די סוד קעגן די קעלט
די סצענע אין די גאסן הייבט זיך אן. דער הימל ווערט גרויער, די ווינטן ווערן שווערער, און די טעמפעראטור פאלט, אזוי ווי די מוט פון די וואס וועלן נישט אויסהאלטן אז ס'איז קאלט. מ'דארף נישט קיין הסברים, יעדער שפירט עס אז ס׳איז שוין קאלט. אבער א מין פאליטישע מחלוקה האט זיך דא אראפגעלאזט איבער אן ערנסטע און שטאלצע שאלה, זאל מען זיך טאקע אנטון א קאוט?
מ'גייט אזוי ארום אין די גאסן און מ'זעט דעם עולם מיט צוזאמגעצויגענע פלייצעס און רויטע אויערן און רינעדיגע נעזער. איינער האלט די הענט אריין געשטעקט אין דעם אנדערן ארבל, דער צווייטער האט צופעליג צוריק אנגעטוען א וועסטל, אבער דאס ווארט קאוט, זיי באטראכטן דאס ווי א שעדליכע זאך. מ'הערט זאגן, קאלט? נו, ס׳איז נאך נישט אויס וועלט! אדער, וואס ווינטער? ס'איז נאך הערבסט!.
יעדער פארשטייט אז די קלימאטן זענען שוין נישט וואס זיי זענען געווען, א פרישע קעלט שפירט זיך אין די לופט, לאגיק זאגט אז א קאוט וואלט גראדע נישט געשאדט יעצט, אבער מען זעט דאס אין די גאסן ווי א פארברעכן קעגן דער מענטשלעכער שטאלץ.
עס איז דא דער טייל וואס איז שוין עפעס אביסל מודה אז אפשר איז קאלט, די מער בראווע, וואס נעמען זיך ארום מיט א שאל ארום די פלייצעס, קוקן אויס אלס די מער רעוואלוציאנערן, נישט אינגאנצן אנצוטוען א קאוט, אבער א קלייניקייט זיך צו באהאלטן פון די קאלטע ווינטן איז נאך ערלויבט. אה, קיינער וועט נישט מיינען איך בין שוין אריין אין ווינטער, איך בין נאך ביי הערבסט, זאגן זיי צו זיך מיט'ן שאל.
דערנאך איז דא געוויסע וואס זענען עכט זייער קאלט, אויף אזוי ווייט אז זיי קענען זיך שוין נישט פאפן, קומען זיי אויף מיט א המצעה זיי באהאלטן א סוועטער אונטערן רעקל. אבער וואס איז וויכטיג, קיינער זאל חלילה נישט באמערקן אז זיי האבן עפעס אונטערן רעקל, די שווערסטע טייל דערפון איז צו מאכן זיכער אז די רעקל בלייבט גלאט, מ'קען זיך נישט ערלויבן אז עמיצער זאל באמערקן דעם סוועטער. קיינער טאר נישט וויסן, ווייל קעלט באשטייט נאר ווען אנדערע ווייסן דערפון, אז קיינער ווייסט נישט אז מ'טראגט א סוועטער איז מען נישט אונטערטעניגט צום וועטער.
אלזא טייערע אידן, איך פארשטיי אז איר זענט נישט משועבד פארן וועטער, און ער וועט אייך נישט איינטיילן ווען אנצוטון דעם קאוט און ווען עס אויסצוטון, ווי אויך וועט איר נישט זיין דער ערשטער אין שטאט צו גיין דערמיט, יעצט גייען נאר די סענדס סטריט אידן און קאטשעלאבעס מיט קאוטס, ס'קען נאך ח"ו שאטן פאר שידוכים אז מ'טוט יעצט אן א קאוט, ווען "יעדער" וועט שוין גיין מיט א קאוט העמיר דעמאלטס גיין,
אבער אויב זענט איר פארט קאלט און איר ווילט זיך נישט פארקילן האב איך אן עצה פאר אייך, האנדלט אייך איין א ווארעמע סוועטער, פארשטעקט עס גוט אונטערן רעקל, מאכט זיכער אז מ'זעט עס נישט ארויס, און אז אייער רעקל בלייבט גלאט. דערנאך קענט איר רואיג שפאצירן אין די גאסן ווארעמערהייט. און דער עיקר קיינער וועט נישט וויסן אייער פארבארגענעם סוד.
