די ימים נוראים מאכט מיר סטרעס, וואס טוט מען?

פראפעסאר · מיטוואך יולי 31, 2024 8:26 pm

קודאס צו דיר פארן עפענען אזא וויכטיגע נושא וואס איז וויכטיג פאר אזויפיל אידן היינט, אויב קען מען זאגן אז היינטיגע טעג עני פשוטע איד וואס נעמט ערנסט די יום הדין פאלט אריין אין אן ערנסטע סטרעס דערפון.

פראפעסאר · מיטוואך יולי 31, 2024 8:26 pm

אפשר לייג זיך אינגאנצן אריין אין הענט פון באשעפער ער זאל דיר פירן, אפילו תשובה טון זאל ער דיר צוהעלפן. איך טראכט אויך אז גאר אסאך מאל קומט די סטרעס פון פילן אז כדי צו זיין אן ערליכע איד דארף מען 24\7 טראכטן און זיך מצמצם זיין צו טון דעם רצון ה', און עס איז ברור אז עס איז נישט אזוי, נאר דער באשעפער וויל מיר זאלן אים דינען פון אונזער נארמאלע לייף סטייל.

מען בעט די אידן וואס פארשטייען זאלן ביטע אריינקומען אים דעם אשכול פארברייטערן ארום דעם נושא. עס איז גאר א וויכטיגע נושא.

הרב_שלום · פרייטאג דעצעמבער 12, 2014 9:44 am

פון משלחן מלכים

ווייסע לייב · מאנטאג יולי 22, 2024 8:03 pm

פראבירטס צי לערנען א גוטע ספר וואס רעדט וואס צי טון למעשה א שטייגער ווי די של"ה הקדוש אדער יסוד ושורש העבודה, מער ווי א ספר אויף מחשבה אין השגות, עס גיבט אייך מער די געפיל פון איך האב געטון אלעס וואס שטייט, אין די פילסט ווי די ביסט פארט פון די זאך,

זיידעןגארטעל · פרייטאג מאי 20, 2022 7:11 pm

באמת איז נאר א פילונג, באמת האסטו פאראיאר אויך געהאט די פילונג און די טעג זענען אריבער הערליך, דו האסט למשל הנאה געהאט פון דעם בעל תפילה און זיינע ניגונים וכדומה, אפילו דו האסט געטראכט 2 וואכן ביפאר, אז עס קומט לאנגע שרעקעדיגע טעג וואס איך וועל נישט אדורכטראגן גרינג.
און דאס יאר ביסטו ב"ה עלטער און קליגער, דאס יאר קומען נאך שענערע טעג, און אסאך בעסערע, און מיר גייען זעהן עפעס אויפציטון, פאר אנדערע, מאכן פריילעך א צווייטן וכדומה, צו אין די אייגענע משפחה אריינברענגען אזא פריילעכקייט, אז זיי זאלן נישט פילן שפעטער אונזערע פילונג.
אין רוב פעלער ליגן די שלעכטע געפילן נאר אין בעק פון דיין קאפ פון אלס קינד צו פון אנדערע שווערע דורכגענג פון די אינגערע יארן.
איך שרייב אזוי שיין פאר דיר, אבער גלייב מיר אז איך פלעג פילן די זעלבע! איז, איך רעדט צו מיר אליין שטענדיק, עס איז נישט אמתע מחשבות.
וויאזוי האט דער צדיק רבי ישעי יעקב זצוק"ל געשריבן פאריגע וואך,

בס"ד "נאר מיט אמונה"

כאפ דיך אן מיט די הייליגע ווערטער און שווים אדורך דיין הערליכע לעבן וואס דאס איז א מתנה פון גאט ב"ה, און זאג אפאר מאל די ערשטע 'אני מאמין', גיי ארויס אויף דער גאס מיט א שטאלץ און מיט א געשמאק, און פון שעה צו שעה וועסטו אי"ה שפירן ווי א בעסערע קליגע 'גוטער איד'....
]ווען מיר האבן ווען נישט די טעג, וואלטן מיר אגענץ יאר געפילט ליידיק אן געפילן[
וויאזוי האט יענער געזאגט!
איך בענק מיך צוריק די שרעקעדיק געפילן פון ווען פאר איך בין א חתן געווארן און געזעצן אקעגן איבער איהר.......
די געפילן זענען גאר גאר גוטע, מען דארף נאר וויסן וויאזוי דאז אריינצושטעלן אין די ריכטיקע פלאץ אין מח....

