די אחראים: זייער נייגעריג , אחראי , thefact
מי יודע האט געשריבן: איז אייוועלט אפן ביי משומר?
פ' לך לך האט געשריבן: איך ווייס נישט וויאזוי משומר פילטער ארבעט און צו עס איז א דבר מתוקן אבער כפי ששמעתי האט מהר"א אמאל געזאגט ווען עס האט זיך געהאנדלט איבער ארויסגעבן א אייגענע פילטער אז ער וויל נישט עס זאל זיין א פילטער וואס מען זאל קענען האבן א תירוץ פארוואס מען וויל עס נישט לייגן, וכל זמן די פילטער איז נישט 100 פראצענט פערפעקט וויל ער נישט מחייב זיין צו נעמען דוקא איין סארט פילטער.
וואס פונקטליך די ווערטער באדייטן ווייס איך נישט אבער כך שמעתי.
פ' לך לך האט געשריבן: דאס איז די נוסח וואס האט געהאנגן אויף די צעטלעך אין די בתי מדרשים. די שאלה איז נאר וואס איז שלעכט מיט משומר אז עס האט אויסגעפעלט צו ספענדן הונדערטער טויזענטער דאללארן (כלשונם) אויף נאך א פילטער?
וויכטיג מאכער האט געשריבן: דאס האב איך באקומען פון איינע פון די עסקנים וואס ארבייטן אויף די פראיעקט...
שוין עטליכע יאר וואס א גרופע עסקנים מומחים אין געביט פון טעכנאלאגיע און טעכניקער-פראגראמירער, אין צוזאמענארבעט מיט עטליכע קהלות קדושות בישראל, זענען עוסק מיט גאר גרויסע פילטער-קאמפאני'ס צוצושטעלן א "קהלה פילטער" וואס זאל ערגענצן דעם געברויך פון היימישן ציבור החרדים לדבר ה'. עס איז דערין אינוועסטירט געווארן הונדערטער טויזנטער דאללארן צו פארזיכערן דעם בעסטן סוקסעס צו פילטערן טעכנאלאגישע כלים אויפן שטארקסטן פארנעם, וואס זאל גלייכצייטיג אויך זיין שנעל, באקוועם און צוגענגליך, אן קיין שום גשמיות'דיגע שטער און איבריגע באגרעניצונגען וואס קען שטערן פאר ביזנעס צוועקן.
די "קהלה פילטער" איז א פראדוקט פון עטליכע יאר ארבעט, ב יז ס'איז ב"ה געלונגען זיך אנצושליסן מיט איינע פון די שטארקסטע אונטערנעט-קאמפאניס אין די ביזנעס וועלט וועלכע פארמאגט העכער צוואנציג מיליאן באנוצער טעגליך (וואס פארזיכערט אז די סערוויסעס זענען אויף די שנעלסטע ספיד, שנעלער און מער עפעקטיוו פון אלע אנדערע קלענערע קאמפאני'ס, און ווערט נישט פארלאנגזאמט מיטן פילטער), צוגעשטעלט לויט די געברויכן פון היימישן ציבור.
אין די יעצטיגע טעג קומט די פריידיגע מעלדונג, אז די חשובע טעכניקער-עסקנים האלטן שוין ביי די לעצטע שטאפלען פון ארויסקומען צום ברייטן ציבור,
ווי פארשטענדליך, אז כדי צו קענען ארויסקומען מיט א העכסט געלונגענעם פראדוקט צום ציבור, פארלאנגט זיך א קורצע צייט פון טעכנישע פראבע (Try Out), צו פארזיכערן אז דער פראדוקט איז טאקע אויסגעשטעלט צום שלימות'דיגן באנוץ פון די עווענטועלע קאסטומער, וואס דאס קען זיך אמבעסטן איבערצייגן דורך זאפארט ארויפסיינען א צאל היימישע קליענטן, צו הערן זייערע הערות און הצעות וויאזוי צו פארענדיגן די פרטי פרטים פונעם פילטער, צו די פולסטע באקוועמליכקייט פון אלעמען.
בעלי בתים און קאמפיוטער-באנוצער וועלכע זענען וויליג זיך אויפצוסיינען אויף דעם נייעם "קהלה פילטער", ווערן געבעטן זיך צו שיקן אן אימעיל צו [email protected] וזכות הרבים יהא תלוי בהם.
"קהלה פילטער" האפט בעז"ה גאר בקרוב צו קענען מעלדן די ענדגילטיגע פרטים פונעם נייעם פילטער.
מיט דאנק פון פאראויס.
