כ'האב געמאכט א ספרעדשיט אין וועלכן מ'קען זען אלע פאפולערע קארדס און סקעילס, און ווי אויך אן עקסטרע שיט פון אלע סקעילס וואס זענען בכלל שייך צו מאכן, סיי פון 7 טענער און סיי פון וועלכער קאמבינאציע פון טענער וואס שייך. אויבן קען מען אויסוועלן דעם Root און ס'וועט אויטאמאטיש ווייזן אלע טענער פון די סקעילס אדער די קארדס. אויך קען מען אויסוועלן צו ווייזן די נומערן אדער די אינטערוואלס, ארויסגעשריבן אדער אין קורץ. https://docs.google.com/spreadsheets/d/ ... sp=sharing
מיר זענען אדורך דעם לאנגן וועג פון פארשטיין וואס איז דאס קול בכלל, ביז׳ן ארויסהאבן די זיבן טענער פון וואס מיר קלויבן פון זיי צו בויען א מעלאדיע. אין די פריערדיגע שיעורים זענען מיר אבער נאר צוגעקומען צו די ערשטע באשטאנדטייל פון א ניגון; די זיבן טענער. דאס איז אבער נישט די איינציגסטע. די צווייטע עיקר פאקטאר אין א ניגון איז ריטעם.
Rhythm
יעדע שטיקל מוזיק וואס איז נאר אמאל געשריבן געווארן איז צוזאמגעשטעלט פון קול און צייט. מוזיק קען נישט פאסירן אן זמן. ד״ה אז מוזיק מוז געהערט ווערן איבער א געוויסע צייט אפשניט.
אנדערשט ווי א פעינטינג אדער א סקולפטור וואס זענען קאמפאזיציעס אין פלאץ - מקום, איז מוזיקאלישע ווערק א קאמפאזיציע געוואנדען אין צייט. צייט איז די קאנוועס פון מוזיק. די וועג ווי אזוי מען שטעלט אויס די מעלאדיע אין צייט איז די ריטעם פון א ניגון. ריטעם - אין מוזיק - באדייט די צוטיילונג פון זמן אין אייניגע פראפארציעס וואס פראדוצירט א רעגולארע פעטערן משך זמן.
די מהות און רעיון פון ריטעם איז פארהאן אויך אין אנדערע ארט ווי פאעזיע, מאלן, און ארכיטעקטור.
נישט קיין חילוק וואסערע פעטערן׳ס א שטיקל מוזיק קען האבן (פעטערן׳ס אין פיטש וכדומה), איז ריטעם די מערסט ׳לעבנסוויכטיגע׳ באשטאנדטייל אין מוזיק. ריטעם קען עקזעסטירן אן מעלאדיע, ווי אין די פרימיטיווע ׳מוזיק׳ אין אפריקע וואס באשטייט בעיקר פון דראם קלאפעס, אבער מעלאדיע קען נישט עקזעסטירן אן ריטעם.
גאר אסאך זאכן אין אונזער וועלטעל האבן ריטעם. ווי למשל די ערד גייט ארום די זון מיט א ריטעם פון בערך 365 טעג א יאר, און עס דרייט זיך מיט א ריטעם פון איין טאג.
אין פארגלייך צו פיטש קומט ריטעם מער נאטורליך צום מענטש ווייל עס איז איבעראל אין אונזער לעבן, פון די הארץ קלאפעס ביז די גערודער פון א באן אויף די שינעס.
Beat
׳ביעט׳ און ריטעם איז נישט די זעלבע זאך. ביעט איז ס״ה אן אופן פון ריטעם.
נוסח האט נישט קיין ביעט אבער יא א ריטעם. אז דער חזן וועט אויסציען איין ווארט איבער דאס אנדערע וועט עס זיין גאר אומאנגענעם פארן אויער. די ווערטער דארפן זיין בערך די זעלבע געזעצט.
ווי אזוי רעכענט מען די פולס? מען דארף עס קענען צוגלייכן צו עפעס און אזוי עס מעסטן. אזוי ווי די ספיד פון א קאר וואס מען גלייכט עס צו צו שעה, אדער א פוס צו אינטשעס אא״וו. ווי אזוי שאצט מען די סכום פון ביעטס? דורך Bpm.
די שטייסטע טעמפא מעגליך איז בערך ביי 33 Bpm דערנאך קענען שוין נישט אונזערע מוחות מחבר זיין איין ביעט צום צווייטן אז מ׳זאל נאטורליך שפירן דעם המשך דערפון. ס׳וועט שפירן ווי די צוויי ביעטס האבן נישט קיין שייכות.