בן דותא · מאנטאג יולי 27, 2020 4:32 pm

די ימים נוראים מאכן נישט קיין סטרעס, איר מיינט צו זאגן אז איר נעמט סטרעס פון די ימים נוראים

Rabbi Chaim · זונטאג פעברואר 04, 2024 3:30 pm

קוגל מאכער האט געשריבן: ↑ דאנערשטאג סעפטעמבער 12, 2024 5:48 pm

ב”ה ס’קומט שוין אט אט די הייליגע טעג,
יעדער גרייט זיך, יעדער פילט עס שוין אין די לופטן,
איינער מער איינער ווייניגער.
ס’איז דא מענטשן וואס די טעג געבט עם א שאקל, און העלפט איהם צו זיך נעמען אין די הענט אריין,
ס’איז דא אבער זייער אסאך מענטשן, וואס די טעג מאכט איהם שרעקליכע סטרעס,
ער ווארט שוין קוים אויס, פון התרת נדרים ער”ה, ביז נאך נעילה, אז די טעג זאלן זיך ענדיגן,
די סטרעס און אנגעצויגנקייט שטערט איהם נאר פון תשובה טוהן, זיך דערנענטערן צום באשעפער,
אנשטאט דעם איז עס פוהל מיט פיין און צער.
וואס טוט מען?
כ’גלייב א חלק עולם עפנט אויף צוויי גרויסע אויגן, וואס זוכט די נושא פון חיזוק לימים נוראים,
אין דעם פארום פון תורת הנפש,
איז לאמיר זיך טאקע אביסל אויסשמועסן, נישט בדווקא אין ספרי מוסר, נאר אין די חלק הנפש, ווי אזוי ארבעט מען מיט זיך נפשות’דיג צו פארגרינגערן די סטרעס און לחץ, וסוף התשובה לבוא.

מן הסתם זענט איר מיט אסאך עבירות דורכגעפאלן די יאר אז איר האט זאנע סטרעסס.

פאסט א האלבן טאג גאנץ אלול והשם הטוב יכפר

דער מענעדזשער · מאנטאג יאנואר 31, 2022 1:48 pm

פראפעסאר האט געשריבן: ↑ דאנערשטאג סעפטעמבער 12, 2024 11:20 pm

אפשר לייג זיך אינגאנצן אריין אין הענט פון באשעפער ער זאל דיר פירן, אפילו תשובה טון זאל ער דיר צוהעלפן.

די ריכטיגסטע און פאסיג'סטע תשובה אויף די נושא!

פראפעסאר האט געשריבן: ↑ דאנערשטאג סעפטעמבער 12, 2024 11:20 pm

איך טראכט אויך אז גאר אסאך מאל קומט די סטרעס פון פילן אז כדי צו זיין אן ערליכע איד דארף מען 24\7 טראכטן און זיך מצמצם זיין צו טון דעם רצון ה', און עס איז ברור אז עס איז נישט אזוי, נאר דער באשעפער וויל מיר זאלן אים דינען פון אונזער נארמאלע לייף סטייל.

דיסאגרי!
כדי צו זיין אן ערליכער איד דארף מען יא 7/24 טראכטן און זיך מצמצם זיין צו טון דעם רצון ה'!
בכל דרכיך דעהו! ביים עסן, ביים שלאפן, ביים שמועסן מיט חברים, ביים ארבעטן און ביים לערנען

אבער נישט מיט קיין סטרעס! נאר מיט א רואיגקייט און שטרעבן און פרובירן צו טוהן רצון הבורא דאס מערסטע אין די יכולת, מתפלל זיין ביי אהבה רבה און ביי אתה חונן.

אקעי איך בין מיד נמשיך למחר אי"ה

מונאוויטש · זונטאג נאוועמבער 22, 2015 6:08 pm

דו ביסט אן אַדאָלט. טשעק אויס די סיבה אונטער די סטרעס.
כאפ אן דעם גנב ביים קארג.
אויב איז די אנגעצויגנקייט צוליב [ששששש] "ווייל איך האב נישט קיין געדולד צו אלול/עשי"ת", האסטו (און אונז אלע) אסאך האום ווארק. ספרי מוסר, און תהלים ובקשות אז השי"ת זאל עפענען דאס הארץ.

