אזוי איבערגייענדיג די היסטאריע פון טארנא, האב איך געטראפן עטליכע טעותים וואס איך האב דא געשריבן, און אזוי אויך פרישע זאכן וואס שטייט נאכנישט דא. איך וועל ערשט פארעכטן די טעותים, דערנאך מוסיף זיין מיט די פרישע פרטים.
אגב הרה"ח ר' שמואל טויבער מוויליאמסבורג וואס איז יעצט אוועק, נכד הגאונים הצדיקים ארזי הלבנון זי"ע, פלעגט כסדר באזוכן טארנא און זיכערמאכן אז די בית החיים ווערט נישט נאכגעלאזט.
לויטן חשבון איז אין דעם בנין געווען די דרוקעריי פון רבי יהושע יהודה גלאנץ און נאך זיין פטירה האט עס געפירט זיין אלמנה. איך האב צוזאמגענומען א ליסטע מיט בילדער פון א שיינע פאר ספרים וואס מען האט געדרוקט אין טארנא. און אדרבה ווער עס קען ארויסהעלפן זאל שטעלן בילדער ממה שנמצא בידו.
דער בנין איז א לאנגער בנין, אויף די מאלדאוואסקע גאס, אויף די גאס האבן רוב אידן געוואוינט.
עטליכע בילדער פונעם באזוך פון העסקן ר׳ אריה לייב גלאנץ נכד המדפיס ר׳ יהושע יהודה הנ״ל, און להבח״ל הרב הערץ פרענקל ז״ל לטובת די בית החיים אין טארנא מיט יארן צוריק.
די בית החיים איז געווען אין א שרעקליכע צושטאנד, אן א גדר, און זיי זענען אראפגעפארן זיך טרעפן מיטן מעיאר, ביים באזוך האט די שטאט זיך אינטערגענומען צו צאלן א גרויס חלק פון די קאסטן פונעם נייעם גדר.
די בילדער נאכן בויען די גדר האב איך שוין געשטעלט דא.
צום דערמאנען הרה״ח ר׳ שמואל מנחם טויבער ז״ל נכד רבי שמואל מטארנא בן רבי מנחם מענדל זי״ע פלעגט כסדר פארן אין די געגענט וועגן זיין פרנסה, און ער פלעגט כסדר אריינגיין קיין טארנא קוקן און זיכערמאכן אז די בית החיים ווערט געהעריג אפגעהיטן, און ווען ער האט געזעהן אז מצבות הערן נישט אויף צו פאלן איינמאל נאכן צווייטן האט ער מסדר געווען אז מען זאל עס לכתחילה לייגן ליגענדיג, מערקט די בילדער. דעמאלטס האט מען אויך איבערגעמאכט די מציבה פון הרבנית חיה גיטל ע״ה אשת רבי מנחם מענדל מטארנא ובת הנטע שורק.