Measure or bar
ביעטס ווערן גרופירט אין Measurs צו ׳בארס׳.
אין מוזיק איז ביעטס ארגאנאזירט אין חלקים וואס ווערט גערופן מעזשער׳ס - Measurs. ווען מען שרייבט עס אויף פאפיר ווערן די חלקים צוטיילט מיט באר ליניעס. ס׳איז דא אסאך וועגן ווי אזוי צו ארגענעזירן ביעטס.
4/4
די מערסט באקאנטע ביעט איז 4/4 וואס באדייט אז ס׳איז פארהאן 4 ביעטס אין א Measure און יעדע ביעט אינעם Measure איז א פערטל נאט.
ד״ה אז די ניגון גייט לויפן אין די פאלגענדע פעטערן;
דאס ווערט אנגערופן Meter און דאס פונאנדערשיידט איין ביעט פון צווייטן. אן די מושג פון Meter - דגוש - וואלט נישט מעגליך געווען צו פונאנדערשיידן צווישן א מארטש און א וואלס.
פרובירט עס אויס. הייבט אן צו קלאפן אויפן טיש א וואלס, איינס צוויי דריי, איינס צוויי דריי, אבער זינגט נישט מיט דעם ניגון. בלייבט אויפן זעלבן ריטעם און טוישט נישט די שנעלקייט. אינמיטן, פרובירט מיטן קאפ אנצוהייבן ציילן - אויף די זעלבע ביעט - איינס צוויי דריי פיר, איינס צווי דריי פיר, וועט איר אנקומען צו א מארטש... ווייל בעצם זענען ביעטס די זעלבע, די שאלה איז נאר ווי מען לייגט דעם דגוש.
די ערשטע ביעט איז געווענליך די שטערקסטע און אין רוב מוזיק האבן די באר׳ס די זעלבע סכום פון ביעטס.
אלעס איז ריטעם
בעצם איז ריטעם און פיטש די זעלבע זאך. זיי פאסירן פשוט ביי אנדערע שנעלקייטן.
לאמיר אויפבויען דעם קעיס.
ווי געשריבן אין די פריערדיגע שיעורים, אויב עפעס וויבערירט ביי א ראטע פון 100 מאל פער סעקונדע וועלן מיר הערן א נאט פון 100 Hertz. עס איז דא זעכציג סעקונדעס אין א מינוט. וואס איז מיר נוגע? ווארט׳ס א מינוט. ריטעם, און אונזער פארשטאנד פון כסדר׳דיגע פולס איז דעפענירט דורך ביעטס פער מינוט. א ביעט פון 60 ביעטס פער מינוט באדייט אין סעקונדעס; זעכציג מאל זעכציג פער סעקונדע. איז בעצם איז פיטש און ריטעם די זעלבע זאך נאר פאסירן נאר אין אנדערע צייטן און שנעלקייטן! פיטש איז 100 מאל פער סעקונדע און ריטעם ביי 120 Bpm איז צוויי מאל פער סעקונדע...
לאמיר עס ממחיש זיין.
אויב הערט מען די גערודער פון א קאר מאטאר זיך אנצינדען צו פון די בלעידס פון א פען ביים אנהייבן די הקפות, וועט מען קודם הערן אזא פשוטע ררררר גערודער אבער עווענטועל וועלן זיי ווערן שנעלער און שנעלער ביז מען וועט הערן א בלויזע ברום ארויסקומען פון זיי. וואס איז געשען דא? נאר דאס איז בעצם די פענאמען פון וואס מיר רעדן דא.
פונקט ווי די שמיעה פון א מענטש האט גרעניצן און מען קען בלויז אויפכאפן פון 20 Hz ביז 20000Hz, די זעלבע איז פארהאן גבולים אין ריטעם. און וואס איך מיין דערמיט איז די מעגליכקייט צו פונאנדערשיידן צווישן ביעטס. אויב מען שפילט עפעס מורא׳דיג שנעל, לאמיר זאגן 10 Hz וואס איז 10 ביעטס פער סעקונדע, וועט אונזער מעגליכקייט צו פונאנדערשיידן צווישן די נאטן ווערן גאר אפגעשוואכט. ווי שנעלער עס ווערט וועט די ריטעם ווערן מער בלורי און צעמישט ביז עס וועט עווענטועל קומען א מאמענט וואס ריטעם וועט פארוואנדעלט ווערן אין פיטש. די ׳ברום׳ וואס מיר הערן פון עפעס וואס דרייט זיך גאר שנעל, איז פון ריטעם וואס איז פארוואנדעלט געווארן אין פיטש.