בת קול · דאנערשטאג אוגוסט 08, 2024 3:30 pm

ראש השנה איז "מלך בשדה", וואס איז גאר א געשמאקע געלעגענהייט צו בעיטן פון די מלך וואס דו ווילסט!
און מלך בשדה איז א "בענעפיט" (אפארטאנירי)נישט קיין התחייבות!

ראש השנה בעיט מען די מלך פאר א געשמאקע זיסע יאר!

און אויב דו ווילסט טאקע אלעס האבן וואס דו בעיטסט פון די מלך,איז גיב זיך א "שטיקל צירוק-קער" צום מלך,און פארדעים "נאר יום כיפור" טוט מען תשובה..

און סיי ראש השנה און אפילו יום כיפור ווינטשט מען זיך א גוט יום טוב,און מען איז זייער בשמחה!

און סיי יום כיפור און סיי ראש השנה האבן אונזער חז"ל קובע געווען צו טראגן שיינע בגדי שבת, און ראש השנה קובע געווען צו עסן געשמאקע סעודות!

און אויך "שופר בלאזן" איז א "בעניפיט" וואס די אויבערשטער האט געגעבן,וואס דורכן בלאזן שופר קען מער קיינער נישט מקטרג זיין אויף דיר! (איינער פון די הויפט טעמים)

און מוצאי יום כיפור קומט ארויס א בת קול וואס שרייט "מיינע קינדער עסט'ס א געשמאקע סעודה,ווייל איך האב אויסגעהערט ענקער זיסע תפילות!

דארף מען נישט זיין בשמחה????

Willy · פרייטאג סעפטעמבער 13, 2024 1:11 am

נארמאלע זאך צו כאפן א שטיקעל קיצל.

איינער וואס כאפט נישט קיין קיצל. מיינט אז זיין נשמה איז ליידער אויסגעלאשן.

זייצפריילעך · זונטאג מאי 08, 2022 2:02 pm

it's possible that your brain connects the holy days to someone else's stress
maybe an old melamed or your parents or anyone else or a babies tape from 20 years ago and you looked at it this way
try to delete everything you know about diese days and start learning everything from the foundation(what is in pusik, what is in chaza"l, what is in Medrash, what is in shilchen urich, what is in chassidus, what is in mata efrayim, what is in our chassidus, what is in other kehilas, what did a bal darshan said - fact check it, you can ignore it if you want) and don't look at how others think about it

again, understand what you are doing and why you are doing it, and dont look at anyone else.

יצחק אייזיקל · מאנטאג אוגוסט 14, 2023 10:16 pm

די עצה איז צו צעטיילן די שרעקעדיגע "ימים נוראים" אין אסאך טיילן, און זען פון וואו די סטרעס קומט.

ס'קומט געווענליך פון 1 אדער 2 זאכן, וואס מאכט די גאנצע זאך אויסקוקן שלעכט, ווען בעצם איז אלעס גוט חוץ דאס.

