אידישע אינדארסירונגען פאר טראמפ
ברוכים הבאים
”רבי אלעזר אומר בזמן שהן בני תרבות אינן מועדין“.
היינט אינדערפרי איז אדמו"ר מהר"א מ'סאטמאר שליט"א אנגעקומען צום "טראמפ טאוער", אויף א מיטינג מיט טראמפ קאמפיין איינגעשטעלטע אין שפיץ פון דאנעלד'ס זון עריק טראמפ. איינצופעדעמען קשרים מיט די טראמפ קאמפיין. אבער טראמפ וויל זיך נאך אויך טרעפן פערזענליך ערגעץ נענטער צו די וואלן.
מען האט גערעדט א שעה צייט. צוערשט וועגן הכרת הטוב אויפ'ן עבר וואס ער האט געהאלפן אידן און אידישע אינטערעסן דאהי אין אמעריקא, און דאן אויפן עתיד האט מען געבעטן אויף מערערע כלל ישראל אישוס, קרית יואל אישוס, האוזינג, און ספעציעל איבער די רדיפת הדת אין אר"י, און איבער די לימודים אין די מוסדות, און צוגעזאגט אן אינדארסירונג אויב קען מען דאס קעגנקומען בע"ה.
דער באזוך איז צושטאנד געקומען נאכדעם וואס די טראמפ קאמפיין טיעם האט פערזענליך אנגערופן צו די שתדלנים, ארויסקוקנדיג אויפ'ן שטיצע פונעם מאסיווער קרית יואל און ברוקלין בלאק וואוט פון "אנ"ש". נאך מערערע דיונים איז געווארן אויסגעשטעלט א פלאן פון אויסנוצן דעם געלעגנהייט פאר א השתדלות אויף א גרויסער פלאן וויאזוי די פעדעראלע רעגירונג זאל העלפן צעמענטירן א הצלה-פלאן קעגן די גוזרי גזירת החינוך.
