בין קודש לחול - פאעזיע און גראמען פארמעסט תשפ"א #20
בין קודש לחול
קום אהער טייער פריינד, מיין
האסט דאך ליב טאלאנט, ניין?
זעה עפעס אינטרעסאנט, שיין:
די זעלבע זאך, פאך, שפראך,
פאר דעם רייך, יענעם שוואך.
ווערד א לאך?
כ'ווארן אייך: זיי וואך, פון ווערן גלייך, צומישט אסאך...
- - -
פאר איינעם נשמה
פארן צווייטן טמא
פאר איינעם הארץ
פארן צווייטן שווארץ
פאר איינעם טיף
פארן צווייטן שיף
פאר איינעם זיס
פארן צווייטן מיאוס
פאר איינעם ערליך
פארן צווייטן געפערליך
פאר איינעם קלוגע
פארן צווייטן משוגע
פאר איינעם גאונות
פארן צווייטן נסיונות
פאר איינעם האפן
פארן צווייטן בלאפן
פאר איינעם געשאנק
פארן צווייטן קראנק
פאר איינעם גאלד
פארן צווייטן פארפוילט
פאר איינעם שטרעבן
פארן צווייטן אויפגעבן
פאר איינעם פארטיפט
פארן צווייטן לופט
פאר איינעם פשוט
פארן צווייטן חשוד
פאר איינעם נגינה
פארן צווייטן מגונה
מענטשן'ס מחשבות, קאלירטע לבבות, קיינמאל שוות.
פלייש-ביין גופים, אנדערע פרצופים, אלערליי כיסופים.
פאר איינעם קדושה
פארן צווייטן בושה
פאר איינעם עכט
פארן צווייטן שלעכט
פאר איינעם מוח
פארן צווייטן רויעך
פאר איינעם פלאם
פארן צווייטן סם
פאר איינעם העכער
פארן צווייטן לעכער
פאר איינעם געפיל
פארן צווייטן קיין ציל
פאר איינעם כ'פארשטיי
פארן צווייטן ס'דאך פריי
פאר איינעם מטעמים
פארן צווייטן מכל העמים
פאר איינעם קאנעקטן
פארן צווייטן בלויז עקטן
פאר איינעם נעקסט לעוול
פארן צווייטן הבלים הבל
פאר איינעם פרומער
פארן צווייטן קרומער
פאר איינעם דעלישעס
פארן צווייטן בושות
פאר איינעם להבין
פארן צווייטן תרבות יוון
פאר איינעם אורות
פארן צווייטן פאלשע תורה'ס
מענטשן'ס מחשבות, קאלירטע לבבות, קיינמאל שוות.
פלייש-ביין גופים, אנדערע פרצופים, אלערליי כיסופים.
פאר איינעם תוכן
פארן צווייטן סתם טוחן
פאר איינעם אור
פארן צווייטן שוואכע דור
פאר איינעם שארף
פארן צווייטן דאקטער דארף
פאר איינעם טאלאנט
פארן צווייטן נישט אינטרעסאנט
פאר איינעם ליכטיג
פארן צווייטן נישט ריכטיג
פאר איינעם א כאפ
פארן צווייטן א קלאפ
פאר איינעם ניי - תתחדש
פארן צווייטן אלט - זאג קדיש
פאר איינעם ניגון
פארן צווייטן געוואלד געשריגן
פאר איינעם מעודד
פארן צווייטן מתמודד
פאר איינעם מיט שמחה
פארן צווייטן מחה תמחה
פאר איינעם קנאקעדיגע ביסלי
פארן צווייטן אותו תתלו
פאר איינעם שיינע טישטוך
פארן צווייטן נישט איך!
פאר איינעם נשמת השכל
פארן צווייטן קאסט א שמייכל
פאר איינעם אלטערנאטיוו
פארן צווייטן אלטער-נעגאטיוו
מענטשן'ס מחשבות, קאלירטע לבבות, קיינמאל שוות.
פלייש-ביין גופים, אנדערע פרצופים, אלערליי כיסופים.
- - -
אלו ואלו דברי אנשים חיים
זאל עס זיין מספדי צו מחול,
וירא שמים יוצא ידי שניהם
האק א לעבן - חטוף ואכול,
יעדער מיינט'עך לשם שמים
און פאר שגיאות טאטי ימחול,
נעם נאר פונעם שכל שיריים
ברוך המבדיל בין קודש לחול...
איז דער ארטיקל געשריבן אין 'גראמען' ? דאן רעיט אינעם ערשטן אפציע לויט'ן שטאפל איר האלט אז עס איז. איז דער ארטיקל 'פאעטיש' געשריבן? דאן רעיט אינעם צווייטן אפציע לויט'ן שטאפל איר האלט אז עס איז. אויב פעלט פון דעם ארטיקל איינס פון די צוויי אויבנדערמאנטע, דאן מאכט א טשעק ביי "נישט נוגע".
דער רבי האט געהייסן פריילאך זיין! פריילאך זיין! פריילאך זאל מען זיין!!!