שטימט? לאמיר גיין א שטאפל ווייטער.
אין די וועלט פון ריטעם איז פארהאן אן אינטערסאנטע פענאמען גערופן Polyrhythm. פאלי-ריטעם באדייט אז אין די זעלבע צייט ווערן געשפילט פארשידענע באזונדערע ריטעמס. לאמיר זאגן 100 Bpm צוזאמען מיט 150 Bpm. (ווען מען הערט עס בינאזאם הערט מען פערטל נאטס - ביעטס, און צודריטעלטע פערטלעך נאטס - ביעטס (Quarter Note Triplets). ס׳איז גאנץ קאמפליצירט און ס׳פעלט נישט אויס אריינצוגיין אין איר טעאריע און צו וואס מ׳נוצט דאס).
ווי געשריבן אין דיטענער ארטיקל, פשוטע Ratios הערן זיך גוט, און קאמפליצירטע Ratios הערן זיך נישט צו גוט. די פערפעקט פיפט (לאמיר זאגן E) איז די פשוטסטע Ratio - 3:5, און דערפאר הערט זיך עס געשמאק צוזאמען מיטן טאניק (A). און די צווייטע אינטערוואל (- B) (Major 2’nd) הערט זיך נישט גוט צוזאמען מיטן טאניק ווייל זיין Ratio איז 9:8.
און די זעלבע געדאנק פון נאטורליכע Ratios, ווערט אפאלירט צו קאורדס - ווען מען קאמבאנירט פארשידענע אינטערוואלס צוזאמען.
די Ratio פון א מעידזשער קאורד איז 4:5:6. - פיר Cycles קעגן פינעף קעגן זעקס.
וואס איז די שייכות פון די לענג פון די שטריק Ratios צו די polyrhthems אויבן דערמאנט? שטעלט זיך ארויס אז זיי זענען גענוי די זעלבע זאך!
ליינט און שטוינט.
אז מען שטעלט צוזאם דריי אנדערע ריטעמס און מען מאכט דערפון א פאלי-ריטעם פון 4:5:6 (- 4 פולסעס(מיט גענוי די זעלבע פלאץ צווישן איין פולס אין צווייטן)וואס שפילן אין די זעלבע סכום צייט פון פינעף פולסעס און אין די זעלבע סכום צייט פון זעקס פולסעס), און מען פארשנעלערט (די טעמפא פון אלע ריטעמס אינאיינעם) און פארשנעלערט עס אזש ס׳שוין אוממעגליך צו פונאנדערשיידן די ריטעמ׳ס, וועט עס פארוואנדעלט אין פיטש ווי אויבן דערמאנט, אבער נישט סתם א פיטש... נאר צו א מעידזשער קאורד!
יאפ. אז מען פארשנעלערט דעם פשוטן פאלי ריטעם וועט עס פארוואנדעלט ווערן אין א מעידזשער קאורד.
(כ׳וועל פרובירן אין די קומענדיגע טעג צו רעקורדירן דעם פענאמען.)
לאמיר נעמען די פיטש A וואס שטייט ביי 440 Hz. אויב דאפעלט מען די פריקווענסי צו Hz 880, בלייבט עס ווייטער אן A נאר יעצט איז עס אן אקטאווע העכער. יעצט קען מען דאפלען ווייטער און ווייטער 1760, 3520, 7040, ביז 14080 וואס איז די העכסטע A וואס ס׳איז מעליך פאר אונז אויפצוכאפן. אבער עס פארטיגט זיך נישט דא.
די קומענדיגע דאפלונג צו 28160 איז ווייטער די זעלבע A. מיר קענען עס טאקע נישט הערן אבער עס מיינט נישט אז עס עקזעסטירט נישט… מען קען עס האלטן אינאיין דאפלען - 56320, 112640, 225280, 450560, ביז מען קומט אן צו א געוויסע פונקט וואו מען קומט אן צו גאר אן אינטערסאנטע פלאץ.
ווען מען קומט אן צו פריקווענסי וויבעראציעס וואס פאסירן טריליאנען מאל פער סעקונדע קומט מען אן צו די פריקווענסי פון ראיה!
