$$ אייוועלט שותפות לאטערי $$

אלד וויליאמסבורג · מאנטאג יאנואר 07, 2008 8:22 am

קען עס גיין צו א ביליאן?

אויסגערעכנט · מאנטאג אוגוסט 10, 2015 9:50 pm

אז אין די לעצטע צוויי טעג איז עס ארויף מיט 150 מיליאן גייט עס אין דריי טעג ארויפגייט אסאך מער ווי דעם
דאס איז חוץ פון דעם אז אין די היסטערי איז נאך נישט געווען קיין לאטערי ביי אזוי הויעך אן קיין געווינער וואס דאס מאכט א שטארקע ווינט צו קויפן מער ווי עני טיים און מען קען נישט שאצן די ביז ווי עס גייט דערגרייכן

אלד וויליאמסבורג · מאנטאג יאנואר 07, 2008 8:22 am

דארפסט נעמען אין באטראכט אז די טשענס צו געווינער איז איינס פון 292 מיליאן.
150 מיליאן דאלער איז נאר 75 מיליאן נאמבערס, ווייל עס קאסט דאך 2 דאלאר א טיקעט, עס קען נאך גיין 4 מאל אזויפיל צו האבן א זיכערע געווינער.

די היסטערי קען נישט געניצט ווערן ווייל די אדדס האבן זיך געטוישט ווען זיין האבן צוגלייגט 10 נאמבערס, דעמאלטס איז עס נאר געווען איינס פון 175 מיליאן

בן נון · זונטאג דעצעמבער 20, 2015 6:57 pm

אזא אינטערעסאנטע אשכול...

יאצמעך · מאנטאג אפריל 13, 2015 4:09 pm

אלד וויליאמסבורג האט געשריבן: דארפסט נעמען אין באטראכט אז די טשענס צו געווינער איז איינס פון 292 מיליאן.
150 מיליאן דאלער איז נאר 75 מיליאן נאמבערס, ווייל עס קאסט דאך 2 דאלאר א טיקעט, עס קען נאך גיין 4 מאל אזויפיל צו האבן א זיכערע געווינער.

די היסטערי קען נישט געניצט ווערן ווייל די אדדס האבן זיך געטוישט ווען זיין האבן צוגלייגט 10 נאמבערס, דעמאלטס איז עס נאר געווען איינס פון 175 מיליאן

ס'איז דא עטליכע טיקעטס מיט די זעלבע נומערן אויך

פ' לך לך · דינסטאג אפריל 17, 2012 11:37 pm

No winners in Powerball drawing -- new jackpot is $675 million, the biggest in U.S. history

יש ברירה · מאנטאג אוגוסט 17, 2015 3:44 pm

אלד וויליאמסבורג האט געשריבן: דארפסט נעמען אין באטראכט אז די טשענס צו געווינער איז איינס פון 292 מיליאן.
150 מיליאן דאלער איז נאר 75 מיליאן נאמבערס, ווייל עס קאסט דאך 2 דאלאר א טיקעט, עס קען נאך גיין 4 מאל אזויפיל צו האבן א זיכערע געווינער.

די היסטערי קען נישט געניצט ווערן ווייל די אדדס האבן זיך געטוישט ווען זיין האבן צוגלייגט 10 נאמבערס, דעמאלטס איז עס נאר געווען איינס פון 175 מיליאן

לוינט זיך נישט יעצט צו קויפן אלע נומערן אויף א זיכערע געווינס? אפי' עס וועלן זיין צוויי געווינער איז נישט אזוי שלעכט העכסטענס דארף מען עס טוען עטליכע מאל ביז מען געווינט אליינס, מען דארף נאר זיין געניג רייך עס צו קענען קויפן אין קאטן די לאסעס ביז מען סטרייקט גאלד

די נייע סקרעטש אפפ פאר ביליאנערן...

גלאזער · מיטוואך אוגוסט 12, 2015 11:25 pm

Cash value is now 413.1
After taxes it's around 260

א גולם · מיטוואך אוגוסט 06, 2014 10:32 pm

פלאנעך צו קויפן איינס פאר דער עולם דא, (פארוואס זאל דרךארץ דערלייגן צוויי מאל)
היות איך האב פראבלעמען צו עטעטשן א פייל, צו וועם קען איך שיקן א בילד פין א טיקעט?

