תוארי כבוד: די היסטאריע און אנטוויקלונג פון 'טיטלען'

מיללער · דינסטאג אפריל 21, 2015 11:52 am

איז דער טיטול "הנשר הגדול" רעזערווירט נאר אויפן רמב"ם?

כתב ולשון · מיטוואך אפריל 01, 2015 10:01 pm

דאס טיטול 'הנשר הגדול' איז באנוצט פיל מער ווי מען מיינט... איך קען ברענגן פילע דוגמאות.

למשל אין 'אבני בית היוצר' (נוסח המציבות בעיר פרעשבורג) ווערט גענוצט דער טיטול אויף הרבני מו"ה ברוך בייעא זצ"ל

farshlufen · דינסטאג אפריל 21, 2015 1:06 pm

אגב "פוסק הדור" איז א מיינונגלאזע קינדער-שפראך טיטל אן קיין הענט און פוס.

כתב ולשון · דינסטאג אפריל 21, 2015 1:49 pm

מ'טרעפט טאקע נישט די טיטול "פוסק הדור" אין קיין שום פריערדיגע ספר.

קיקיון · מאנטאג יולי 16, 2012 11:11 am

אין באבובער שערי ציון אלול תש"כ

לכתחילה אריבער · זונטאג מאי 09, 2010 7:20 pm

עס איז דא אינמיטן איינע פון די דרשות פון מרן רחמ"ד זצ"ל ווי ער באהאנדעלט דעם ענין פון טיטלן.

נאכדעם ווי הגה"צ מנייטרא זצ"ל - זיין שווער - האט זיך - כלשונו - "געשעמט אויף די גאס ארויסצוגיין, געשעמט אין בית המדרש אריינצוגיין", ווייל מרן רחמ"ד זצ"ל האט געשריבן אויף אים "הגאון הצדיק רשכבה"ג".

(כמעט זיכער די טיטלען)

קיקיון · מאנטאג יולי 16, 2012 11:11 am

אפשר איז דא א "כ" וואס מען ןןאלט זיך געקענט דינגען
היינט וואלט מען געשריבען וויפיל שורות?

קיקיון · מאנטאג יולי 16, 2012 11:11 am

וואס וואלט מען היינט געשריבען
אויף אזא אינגערמען מיט וועם מען האט זיך געטשאטשקעט ?
ארי שבחבורה וואלט מען דאמאלט (תש"כ) נישט געקענט שרייבען ווייל ער און זיין חברותא
הרה"ג ר' נחום מאיר גערמאן שליט"א זענען געווען די איינציציגע "כולל אינגעלייט"

קאווע באנדל · זונטאג יוני 07, 2015 9:49 pm

צום באמערקען אז ס'איז דא טיטלען וואס מען האט אמאל געשריבן אויף צדיקים און היינט דערוואגט מען זיך (נאך)נישט,
ווי נמשל "מופת הדור" "בוצינא קדישא" "אספקלריא מאירה" וכדו' וואס מען טרעפט אסאך אז מען פלעגט שרייבן אויף לעבעדיגעצדיקים.
זעהט אויס אז אזוי מעשיגע איז מען נאכנישט (דערווייל...)

בנימין הלוי · מאנטאג יוני 08, 2015 12:16 am

והוא פלאי האט געשריבן: די וועלט טייטש שירו לה' שיר חדש, ווייל תהלתו, כביכול'ס טיטלען בקהל חסידים, יעדער פשוט קהל יוד צווישען חסידים רופט מען שוין אזוי.

אלף בית האט געשריבן: כהאב געהערט פון הרב ביק שליט"א מעזיבוש'ער רב, בדרך הלצה.
מ'זאגט הללוקה שירו לה' שיר חדש.
פארוואס דארף מען זינגען פארן אייבערשטן א נייעם שיר, וואס איז שלעכט מיט די אלטע?
ווייל תהלתו, דאס וואס איז דער לויב פונעם אייבערשטן, בקהל חסידים, זאגן שוין אלע חסידים אויף זייערע רבי'ס.
דעריבער דארף מען זיכען פארן אייבערשטן עפעס א נייע געזאנג

דער ווערטל שטייט אין ספה"ק ייטב פנים

מיסתפינא · דאנערשטאג יאנואר 24, 2019 5:39 pm

כמה מיני תוארים מצינו לרבותינו שכתבו על רבותיהם נ"ע.
"רבינו הגדול" מיינט בדרך כלל דער רי"ף.

התואר "רבינו" ווערט בעיקר געשריבען נאר אויף ראשונים.

אין די סוף תקופת הראשונים ותחילת תקופת האחרונים באשכנז האט מען אנגעהויבען ניצען די טיטעל "מורינו הרב רבי", ווי למשל מהרי"ל מהר"ש מהרש"ל וכדומה.