א' סליחות? זייער קורץ, ביז 45 מינוט איז מען פארטיג, ס'איז זונטאג און מ'ארבעט נישט און מ'קען זיך צוריקלייגן שלאפן...
יעדן טאג סליחות איז טאקע א שטיקל פרעשור, אבער מ'פאסט נישט מ'קען טרונקן א קאווע און ס'איז נישט עק וועלט.
ערב ראש השנה סליחות איז א הכנה צום ראש השנה, מ'זאגט הערליכע פיוטים און מ'בעט דעם אויבערשטן פאר מחילה וסליחה.
התרת נדרים איז די יערליכע עברי היימארבעט, נישט שלעכט בכלל. (א הכנה צו די שיר היחוד פון ליל כל נדרי...)
לשנה טובה וואונטשן איז זייער געשמאק.
שחרית ראש השנה איז טאקע פרי, אבער נישט געפערליך לאנג. גיי הער א שיינע בעל תפילה, האב הנאה פון די שיינע ניגונים.
שריי המלך מיטן גאנצן קנאק, זיי ממליך דעם אויבערשטן פארן גאנצן יאר.
דאס ליינען ר"ה איז זייער א שיינע נוסח.
פאזע? וואס קען זיין בעסער.
תקיעת שופר איז דאך די הויכפונקט פון יאר, מ'איז מקיים א מצוות עשה דאורייתא און דער אויבערשטער איז מכפר עוונות.
מוסף ראש השנה איז דאך איין שטיק מלכיות.
צום גדליה איז א תענית פונקט ווי עשרה בטבת
שלש עשרה מדות הערט מען קרבנות, תשליך, טאקע א טויש אין סקעזשועל, אבער נאכאלץ נישט קיין בער.
כפרות איז גאנץ געשמאק. מ'שטייט אויף פרי, מ'שלאגט, קורצע סליחות - וואס קען זיין בעסער ווי אויסלאזן די סליחות...
ערב יום כיפור - סעודות, מקואות, איבערבעטן, גאנץ א געשמאקע איבערלעבעניש, אביסל פחד פון די יום הדין אבער נישט עק וועלט.
כל נדרי איז דאך די הייליגסטע נאכט, אביסל סטרעס שאדט נישט...
יום כיפור ביי שחרית שלאפט מען סייווי.....
ביי מוסף איז שוין האלב טאג אדורך
מנחה איז דאך שנעל
נעילה דארף מען טאקע איינרייסן, שערי שמים פתח.
אויספאסטן? נע... דאס איז נישט סטרעספול בכלל.
ממחרת יום הכיפור קומט שוין די השפעות טובות פון די ימים נוראים און די שמחה פון סוכות קומט שוין אן.

גיי דורך דעם טשעק ליסט, און זע פון וואס די סטרעס קומט. זיי אנגעצויגן נאר דעמאלטס, און די איבריגע זיי פרייליך. אזוי ביסטו כאטש נישט סטרעספול גאנץ ימים נוראים, נאר עטליכע שעה....

געוואלטיג · מאנטאג אוגוסט 29, 2011 5:12 pm

הרהג רבי מענדל ווייס זאגט אלס זייער שטארק אבער אלול איז ער אויסטערליש
איך לייג דא א שמועס וואו ער רעדט איבער דעם אז די פראבלעם ביי אונז איז די פארפעקשאניזעם אז מוויל אלעס מדארף וויסן וואס רבינו הק' מסאטמאר הדברי יואל זי"ע האט געזאגט הייליגע טעג אז השי"ת וויל פון אונז איין אמתע קרעכטס..
https://portal.teleground.com//media/sa ... _74748.wav

הרב_שלום · פרייטאג דעצעמבער 12, 2014 9:44 am

לערן דורך די טייטש פון לדוד ה אורי

זייצפריילעך · זונטאג מאי 08, 2022 2:02 pm

these days are not about "doing things from the checklist" everything we do is work in heart.
if we are not used to staying close to Hashem then we have a big problem, we have to go back to him (teshuva) with Simcha

געוואלטיג · מאנטאג אוגוסט 29, 2011 5:12 pm

געוואלטיג האט געשריבן: ↑ פרייטאג סעפטעמבער 13, 2024 1:35 am

הרהג רבי מענדל ווייס זאגט אלס זייער שטארק אבער אלול איז ער אויסטערליש
איך לייג דא א שמועס וואו ער רעדט איבער דעם אז די פראבלעם ביי אונז איז די פארפעקשאניזעם אז מוויל אלעס מדארף וויסן וואס רבינו הק' מסאטמאר הדברי יואל זי"ע האט געזאגט הייליגע טעג אז השי"ת וויל פון אונז איין אמתע קרעכטס..
https://portal.teleground.com//media/sa ... _74748.wav

דא רעדט ער אויך שטארקע זאכן אויף אלול
https://portal.teleground.com//media/sa ... 134935.wav

ער האט אסאך שיעורים וואו ער רעדט איבער דעם אז אלול איז נישט קיין בער אבער אפילו וואו ער רעדט נישט ממש פון דעם רעדט ער ארום און ארום דעם ענין וואס בארואיגט אסאך די ענין פון סטרעס אויף תשובה און אויף אלול תשרי

עס איז אויף קול סאטמאר 845-537-4000 דערנאך 216
פאר אלול גייט צי די וואכן פון שופטים און ווייטער אדער גייט צי מועדים ביי 8 און וועל אויס חודש אלול תשרי

קוגל מאכער · דינסטאג יוני 02, 2015 11:49 am

בן דותא האט געשריבן: ↑ פרייטאג סעפטעמבער 13, 2024 12:16 am

די ימים נוראים מאכן נישט קיין סטרעס, איר מיינט צו זאגן אז איר נעמט סטרעס פון די ימים נוראים

גוט געזאגט,
מצד שני, די ימים נוראים ווי דער מלמד לערנט עס אויס די קינדער, איז יא גאנץ א גורם צו סטרעס.