די דיזיינער · מוצ"ש נאוועמבער 28, 2015 10:36 pm

א גולם האט געשריבן: פלאנעך צו קויפן איינס פאר דער עולם דא, (פארוואס זאל דרךארץ דערלייגן צוויי מאל)
היות איך האב פראבלעמען צו עטעטשן א פייל, צו וועם קען איך שיקן א בילד פין א טיקעט?

טיקעט קענסט מיר שיקען

פלעכטער · דאנערשטאג יוני 20, 2013 11:57 am

אךךךך.. איך גלייב נישט איך האב פארגעסן אריינציסיינען... אבער... שומר פתאים ה'... די טיקעט האט נישט געווינען.

דרך ארץ א שכח פארן צוזאם ברענגן אזויפיל חברים, צוקניפטיגע שותפים, אויף איין פלאץ. און דעלייווערן א געוואלדיגע איידיע ניטל איידיע.

די איידיע פון א גרופ טיקעט איז צי קויפן 50 לאטא נומבערס אויף איין טיקעט אזוי האט מען א גרעסערע שאנס. איז דא א וועג אז יעדע ניק שיקט 2 דאללער און מ'קויפט א לאטא מיט אסאך נומערן? אפשר קען מען שיקען די געלט אויף פעיפעל? אדער אריינטראגען צי ליע עוו פאטא...?

זאכליך · זונטאג דעצעמבער 19, 2010 5:23 pm

רואיג רואיג... ביזט שוין אנגעקומען צו 75 תגובות...

מחותן · דאנערשטאג יאנואר 07, 2016 8:28 am

א גולם האט געשריבן: פלאנעך צו קויפן איינס פאר דער עולם דא, (פארוואס זאל דרךארץ דערלייגן צוויי מאל)
היות איך האב פראבלעמען צו עטעטשן א פייל, צו וועם קען איך שיקן א בילד פין א טיקעט?

דרך ארץ האט דיר עס געבעטען?
אויב נישט ווארט ביז ער וועט באשליסען ווי אזוי ווייטער צו גיין, עס איז זיין אדייע און לאז אים דערמיט.

א גולם · מיטוואך אוגוסט 06, 2014 10:32 pm

Okay, will wait

פארבינדן · מאנטאג מאי 18, 2015 6:44 pm

די לאטערי האט נאכנישט געווינען ווייל איזאק פעלט

פארבינדן · מאנטאג מאי 18, 2015 6:44 pm

גאר וויכטיגע אינפארמאציע פון פארבס פאר אלע געווינער, עס איז ראטזאם שוין דורכצוליינען ווייל מוצאי שבת קען מעגליך די מח זיין אומקלאר פון די טשולענט

10Things To Do When You Win The Lottery

קאליפארניע · פרייטאג יולי 11, 2014 12:16 am

א גיטע עצה איז גלייך צי מאפן צי פלארידע, מצאלט דארט די וויינגסטע טעקסעס

פארבינדן · מאנטאג מאי 18, 2015 6:44 pm

און די זריזים קענען שוין מופן

ענדע צדיק! · מיטוואך יולי 17, 2013 4:44 pm

סיין אוט.

גלאזער · מיטוואך אוגוסט 12, 2015 11:25 pm

קאליפארניע האט געשריבן: א גיטע עצה איז גלייך צי מאפן צי פלארידע, מצאלט דארט די וויינגסטע טעקסעס

