גמ"ח "המצא מנוחה" - אפירזוכן קברים און מצבות
מודעה רבה לחוקרים, ידענים, חובבי קברים, צאצאים, חסידים, ואנשי מעשה.
מיט פרייד ווילן מיר מודיע זיין אז נאך פילע באמיאונגען, און נאך פילע הפצרות פון אסאך חברים, פון דא אויף אייוועלט, און פון ארום די וועלט, וועלן מיר בעז"ה אנהייבן צוצושטעלן א שפאגל נייעם סערוויס חנם אין כסף מיט'ן נאמען "גמ"ח המצא מנוחה".
וועלכע מצבה איר זוכט נאר קענט איר זיך פארבינדן אויף דעם אימעיל matzeivos @ גימעיל.קאםגיט אונז איבער דעם פולן נאמען און די שטאט ווי די מצבה געפינט זיך, און מיר וועלן נאכזוכן אויב מיר האבן די מצבה אין אונזער באזיץ און מיר וועלן אייך שיקן א בילד פון די מצבה. אויב מיר האבן דאס נישט, וועלן מיר דאס פארצייכענען ביי אונז, און פראבירן די בעסטע דאס אויפצוזוכן פאר אייך. פארשטייט זיך אז נישט אלץ איז מעגליך גלייך צו האבן אן ענטפער, און מעגליך אז מיר וועלן בכלל נישט האבן.
ומכאן הקריאת יוצאת: אויב איר האט סיי וואספארא בילד פון מצבה / מצבות פון אייראפע, און אוודאי אויב איר האט פון א פולן בית החיים, שיקט דאס אריין צו אונז און הונדערטער אידן וועלן אייך מכיר טובה זיין און בפרט די נשמות הקדושות וויבאלד דאס וועט זיין א גרויסע הילף ווען איינער וויל פארן אויף קברי אבות און ער וועט קענען טרעפן די מצבות.
אזוי אויך ווען איינער פלאנירט א נסיעה אויף קברי אבות, קען ער שטארק בייהילפיג זיין מיטן איינמעלדן פאר אונז, און מיר וועלן אים מודיע זיין וואס אונז זוכן אויב ער קען דאס טרעפן און מאכן א בילד לזכות את הרבים.
איר וועט קענען מפרסם זיין מצבות פון אייערע עלטערן/משפחה אן קיין חשש אז מען וועט אייך אנטדעקן, אלעס וועט ווערן געהאלטן אין שטרענגסטן געהיים בעז"ה.
מיר האפן אז דער ציבור איבער די וועלט וועט הנאה האבן פון דעם, און איש את רעהו יעזורו לטובת ולעילו נשמות הקדושים אשר בארץ המה.
וועד הפועל
גמ"ח המצא מנוחה
שע"י ק"ק אייוועלט
גמ"ח המצא מנוחה
שע"י ק"ק אייוועלט