קוגל מאכער · דינסטאג יוני 02, 2015 11:49 am

פראפעסאר האט געשריבן: ↑ דאנערשטאג סעפטעמבער 12, 2024 11:10 pm

קודאס צו דיר פארן עפענען אזא וויכטיגע נושא וואס איז וויכטיג פאר אזויפיל אידן היינט, אויב קען מען זאגן אז היינטיגע טעג עני פשוטע איד וואס נעמט ערנסט די יום הדין פאלט אריין אין אן ערנסטע סטרעס דערפון.

יישר כוח פאר די חיזוק.
עכט וויכטיג פאר זייער פיל מענטשן.
און עס אויסשמועסן, קען העלפן אסאך מענטשן, זיך ספראווען בעסער מיט די טעג, און זיך פילן נענטער.

קלארערהייט · פרייטאג סעפטעמבער 13, 2024 7:20 am

אדמדם האט געשריבן: ↑ דאנערשטאג סעפטעמבער 12, 2024 8:06 pm

די סטרעס פילט זיך אין די לופטן די אנגעצוינגייט אין מקוה 5:00 פארטאגס א' סליחות...ס'איז ממש טאָף... בחינת וימש חושך מ'פילט עס
די זעלבע איז ער''ה א גאנצן טאג די אנווינטשן א כתיבה וחתימה טובה ער''ה האט נישט די זעלבע טעיסט ווי געפוילט אלעס גוטס מוצאי יו''כ...
יא ס'איז אנעצויגן אפי' בשעתן טינקן די עפל אין די האניג...און נאכדערצו די וועלעכע שטייען אויף ר''ה ביים עלות...
תשליך...כפרות שלאגן פאר די משפחה...אויפשטיין פרי ערב יו''כ צו שלאגן כפרות נעמט נישט אראפ פונעם פרעשער...
בשעתן ליינען קרבנות...האסטו געהערט אזאנס אם יש לו פנאי יקרא גם זה די בעל קורא האט צייט אויף וועמענס חשבון???...דעיס גייט שוין מיט...
איינפאסטן אויספאסטן יעדען שני וחמישי...
סימפל סאיז פחדיגע טעג באמת לאמיתו און די נשמה פילט עס און די מח ווייסט עס אויך ...אויסער דעם איז דא א פרעשער פון אויסבעטן...יא ס'איז סטרעסס גאנץ כלל ישראל איז סטרעסספול ימים נוראים הגם נישט יעדער וועט מודה זיין דער וואוילער אינגערמאן וועט אפשר נישט פאסן צו זאגן אז ער האט פרעשער דערפון אבער יעדער איז א בשר ודם און ס'איז נארמאל.
כהאב שוין גערעדט צו אסאך וואוילע אידן אלע האבן מודה געווען
און שטיעלרהייט לאמיך אייך זאגן אז די שמחה מוצאי יו''כ איז אויך 90% פון דעם אז די פרעשער און אנגעצויגענקייט איז אראפ פון קאפ דאס קענסטו פילן בשעתן זיך וואונטשן גוט יום טוב נאך קידוש לבנה ...הגם די נשמה און אויך דיין מח טיעף אינעוויניג ווייסט באמת וואס די שמחה איז. אפי' געוויסע גייען זאגן אז ער פרייט זיך באמת אז ער איז נאנט געווארן מיטן אייבערשטן ס'איז אמת אבער אין דעם שוואכן דור בעקבתא דמשיחה זעמיר ליידער נישט אזוי פרייליך מוצאי שבת נחמו וועגן לידת בן דוד...און די זעלבע איז בנוגע ימים נוראים
ס'דארף קלאר נישט זיין אזוי אבער ליידער דאס איז די מצב.