כידוע, יעדע קאליר האט אן אנדערע פריקווענסי און דאס מאכט עס זאל האבן אן אנדערע קאליר, איז ווען מען איז אינעווייניג אין דעם ליכטיגקייט ספעקטרום קען מען אויסרעכענען די קאליר פון A…
עס שטעלט זיך ארויס אז A (פערציג אקטאוועס העכער 440 Hz) איז Orange. די פערפעקט פיפט - די מערסט נאטורליכע Ratio - אין אונזער פאל E, איז די קאליר בלוי.
אין די טשארט קען מען זעהן די קאלקולאציעס פון אלע פיטשעס וואס מיר נוצן היינט העכער מיט 40 אקטאוועס.
The color Of sound.png (636.04 KiB) געזען 3463 מאל
יעצט האלטס אן די זיצן…
סיר אייזק ניוטון די באוואוסטע מאטעמאטיקער וואס האט ׳ערפונדען׳ גראוויטעט שרייבט באלד דריי הונדערט יאר צוריק אין א בוך זיינע אז די די מערסט נאטורליכע שותף פון די קאליר אראנדזש איז א געוויסע סארט בלוי…
..........
טעכניש גערעדט, ווען מען פארשנעלערט א פיטש גייט עס נישט פארוואנדעלט אין ליכטיגקייט, ווייל קול איז א קאמפרעשען כוואליע און עס מוז האבן א חומר אין וואס צו לויפן (אין ספעיס איז נישט שייך צו הערן א קול ווייל דארט איז א וואקיום) און ליכטיגקייט איז עלעקטרא מאגנאטישע ראדיאציע, ממילא זענען זיי צוויי אנדערע זאכן.
אבער די עיקר נקודה איז די ענדליכקייטן פון די פריקווענסי נומערן אין די טבע הבריאה.
הפלא ופלא.
..........
יישר כוח Of course, יאפין, מים חיים, פעניאק, ירח בן יומו, פאר די פידבעק, און א ספעציעלע דאנק פאר למדן וצדיק פאר זיין הערליכע עקסעל שיט אויף סקעילס.
מ'קען נעמען פשוט יעדן ביינערי נומער און עס קאנווערטן צו א דעם געהעריגן נומער וועלכער מיר נוצן. דער נומער פונעם מעידשאר סקעיל איז 2773, און פונעם מיינאר 2906. ד"ה און אנדערע ווערטער אז ווען מ'זאגט אז דער מעידשאר סקעיל, למשל, איז נומער 2773, איז דאס נישט סתם א צוגעשטעלטער נומער אין דער וועלט אריין, נאר דער אמת'ער נומער פון דעם סקעיל. לויט דעם נומער קען מען וויסן פון וועלכע נאטן דער סקעיל באשטייט!
נומערן פון 1
אויב גייט מען מיט דעסימעל נומערן קאנווערטעד פון ביינערי נומערן איז דא א פראבלעם. יעדער פארשטייט למשל אז 011011010101 איז נישט קיין סקעיל. א סקעיל קען נאר באשטיין פון א ביינערי נומער וואס דער ערשטער נומער איז 1, ווייל ס'נישטא אזא זאך ווי א סקעיל אָן אַן ערשטן טאן. דאס מאכט אז אויב מ'קאנווערט די ביינערי נומערן פון די סקעילס צו געהעריגע נומערן, הייבן זיך אן די נומערן פון 2048. נומער 1 אין ביינערי נומערן איז למשל 000000000001, וואס איז פארשטייט זיך נישט קיין סקעיל. דאקעגן דער ביינערי נומער פאר'ן סקעיל וואס באשטייט נאר פון איין טאן איז 100000000000, וואס אין דעסימעל נומערן איז דאס 2048. דעריבער כדי צו קענען נומערירן די סקעילס פון 1 ארויף, דארף מען נעמען דעם קאנווערטעד דעסימעל נומער אין מאכן מיינוס 2047. אזוי קומט אויס אז סקעיל נומער 2048 (דער סקעיל וואס באשטייט נאר פון איין טאן) איז נומער 1, אא"וו ארויף.
נאטן
דאס איז פונקט ווי דער פריעדיגער שיט. דא קען מען זען די נאטן פון יעדן סקעיל. אויבן קען מען אויסוועלן דעם Root, אדער אז ס'זאל ווייזן די נומערן, אדער די נעמען פון די אינטערוואלס. כ'האב געמאכט אז ס'זאל זיין אין איין קאלום, פשוט ס'זאל זיין גרינגען צו ליינען.