ווענד זיך וואו מ'קויפט עס

מגיה · דינסטאג אוגוסט 23, 2011 4:48 pm

כ'האב נישט אריינגעסיינט ווייל כ'האב געקענט באשטיין צו אויסמיידן פון נעמען א שאנס צו זיין א טייל פון איינע פון די גרעסטע מחלוקת וואס האט נאר אמאל אויסגעבראכן ביי כלל ישראל... קענסט זיך פארשטעלן וויפיל דיני תורות, געריכטן, לשון הרע'ס, רכילות, גילוי ניקיים [תרתי משמע] עס וואלט זיך אפגעטון...
אבער עס וואלט געווען א געוואלדיגער רעיון אז די געלונגענע פעדערס דא זאלן זיך צוזאמנעמען און אראפלייגן וויאזוי עס וואלט אויסגעזען אזא געשיכטע אויב דער דאזיגער אייוועלט-לאטערי-צעטל איז דער געווינער.
אנגעהויבן פון די 100 טויזנט תגובות אין די ערשטע שעה, וויאזוי די מידיע פרובירט ערקלערן וואס דאס איז "איי-וועלט" און געט אנאליזן אויפ'ן חרדישן פאלק און וויאזוי דער ריזיגער לאטערי געווינס קען זיי אפעקטירן (און עטליכע ניקים פארדינען גלייך פון די ריזיגע פארלאנג אין טראנסלעשאן וואס די מידיע באשטעלט, בשעת אנדערע שרייען "געוואלד, פאררעטער, חילול ה'"), ווי דער סערווער קראכט פון די 60 מיליאן באזוכער פון איבער דער וועלט, ווי עס הייבט אן ארומפארן שמועות איבער דעם ריכטיגן אידענטיטעט פון דעם פותח האשכול (וועלכער איז שוין יעצט ארומגענומען מיט אזויפיל דיינים און לאיערס אז ער האט שוין באלד חרטה פאר'ן געווינען).
דאן קומט די רומארס איבער א טיילווייזע ליסטע פון די איבעריגע ניקים, דערנאך מעידזשער דילעמעס און היציגע קריגערייען איבער דער גאנצער אידישער וועלט ווי צענדליגער פאמיליעס זענען שוין טיף אריינגעמישט די נאז און צוגעקלעבט צו זייער קרוב וואס גייט דא ווערן א מיליאנער נאר יענע באנדיטן, גנבים און רשעים פרובירן אונטערלייגן פיסלעך און אוועקנעמען דעם חצי טלית שלי. אלע כוללים זענען ביזי איבער'ן קאפ און עס פליען מאמרים און בירורים אזש יעדעס אינגל ווערט א בקי מיט יעדע אומבאקאנטסטע טערמין אין הלכות קנין, אסמכתא, דבר שלא בא לעולם, עדות, מתנה, שלוחים, שותפים, צווישן אנדערע. פארשטענדליכערע יונגעלייט זענען פארטיפט נישטערן איבער די פארשידענע געזעצן, ווארפן טערמינען וואס קומען יא אדער נישט אריין. יעדע ניק וואס זיין רייץ נאך געלט שטייגט איבער זיין דראנג צו בלייבן אנאנים און איז איבערצייגט אז זיין בני בית וועט זיין מער פרייליך מיט'ן געלט ווי גערעגט אויף איר מאנ'ס טויזנט אומגעוואונטשענע תגובות זיצט מיט אייגענע אדוואקאטן צו וויסן זיינע רעכטן און אפציעס און מיט קאמפיוטער גיקס צו איבערצייגן אז ער איז טאקע דער פארשוין אונטער דעם חשוב'ן גליקליכן ניק. געוויסע ארויסגעפאלענע ניקים טענה'ן אז זיי זענען שותפים אין "ניק פלוני" ווייל "איך האב אויך געהאט די פעסווארד דערפון און עס אמאל גענוצט", אנדערע פרובירן אויפבויען א טענה אז זיי האבן קלאר געמיינט זיי האבן אריינגעסיינט אין דעם אשכול אבער עס איז עפעס נישט געגאנגען, מען שפאנט איין העקערס, מען פרובירט דערגיין יעדע דעטאל, די אידישע גאס איז אויף פייער, די גואישיע גאס רודערט (און פלאצט פון קנאה אז שוין ווייטער די אידן), קאנספיראציעס פליען פון איין עק וועלט ביז'ן אנדערן איבער די פיפיגע און פאראזיטישע אלטרא-ארטאדאקסן וואס האבן די חוצפה צו געווינען. אנדערע הונדערטער ניקים זענען אין א טיפע דעפרעסיע פאר'ן נישט האבן קיין שכל זיך אנצושליסן אין דעם לאטערי אשכול, ווען פלוצלינג קומט די נייעס אז וויקיליעקס האט ארויסגעגעבן אלע אימעיל אדרעסן פון אלע ניקים אויף דעם וועלטל. עס ליגן אויפ'ן טיש רבנים און זקנים, עשירים און באלעבאטים, קליינע יונגעלייט און גרויסע יונגלעך, בחורים פליען פון ישיבות, שידוכים ווערן אפגעלאזט, און טייל נחבא-אל-הכלים'ס ווערן נתגלה. דער מאסן-גילוי סקאנדאל הייבט באלד אן מער אויפרודערן די גאס ווי די נארישע מיליאנען. אלעס גייט כאדאראם.
ענדליך הייבט אן קומען פלענער וויאוזי דאס געלט ווערט צעטיילט, די גאנצע אידישע גאס ווערט געטוישט, די היימישע עקאנאמיע בליט אויף ווי קיינמאל בעפאר, צוביסלעך ווערט א נייע סטאנדארט, רעקלעך פון זילבערנע שנירלעך, שטריימלעך פון פערד-האר אריינגעמישט שטיקלעך עלעפאנט ציין, סיענעס ווערן פארשוואונדן און אויפ'ן פלאץ זעט מען מיני דראונס, און אוודאי ניצט מען עס אויך צום גוטן, אתרוגים גייען פאר טויזנטערס, לולבים מאכט מען ארטיפישעל גאר מהודרדיג אין א סאפיסטיקירטע לעב און מצות ברענגט מען פון א פעלד אויף מארס, יעדעס קינד באקומט א פול-טיים מלמד, אין צוגאב פון א פול-טיים פסיכאלאג, טעראפיסט און עטליכע ראבאטישע חברים וואס לערנען בחברותא צוגעפאסט לויט דעם קינד'ס גוסטע. בר מצוות ווערן געמאכט אויף שיפן און חתונות אויף האטעל-העליקאפטערס. א דערפל צווישן קרית יואל און מאנסי ווערט א מיני סיליקאן וועלי און וויליאמסבורג ווערט די יאנטשי ביליגע פלאץ צו וואוינען, עשירים ווארפן זיך אויף די גאסן און מען ווירבלט משונה'דיגע פלענער פון דא ביז די לבנה, און --- דאן הערט מען אז די לאטערי באעהרדע האט זיך טועה געווען מיט איין נומער...