זייער שיין ארויסגעברענגט די מצב.
האסט מיך אריינגעלייגט א געדאנק אין קאפ, די סטרעס איז נישט עק וועלט, עס מעג זיין אזוי.
לויט ווי דו שרייבסט איז עס נישט אזא שלעכטע זאך, עס איז זייער נאטורליך. יא, ווען איך טונק עפל 10.30 ביינאכט און איך ווייס אז ביז 6-7 שעה דארף איך שוין אויפשטיין, און דא האלט איך נאך אנפאנג סעודה... מאכט עס סטרעס. ווען איך בעט ביים באשעפער אין א טאג וואס איך ווייס אז היינט איז דער גרויסע טאג היינט איז מען מחליט אויף מיין הצלחה פארן יאר, מאכט עס סטרעס. יעדע מענטש וויל מצליח זיין און וויל לעבן...
במילא זעה איך נישט די פראבלעם דערפון, עס איז א פשוטע מענטשליכע נאטור.
מען קען טרעפן עצות אביסל צו פארלייכטערן די מצב, איינער וואס גייט אדורך א קאורט זיכט אויך וועגן וויאזוי זיך צו בארואיגן און נישט זיין אנגעצויגן, אבער עס וועט אלעמאל בלייבן א סטרעס במידה מה.
און די וואס ווילן בארואיגן דורך זאגן, עה, עס איז גארנישט, מאך נישט קיין עסק, דאס איז זיכער נישט די מהלך, ווייל עס איז יא עפעס, עפעס זייער גרויס! אזוי ווי פאר א קאורט וועט קיינער נישט בארואיגן זיין חבר מיטן זאגן, עעה, עס איז גוט מאך דיך נישט צו טון , א יאר ארויף א יאר אראפ, עס איז גוט.
אבער עצות פון ספרים וסופרים איבער די וויכטיגקייט פון עבודת ה' מתוך שמחה ושלוות הנפש דאס איז זייער גוט.
אויך מעג מען וויסן אז די אנגעצויגנקייט וואס קומט ווען מען זעט "יעדע" לויפן, ווי ביים מקוה פאר סליחות, ערב'ס פארן זמן, דאס איז סתם אזא מצב, וואס מענטשן ווערן איבערגענומען ווען מען זעט "יעדע" טון עפעס, אוןמען ווייסט נישט פונקטליך וואס מען האט אליינס צו טון... עפעס אזוי, איך ווייס נישט פונקטליך, אנדערע קענען עס אפשר בעסער מסביר זיין,
עכ"פ, דער אנגעצויגנקייט, מעג מען רואיגערהייט ארויסווארפן.

הצלחה און א לייכטע הכנה און א גוט געבענטשט יאר

פראקטיש · מאנטאג יוני 15, 2020 5:47 pm

כ'אנדערע ועוד לקרא.

די אשכול קעפל איז אביסל פארפירעריש צוליב וואס ס'שטעלט א הנחה אז די ימים נוראים פירט צו סטרעס, און אז ס'פארלאנגט מעגלעך עפעס אן אייגנארטיגע טריעטמענט, ס'איז ביידע נישט אמת.

סטרעס איז א רעזולטאט פון א פערסעפשן וויאזוי מ'באטראכט אן ענין אדער א מצב און די סעלושען איז די טשעינדזש אויף פערסעפשן, דאס איז נוגע אויף אלע סטרעס א גאנץ קיילעכיגע יאר.

פון א קלוגער מענטש האב איך אמאל געהערט "סטרעס קומט בעיקר פאר מענטשן וואס זוכן לויז צו ווערן פון סטרעס, פאר די וואס האבן נישט קיין פראבלעם מיט סטרעס, זיי זענען באקוועם דערמיט אדער זיי עמברעיסן עס גאר, צו זיי קומט נישט אן קיין סטרעס" . וויפיל וועסטו נאר בעטן ביי סטרעס ער זאל קומען צו דיר וועט ער איז נישט טאהן, ער איז נאר באקוועם צו קומען פאר דעם וואס דארף אים נישט.

איידער מ'גייט אריין אין פרטים צו פארשטיין וועלכע חלק פון די הייליגע טעג הממשמשין ובאין מאכט אונז סטרעס-פול, איז וויכטיג קודם צו מאכן א סעלף עסעסמענט זיך אליינס ארויסצוהאבן וואס טריגערט ביי אונז 'סטרעס' סתם אזוי, פארוואס נעמען מיר אזוי שווער סטרעס, און וואס טוען מיר געווענליך צו קאופן מיט סטרעס.

