ברוך דיין האמת - הגאון הרב שטיינמאן זצ״ל
הגאון הראש ישיבה ר' אהרן יהודא לייב בן הרב נח צבי שטיינמאן זכר צדיק לברכה.
נסתלק לגנזי מרומים
נסתלק לגנזי מרומים
מורי ורבותי, טיייערע קאלעגעס פון אונזער זייטל איי-וועלט, מלפנים היימישע קרעטשמע.
ווי יעדער זעט איז געקומען די שמועה לא טובה, איבער די פטירה פון הרב שטיינמאן פון בני ברק.
היות דער מענטש איז - טראץ זיין גרויסקייט בתורה ויראה - זייער א קאנטערווערסיאלער פיגור אין דעם עולם היהדות, און אז עס זענען דא וואס האלטן פון אים עולם ומלואה, זענען דא אנדערע וואס האלטן פונקט פארקערט און נאך מער. און צו אונזער גוט מזל, האבן מיר - לויט ווי מיר האבן געזען אין די עבר - פון ביידע צדדים דא אין אונזערע פארומס.
די גמרא זאגט אין בבא בתרא "לעולם אל יספר אדם בטובתו של חבירו שמתוך טובתו בא לידי רעתו" און אזוי אויך דער רמב"ם אין הלכות דעות, און דער רבינו יונה אויף משלי, און ווי אויך אלע שפעטערדיגע ספרי מוסר ווארענען נישט צו רעדן פון א מענטשן'ס שבח, כדי נישט צוצוקומען צו רעדן פון יענעמ'ס גנאי.
אלזא מיט פארשטענדעניש פונ'ם ציבור, וועלן מיר נישט לאזן שרייבן בשבחו, כדי עס זאל נישט צוקומען אז אנדערע זאלן שרייבן בגנות פון הרב שטיינמאן. צי איז דאס פון חסידים וואס זענען קעגן די ליטווישע גדולים, צי איז דאס פון קנאים. יעדער מיט זיינע טענות, און צומאל אפשר ריכטיגע. און פון די אנדערע זייט וועלן זיין בעניצערס וואס וועלן ווערן אנגעווייטאגט אויף דעם. וועלן מיר נישט צולאזן קיין שום שבח, און קיין שום גנאי.
די נאמען מיט די טיטול הגאון, אדער הרה"ג און ז"ל אדער זצ"ל, און ווי אויך טרוקענע נייעס פון די לוי' און די הספדים (נישט די תוכן, פארשטייט זיך) וועלן יא אפראווד ווערן; און מיר וועלן פרובירן דאס צו מאשר זיין דאס שנעלסטע וואס שייך.
יעדע אנדערע סארט הערכה אדער תגובה סיי וואו אויפ'ן וועלטל, וועט באלד פארמעקט ווערן אן קיין טענות ומענות.