מ'גייט אזוי ארום אין די גאסן און מ'זעט דעם עולם מיט צוזאמגעצויגענע פלייצעס און רויטע אויערן און רינעדיגע נעזער. איינער האלט די הענט אריין געשטעקט אין דעם אנדערן ארבל, דער צווייטער האט צופעליג צוריק אנגעטוען א וועסטל, אבער דאס ווארט קאוט, זיי באטראכטן דאס ווי א שעדליכע זאך. מ'הערט זאגן, קאלט? נו, ס׳איז נאך נישט אויס וועלט! אדער, וואס ווינטער? ס'איז נאך הערבסט!.
יעדער פארשטייט אז די קלימאטן זענען שוין נישט וואס זיי זענען געווען, א פרישע קעלט שפירט זיך אין די לופט, לאגיק זאגט אז א קאוט וואלט גראדע נישט געשאדט יעצט, אבער מען זעט דאס אין די גאסן ווי א פארברעכן קעגן דער מענטשלעכער שטאלץ.
עס איז דא דער טייל וואס איז שוין עפעס אביסל מודה אז אפשר איז קאלט, די מער בראווע, וואס נעמען זיך ארום מיט א שאל ארום די פלייצעס, קוקן אויס אלס די מער רעוואלוציאנערן, נישט אינגאנצן אנצוטוען א קאוט, אבער א קלייניקייט זיך צו באהאלטן פון די קאלטע ווינטן איז נאך ערלויבט. אה, קיינער וועט נישט מיינען איך בין שוין אריין אין ווינטער, איך בין נאך ביי הערבסט, זאגן זיי צו זיך מיט'ן שאל.
דערנאך איז דא געוויסע וואס זענען עכט זייער קאלט, אויף אזוי ווייט אז זיי קענען זיך שוין נישט פאפן, קומען זיי אויף מיט א המצעה זיי באהאלטן א סוועטער אונטערן רעקל. אבער וואס איז וויכטיג, קיינער זאל חלילה נישט באמערקן אז זיי האבן עפעס אונטערן רעקל, די שווערסטע טייל דערפון איז צו מאכן זיכער אז די רעקל בלייבט גלאט, מ'קען זיך נישט ערלויבן אז עמיצער זאל באמערקן דעם סוועטער. קיינער טאר נישט וויסן, ווייל קעלט באשטייט נאר ווען אנדערע ווייסן דערפון, אז קיינער ווייסט נישט אז מ'טראגט א סוועטער איז מען נישט אונטערטעניגט צום וועטער.
אלזא טייערע אידן, איך פארשטיי אז איר זענט נישט משועבד פארן וועטער, און ער וועט אייך נישט איינטיילן ווען אנצוטון דעם קאוט און ווען עס אויסצוטון, ווי אויך וועט איר נישט זיין דער ערשטער אין שטאט צו גיין דערמיט, יעצט גייען נאר די סענדס סטריט אידן און קאטשעלאבעס מיט קאוטס, ס'קען נאך ח"ו שאטן פאר שידוכים אז מ'טוט יעצט אן א קאוט, ווען "יעדער" וועט שוין גיין מיט א קאוט העמיר דעמאלטס גיין,
אבער אויב זענט איר פארט קאלט און איר ווילט זיך נישט פארקילן האב איך אן עצה פאר אייך, האנדלט אייך איין א ווארעמע סוועטער, פארשטעקט עס גוט אונטערן רעקל, מאכט זיכער אז מ'זעט עס נישט ארויס, און אז אייער רעקל בלייבט גלאט. דערנאך קענט איר רואיג שפאצירן אין די גאסן ווארעמערהייט. און דער עיקר קיינער וועט נישט וויסן אייער פארבארגענעם סוד.
