך האטעלס פאר צוגענגליכע פרייזן און עטליכע געשעפטן
אין וועגאס איז דא מנינים לרחצה... ס'איז אפילו דא איינס 10:00!!!!! (דאס איז א יקר המציאות אין די סטעיטס...)
ביי די נאציאנאלע פארק איז די נענסטע ארט ווי ס'איז דא מנין געוויסע וואכן אין די זומער (מען דארף רופן די שליח צו קאנפערעמען) איז פלעגסטעף וועלכע איז א שעה אוועק
כשר'ס איז דא אין פיניקס אדער סקאדסדעיל (אויך אויפן וועג בערך 20-30 מינוט פון פיניקס) ביי די גרענד קעניען זעלבסט איז פארהאן א קליינע אויסוואל פון כשר'ע פראדוקטן ווי צום ביישפיל באנאנעס און מאראנצן... און אין א שוואכע מינוט או. יא. ניסלעך...
לא כן גרענד קעניאן - לענ"ד איז נישט מעגליך אפצולערנען פון א בילד די אטעם-פארכאפענדע מעכטיגקייט פון די גרענד קעניאן.
זעמיר דארט געווען אמאל (פאר א גאר קורצע צייט), און פארשטייט זיך געכאפט עפעס בילדער. אבער עס איבערקוקנדיג אינדערהיים, האב איך געמאכט "נעה..." - נישט דאס מיינט די פסוק.
לדוגמא: די אייפעל טורעם, נייאגארא פאללס אד"ג, איז מעגליך אריינצוכאפן דאס גאנצע אין איין בילד. לעומת זה, די קעניאן איז מיילן לאנג, און ווי מער מען שפאצירט, אנטפלעקט זיך פרישע מיילן פון מאסיווע בערג און טיפע טאלן - דאס קען א בילד נישט אפכאפן.
האמיר אהין געדרייווט, אין די ווינטער, פון סקאטסדעיל אריזאנע. די וועג איז גאר גאר שיין.
היות מיר האבן לכתחלה נישט געהאט אין פלאן צו גיין אהין. איז דאס באזוך געבליבן אויפ'ן לעצטן טאג. אנקומענדיג, האב איך זיך שוין כמעט געדארפט יאגן צוריק קיין פיניקס צו כאפן מיין פליגער.
איי איז דאס געווען א שאד, אז מיר האבן נישט געהאט מער שעות צו פארברענגן דארט. דאס איז דאך אזאנס מעכטיג און אטעם-אפשטעלנד.
.JPG/EOCcsboIGBMgBygH/XMB8C3Oq8tj6qLtq3pHL5peRklAXZcOfjcvuQP3Ll54?size=1280x960&size_mode=3)
.jpg/EOCcsboIGBMgBygH/_M1z3dUkzBbiY9NbIredkINmpmUrJrGOArx9s3glBtQ?size=1280x960&size_mode=3)
.jpg/EOCcsboIGBMgBygH/rsMOnCCBlvJkIoIeO6LE7UWjb1xR0F9Son4CTAqBzOc?size=1280x960&size_mode=3)