שמאטע · דאנערשטאג מארטש 26, 2009 3:40 pm

האסט עס דאך זייער גוט אראפגעלייגט...

אין איין ווארט (נמביגד"פ) קען מען זאגן אז עס וואלט אויסגעקוקט אזוי:
viewtopic.php?f=21&t=22220
ודי.... ואכמ"ל... והמבין יבין....

פלטיאל · מאנטאג אפריל 13, 2015 10:19 pm

שיגאים... וויאזוי סיינט מען ארויס פון דא?

כרם · זונטאג מאי 25, 2014 10:46 am

דרך ארץ וועט מאכן א קידוש השם און שיקן יעדעם זיין חלק צו 199 ליע עוו. אדער אנדערע פי או באקסעס
לא גילו ולא טוענים לא די"ת ולא חילול השם, יעדער וועט זיין העפי און ס'וועט ארויס קומען א גרויסע כבוד פאר אייוועלט

derech eretz · דאנערשטאג אוגוסט 04, 2011 3:13 pm

ווי פארשטענדליך האבן מיר נישט געווינען בלויז ווייל די סומע איז געווען צו קליין ווי וואס ס'קומט זיך עכט פאר אונז חברי אייוועלט, אלזא די קומענדיגע איז לכאורה אונזערס!

איך געב אבער אוועק דעם כבוד פונעם נייעם לאטערי, כל הרוצה ה.. יבוא ויטול, ווי וואס ווען זאל יענער באשליסן.

ברכה והצלחה!

אידישע וועלט פארומס

$$ אייוועלט שותפות לאטערי $$

א גוט מארגן שותפים!