מיין טאג בוך אלס ניר נדבן
איך קום נאר דא ארויף אויף אייוועלט צו מאכן א קידוש השם
To inspire other people
To inspire other people
איך האלט צוויי וואכן נאכן אוועק געבן א קידני אין ב"ה געזונט און שטארק.
עס גייט שוין צוריק צו די אנהייב פון חודש כסלו,
אויף א דאנערשטאג אינמיטן טאג, אין די מערסטע פארנומענעסטע טאג פון דער וואך אין דער ארבעט,
האב איך באקומען א פאון קאל פון א אומבאקאנטע נאמבער, און היות איך בין א שטיקל עסקן פאר בחורים, פרובירט מען אויף צי אויפהייבן פאר יעדעם, (אדער צוריק צי ריפן די שנעלסטע מעגלעך)
האב איך אויפגעהויבן דעם טעלעפאן, הייבט אויף די אנדערע זייט איינער א גוטן דא רעדט Binyomin Gleiberman פון רינואל, און פרעגט מיר צי איך האב אפאר מינוט צי רעדן, זאג איך אים געב מיר אפאר מינוט אין איך רוף דיר שוין צוריק,
איך גיי ארויס פון אפיס, אין איך רוף אים צוריק, יא א גוטן, פאנגט ער אן נאכאמאל דא רעדט Binyomin Gleiberman פון רינואל, און פרעגט מיר צי איך געדענק אז מיט בערך א האלב יאר צוריק איז געווען א swab drive פאר א קידני און די הצלה גאראזש אין בארא פארק און איך בין מיך געגאנגען טעסטן, זאג איך יא,
זאגט ער מיר אז עס איז דא איד וואס ווארט פאר א קידני און מיין טעסט האט געוויזן אז איך בין די גוטע קאנדידאט, אויב איך בין אינטערעסירט און גיין ווייטער,
פרעג איך אים, איז עס א איד, זאגט ער אוודאי אפילו א שומר תורה מצות,
זאג איך גלייך פון מיין זייט בין איך מסכים, אבער איך דארף מיך דורך רעדן מיט מיין ווייב אין מיין דעת תורה,
אין איך וועל אייך אי"ה צוריק ריפן, זאגט ער מיר אוודאי אזוי,
אין לייגט שנעל צי אז איך זאל אים צוריק ריפן אפילו אויב איך וויל נישט, אי"ה זאג איך אים,
איך האב תיכף גענומען די זאך און די האנט אריין, איך האב נאך יענעם נאכט זיך אראפ געזעצט מיט מיין ווייב זאל זיין געזונט און שטארק, און דורך געשמועסט פון וואס מען רעדט,
און פארשטייט זיך אז זי ווייסט איך בין א מענטש וואס געט זיך אוועק פאר אנדערע, און זי האט מיר געענטפערט אז איך זאל טאן וואס מיין דעת תורה זאגט.