ווען מ'האט דאס ארויס קלאר, קען מער דערנאך לייכטער און מער אמתער באהאנדלען די ימים נוראים.

ולבי אומר, אז אויב האט מען א געזונטערע צוגאנג צו סטרעס בכלליות, וועט מען נישט בלויז האבן א לייכטערע ימים־נוראים, נאר מ'וועט ארויסקוקן אויף די גרויסע פארכטיגע טעג און עס אויפעסן מיט באק ציינער.

לאמיר אויפהערן צו שטודירן די הייליגע טעג וואס דער אויבערשטער גיבט אונז במתנה, לאמיר ליבערשט זיך שטודירן קודם און זיך בס"ד פארעכטן.

נירעדהאז׳ער · מיטוואך מארטש 20, 2024 7:35 am

יש פחד, וואס דאס דארף זיין. ויש סטרעס וואס דאס איז די פראבלעם.

די סטרעס קומט מערסטנס פון א טויש אין רוטין, משל: ווען מ׳הייבסט אן א נייע דזשאב, וועסטו האבן סטרעס, נייע ענוויירעמענט, נייע סארט ארבעט, צומאל דארף מען אנהייבן אויפשטיין פריער, זיין גרייט אין צייט וכדו׳ נאך אפאר וואכן געוויינט מען זיך צו.

אויפשטיין פארטאגס זאגן סליחות, דאווענען פאר לאנגע שעות, פאסטן, דרייען א האן, בויען די סוכה, זיכן אן אתרוג, און נאך. איז פאר אסאך מענטשן אינדרויסן פון זייער לעבנסשטייגער און איז קעגן זייער נאטור.

יעדע טויש און א מענטש׳ס רוטין קען ברענגן סטרעס אפילו מ׳ווייסט וואס צו ערווארטן.

פראקטיש · מאנטאג יוני 15, 2020 5:47 pm

viewtopic.php?t=71097

פאליטישע עקספערט · זונטאג אוגוסט 15, 2021 8:23 pm

קוגל מאכער האט געשריבן: ↑ פרייטאג סעפטעמבער 13, 2024 5:22 am

בן דותא האט געשריבן: ↑ פרייטאג סעפטעמבער 13, 2024 12:16 am

די ימים נוראים מאכן נישט קיין סטרעס, איר מיינט צו זאגן אז איר נעמט סטרעס פון די ימים נוראים

גוט געזאגט,
מצד שני, די ימים נוראים ווי דער מלמד לערנט עס אויס די קינדער, איז יא גאנץ א גורם צו סטרעס.

חלילה!

נאר די וועג וויאזוי אסאך אידן נעמען היינט צוטאג סטרעס איז די גורם.

קוגל מאכער · דינסטאג יוני 02, 2015 11:49 am

פאליטישע עקספערט האט געשריבן: ↑ פרייטאג סעפטעמבער 13, 2024 9:23 am

קוגל מאכער האט געשריבן: ↑ פרייטאג סעפטעמבער 13, 2024 5:22 am

בן דותא האט געשריבן: ↑ פרייטאג סעפטעמבער 13, 2024 12:16 am

די ימים נוראים מאכן נישט קיין סטרעס, איר מיינט צו זאגן אז איר נעמט סטרעס פון די ימים נוראים

גוט געזאגט,
מצד שני, די ימים נוראים ווי דער מלמד לערנט עס אויס די קינדער, איז יא גאנץ א גורם צו סטרעס.

חלילה!

נאר די וועג וויאזוי אסאך אידן נעמען היינט צוטאג סטרעס איז די גורם.

פארוואס חלילה,
תלוי ועלכער מלמד, א מלמד וואס ווייסט אויך צו אריינלייגן די געשמאקע חלקים פון די ימים טובים, לדוגמא מדגיש זיין די קיטל ווייל אונז זענען זיכער דער גוטער באשעפער וועט אונז געבן א גוט יאר, העלפט אסאך.
און אז דער מלמד לייגט אראפ מיט שווארצע קאלערס די שווארצע מלאכים, און די גרויסע פחד, און מען שמייסע אויף יעדע ריר, איז נישט די ריכטיגע וועג, פאר אונזער דור.

אידישע וועלט פארומס

די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?

Re: די ימים נוראים מאכט מיר סטרעס, וואס טוט מען?