דער טיטעל "מרן" ניצט מען בעיקר אויפן בית יוסף, עפ"י רוב דורך גדולי ספרד אבער לאו דוקא.

דער טיעטל "הרב" מיינט מען בעיקר דער רמ"א, אינטערסאנט פארוואס מען שרייבט נישט "מרן".

התואר "הרב" ניצט מען אויך ווי א מליצה אויף רבינו עובדיה מברטנורא, ווייל אזוי ליינט זיך די ר"ת פון זיין נאמען.

אין די שפעטערע יארן האט מען אנגעהויבען ניצען די טיטעל אויפן בעל התניא, אינטערסאנט פארוואס.

חמרא · מאנטאג יאנואר 25, 2016 8:51 am

איר דערמאנט מיר פון די באקאנטע מעשה (ווייס נישט צו אמת אדער נישט) אז ווען דער חזון איש זצ״ל האט געזעהן דעם חידושי ׳רבנו׳ חיים הלוי האט ער געזאגט אז דעם טיטול רבנו נוצט מען נאר אויף ראשונים. האט דער בריסקער רב געזאגט אז דעם לשון ׳חזון׳ טרעפט מען נאר ביי נביאים

SPUSMN · מאנטאג יוני 06, 2011 11:01 am

די השתלשלות פון טיטלען (וואס שתלשלט נאך יעצט און איז ווייט פון פערטיג) איז זייער א א אינטערעסאנטער נושא. סיי די טיטעלען פאר די נעמען און סיי די טיטלען נאך די נעמען. רש"י (רבינו שלמה יצחקי) באקומט פון די ראשונים נאר א פשוטע "זכרונו לברכה". אויף היינטיגע לייגט מען שוין צו זצוקללההזיעועכיא.

צו געזונט · מוצ"ש נאוועמבער 21, 2009 6:24 pm

אין די קומענדע יאהרען העט מען שוין שרייבען, הני תרי צנתרא דדהבא הרה"ג רשכבה"ג ר' משה רבינו זצוקללה"ה, ואחיו אשר כל רז לא אניס ליה, משים לילות כימים ה"ה הרה"ג ר' אהרן הנקרא אהרן הכהן זיעועכי"א

זונטאג מארטש 02, 2008 10:17 pm

SPUSMN האט געשריבן: די השתלשלות פון טיטלען (וואס שתלשלט נאך יעצט און איז ווייט פון פערטיג) איז זייער א א אינטערעסאנטער נושא. סיי די טיטעלען פאר די נעמען און סיי די טיטלען נאך די נעמען. רש"י (רבינו שלמה יצחקי) באקומט פון די ראשונים נאר א פשוטע "זכרונו לברכה". אויף היינטיגע לייגט מען שוין צו זצוקללההזיעועכיא.

מיר ליגט אין קאפ אז שוין אמאל געווען א שמועס דערוועגן.

אינטרעסאנט אנצומערקן אז אויף די עלטערן שטייט אין רמ"א אז מען דארף צולייגן - ווען מען דערמאנט זיי - זכרונו לברכה, זאגט די טו"ז אז אין גמרא שטייט מען דארף זאגן זכרונו לברכה לחיי העולם הבא (זללה"ה).

לכאורה פון דעם איז געווארן צוצולייגן ביי צדיקים מער ווי ביי עלטערן - צדיק וקדוש (זצוקללה"ה). און זיעועכי"א איז א וואונטש...

ווייסעכנישט גארנישט · מיטוואך יאנואר 16, 2019 6:51 pm

מיסתפינא האט געשריבן: דער טיטעל "מרן" ניצט מען בעיקר אויפן בית יוסף, עפ"י רוב דורך גדולי ספרד אבער לאו דוקא.

דער טיעטל "הרב" מיינט מען בעיקר דער רמ"א, אינטערסאנט פארוואס מען שרייבט נישט "מרן".

דאכצעך אז די טיטל מרן שטאמט פון דעם אז דער ב"י איז געווען מוסמך כידוע, אויב ווייסט איינער קלארער איבער דעם זאל אריינקומען.

התואר "הרב" ניצט מען אויך ווי א מליצה אויף רבינו עובדיה מברטנורא, ווייל אזוי ליינט זיך די ר"ת פון זיין נאמען.

ביים ברטנורא איז הרע"ב נישט הרב.

אין די שפעטערע יארן האט מען אנגעהויבען ניצען די טיטעל אויפן בעל התניא, אינטערסאנט פארוואס.

לכאורה האט מען דעם גדול הדור און פוסק גערופן אזוי, למשל ביי די מקובלים איז די אריז"ל דער "רב", וכן הרמ"א אצל האשכנזים, די בעל התניא איז געווען דער גדול הדור ופוסק אין רוסלאנד ועוד, האט מען אים דארט גערפון דער "רב".