פארשטייט זיך אז די נעקסטע טאג פרייטאג האב איך גערופן צי מיין דעת תורה, און ער האט מיר זייער געשטופט דערפאר, און מיר געזאגט אז ער איז מיר גרייט צי שטיין צי מיין רעכטע היינט, און ער האט מיר געגעבן די טעלעפאן נאמבער פון איינעם און אין בית מדרש וואס האט שוין אוועק געגעבן א ניר, אז איך זאל מיך קענען דורך רעדן,
מוצא שבת בין איך געווען ביי מיין שווער זאל זיין געזונט און גלייך נאך הבדלה האב איך געשיקט א טעקסט צי די נאמבער וואס האט מיר גערופן..... איך האב שוין א ענטפער,
עס גייט נישט אריבער א האלבע שעה ער ריפט מיר צוריק, און פרעגט מיר ווער איך בין, פרעג איך אים וואס הייסט געדענקסט טאקע נישט, האסט מיר גערופן דאנערשטאג, זאגט ער מיר איך דערמאן מיך שוין, פאנגט ער זיך אן צי אנטשולדיגען, אז איך זאל פארשטיין אז ער קען ריפן צענדליגע מענטשן א וואך, און רוב מענטשן ריפן אפילו נישט צוריק, אדער אפילו אויב יא זאגן רוב מענטשן אז זיי קענען נישט גיין ווייטער, לייגט ער נישט אריין קיין נעמען און זיין קאנטעקט נאר נאך דעם וואס איינער זאגט אים א יא, זאג איך אים גוט האסטו שוין נאך א קאנטעקט,
זאג איך אים איך בין גרייט צי גיין ווייטער פרעגט ער מיר צי איך האב מיך שוין דורך געשמועסט מיט מיין ווייב אין מיין דעת תורה, זאג איך יא, פאנגט ער אן רעדן, נאמבער איין, אז זאלסט וויסן אז נישט קיין חילוק ווי מען האלט און די מאכסט אפ אז די ווילסט נישט גיין ווייטער מעגסטו ארויסבעקן, און קיינער גייט דיר נישט פרעגן קיין שאלות, אדער אפהאלטן סיי מצד רינואל און סיי דאקטוירים, נישט קיין חילוק וויפל געלט מען האט שוין געספענט אויף דיר, האסטו די רעכט צי זאגן אז די ווילסט נישט גיין ווייטער, און אזוי איז מען אריין צום שמועס וואס האט זיך געצויגן פאר בערך פון א שעה,
יעצט האט ער אנגעהויבן אז עס איז דא איד און...... וואס איך האב אים שנעל געזאגט צי גיין ווייטער, ווייל איך וויל נישט וויסן ווער עס איז ביז נאך דעם, גייט ער ווייטער אז איך בין א מעטש וואס מען טרעפט נישט אזוי אפט, ממש אזויווי א צווילינג ברודער וואס טאמער גיי איך אי"ה געבן פאר דעם איד קען ער לעבן דערמיט אויף אייביג, וואס אלטס א בעסערע מעטש אלטס לענגער קען מען לעבן מיט דעם, (וואס אין א געווענליכע קעיס איז עס גוט פאר בערך 10 ביז 20 יאר,)
און ער גייט ווייטער, אז מען דארף דורך גיין אסאך טעסטונג וואס אסאך מענטשן מאכן עס נישט דורך, אין איך זאל זיין גרייט פארדעם, אין עס מיינט נישט אז איך בין נישט געזונט, נאר עס קען אסאך מאל זיין ממש קלייניקייטן פארוואס מען זאל נישט קענען געבן, אין איך זאל מיך נישט דערשרעקן אז אויב עס קומט צוריק אז איך קען נישט געבן, אין די שמועס האט זיך פארצויגן, פאר א לאנגע צייט.
די נעקסטע פוין קאל איז געווען מאנטיג נאכמיטאג, אז ער האט שוין גערופן די שפיטאל אין איך זאל ערווארטן א ריף פון שפיטאל, אין מיר מסביר געווען, אז מען פרובירט מען זאל מאכן אלע אמפויטמינטס אויף איין טאג אז מען זאל נישט דארפן אראפ גיין צי אפט, אין ער האט מיר מסביר געווען בערך וויאזוי די טעסטונג ארבעט,
אין יא גלייך נאך דעם פוין קאל האט מיר די שפיטאל גערופן איבער פרעגן אז איך בין טאקע גרייט צו גיין ווייטער, אין מען האט אפגעמאכט פאר די קומענדיע מאנטאג, אין צווישן האב איך באקומען א באקס פון שפיטאל זיך צי גרייטן פאר מיין אמפויטמינט מאנטיג (פאר דער וואס האט שוין געהאט די טעסטונג ווייסט אוודאי פון וואס איך רעד) א 24 Hour טעסט וואס מען דארף נעמען אין די היים וואס איז זייער נישט געשמאק,
עס קומט שוין די גרויסע טאג מאנטיג פארטאגס בערך 7:15
ווארט מיר א שיינע קאר אין מען לאזט זיך ארויס קיין Northwell Hospital אין Long Island ווארט מיט שפאנונג.
