אידישע וועלט פארומס

תנא-קמא האט געשריבן: ↑ דאנערשטאג מארטש 07, 2024 9:54 am

צמא לדעת האט געשריבן: ↑ מיטוואך מארטש 06, 2024 4:13 pm

אז מען רעדט שוין וועגן מערץ און שניי, א שטיקל המשך:

דער עלטסטער רוימישער קאלענדאר האט אנטהאלטן צען מאנאטן פער יאר, פאר א סך הכל פון 304 טעג. נאך דעצעמבער איז געווען א צייט-אפשניט פון ארום צוויי מאנאטן וועלכע האט נישט געהערט צו קיין שום יאר, אויספאלנדיג אינמיטן ווינטער ווען די פעלדער שטייען וויסט און אגריקולטורעלע פונקציעס קענען נישט ווערן אויסגעפירט. דער יאר האט זיך דעריבער אנגעהויבן מיט מערץ.

מערץ איז שפעטער געווארן דער דריטער מאנאט, נאך וואס יאנואריוס און פעברואריוס זענען צוגעלייגט געווארן צום יאר דורך דער רוימישער קעניג נומא פאפיליוס, אבער אין א געוויסן זין איז עס נאך באטראכט געווארן אלס אנהייב פון יאר א לאנגע צייט שפעטער. און שפורן דערפון זענען נאך געבליבן אפילו ביז היינט...

אין די בריטישע אימפעריע און אירע קאלאניעס האט זיך דער ציווילער יאר אנגעהויבן אין מערץ 25ביז צום יאר 1752, ווען די אימפעריע איז אריבער צום גרעגאריאנישער קאלענדאר. דאס איז די סיבה פארוואס דער פינאנציעלער יאר אין ענגלאנד הייבט זיך נאך היינט אן אין אפריל 6, וואס איז געפאלן דעם זעלבן טאג ווי מערץ 25 אין אלטן יוליאנישן קאלענדאר.

דאס איז דער סיבה צום מאדנעם פאקט אז אונזערע ניינטער, צענטער, און עלפטער מאנאטן הייסן סעפטעמבער, אקטאבער, און נאוועמבער רעספעקטיוו, וואס באדייט זיבענער, אכטער, און ניינער.

יישר כח!

1. צי דער יאר איז אן עיבור יאר, וואס אין דעם פאל קומט צו דרייסיג טעג פון חודש אדר א' (דאס קומט פאר אין זיבן פון יעדע ניינצן יאר, ארום 36.8%)
2. צי עס עקזיסטירט דער טאג ל' כסלו (דאס קומט פאר אין ארום 74.5% פון אלע יארן)
3. צי עס עקזיסטירט דער טאג ל' חשון, עפעס וואס קען נאר זיין אין א יאר וואס פארמאגט ל' כסלו (דאס קומט פאר אין ארום 44.9% פון אלע יארן)

• חסרה– ווען חשון און כסלו פארמאגן ביידע בלויז 29 טעג, איז דער יאר לאנג 353 טעג (ארום 10% פון אלע יארן) אין א געווענליך יאר, און 383 טעג (ארום 15.5% פון אלע יארן) אין אן עיבור יאר
• כסדרה– ווען חשון פארמאגט 29 טעג און כסלו דרייסיג, איז דער יאר לאנג 354 טעג (ארום 24.3% פון אלע יארן) אין א געווענליך יאר, און 384 טעג (ארום 5.3% פון אלע יארן) אין אן עיבור יאר
• שלימה– ווען חשון און כסלו פארמאגן ביידע דרייסיג טעג, איז דער יאר לאנג 355 טעג (ארום 28.8% פון אלע יארן) אין א געווענליך יאר, און 385 טעג (ארום 16.1% פון אלע יארן) אין אן עיבור יאר

גרשון האט געשריבן: ↑ זונטאג מארטש 10, 2024 10:38 pm

א דאנק @צמא לדעת.

ס'שטעלט זיך ארויס אז זאכן וואס שטייען אויף אייוועלט זענען אריגינעלע ידיעות.
viewtopic.php?p=2851830#p2851830

קנאפער ידען האט געשריבן: ↑ זונטאג מארטש 10, 2024 10:42 pm

גרשון האט געשריבן: ↑ זונטאג מארטש 10, 2024 10:38 pm

א דאנק @צמא לדעת.

ס'שטעלט זיך ארויס אז זאכן וואס שטייען אויף אייוועלט זענען אריגינעלע ידיעות.
viewtopic.php?p=2851830#p2851830

אבער כמובן אז ארגינעל מיינט נישט אז ער האט עס אויפגעמאכט... נאר אז ער האט עס נישט סתם געקאפיעט פון ערגעץ(אויך נישט פון אייוועלט) נאר אליינס געטון ריסערטש.