מיסטעריעז · פרייטאג אוגוסט 13, 2010 2:54 pm

ווייסעכנישט גארנישט האט געשריבן:

מיסתפינא האט געשריבן: התואר "הרב" ניצט מען אויך ווי א מליצה אויף רבינו עובדיה מברטנורא, ווייל אזוי ליינט זיך די ר"ת פון זיין נאמען.

ביים ברטנורא איז הרע"ב נישט הרב.

הר"ב (=הרב ברטנורא) ווערט גענוצט אין די מאסן אויפן ברטנורא. הרע"ב איז ווייט פון א געשמאקע ר"ת צו נוצן, וכן ביי מספר הדפים.

זונטאג מארטש 02, 2008 10:17 pm

ווייסעכנישט גארנישט האט געשריבן:

מיסתפינא האט געשריבן: דער טיטעל "מרן" ניצט מען בעיקר אויפן בית יוסף, עפ"י רוב דורך גדולי ספרד אבער לאו דוקא.

דער טיעטל "הרב" מיינט מען בעיקר דער רמ"א, אינטערסאנט פארוואס מען שרייבט נישט "מרן".

דאכצעך אז די טיטל מרן שטאמט פון דעם אז דער ב"י איז געווען מוסמך כידוע, אויב ווייסט איינער קלארער איבער דעם זאל אריינקומען.

כ'ווייס נישט, אבער כמדומה ס'איז נאר א מליצה מ'מאתים ר'בנים נ'סמך, צוגעשטעלט אויף וואס אחרונים זאגן אז דער וואס טוט ווי די פסק הב"י טוט ווי 2 הונדערט רבנים, אבער מרן מיינט נישט אויף אן אמת דאס, ווייל די טיטל איז שוין געניצט געווארן אסאאך פריער, דוכט זיך אז במקורו קומט די טיטל אויף א מלך, ווי עס קוקט אויס איז בזמן הראשונים פון מרנא געווארן מרן.

גלאזער · פרייטאג יאנואר 25, 2019 1:28 am

וואו איז עס גענוצט פריער?
כ'מיין ס'שטאמט פון חיד"א

גלאזער · פרייטאג יאנואר 25, 2019 1:33 am

איך מיין מ'זעט עס ערשט אין בבל בשתי הישיבות, מרן דבשמיא לך מתחננן דסליחות, או מרן דבשמיא יהא בסעדהון דיקום פורקן

זענדל · פרייטאג יאנואר 25, 2019 5:08 am

דארט טרעפט מען אויך "למרנן ורבנן"....

זונטאג מארטש 02, 2008 10:17 pm

גלאזער האט געשריבן: וואו איז עס גענוצט פריער?
כ'מיין ס'שטאמט פון חיד"א

ווי נישט? מען טרעפט עס שוין אין די ראשונים, די ב"י אליין ניצט עס אויך.

בנוגע מש"כ שהיו משתמשין בתואר זה למלך, ראיתי או שמעתי פעם זה, שזה נראה מגמרא (ר"ה יח.) בראש השנה כל באי העולם עוברין לפניו כבני מרון, ומפרש שם כחיילותיו של דוד, ופרש"י וכבני מרון, כבני חיילות של מלך, מרון, לשון מרות ואדנות.

בכל אופן כ'האב יעצט געמאכט א שנעלע זיכעניש אין בר אילן, זע איך אין ירושלמי (סנהדרין פ"ב ה"ג, פ"ו ה"ג, פ"ו ה"י) ווערט עס טאקע דערמאנט איינמאל אויף שאול המלך, און איינמאל אויף דוד המלך, אבער אויך איינמאל אויף ר' אבהו. און אינטרעסאנט אין מדרש (ב"ר פרשת וישלח פרשה ע"ה סימן ה') שטייט עס אויך איינמאל אויף א מלך אז רבינו הק' האט אזוי געשריבן צו אנטונינוס מרן מלכא.

חמרא · מאנטאג יאנואר 25, 2016 8:51 am

היינט איז אסאך מאל ׳מרן׳ איבעגעשריבן פון ענגליש moron

אהרן הלוי · זונטאג פעברואר 18, 2018 1:42 pm

חמרא האט געשריבן: היינט איז אסאך מאל ׳מרן׳ איבעגעשריבן פון ענגליש moron

גרויסע-גדולה · זונטאג אפריל 02, 2017 12:55 pm

https://he.m.wikipedia.org/wiki/תארים_רבניים

אידישע וועלט פארומס

תוארי כבוד: די היסטאריע און אנטוויקלונג פון 'טיטלען'

התוארים" "מרן" "הרב" "רבינו" וכדומה