Re: מיין טאג בוך אלס ניר נדבן
כה לחי!
אין מען קומט אן צום שפיטאל,
גלייך אינדרויסן ווארט מיר אפ ר' בנימין א צדיק פון א יונגערמאן, ער זאגט מיר ער איז דא צי זיכער מאכן אז אלעס קלאפט,
אין אזוי גייט מען אריין אין ער גריסט א יעדן איינעם דארט, אין א יעדער דארט קען אים, ער ריפט זיך אן צום פראנט טיש אז מען זאל זאגן פאר מון אז ער איז דא, ( the manager from the transplant department ) ער זאגט מיר איך זאל מיך אראפזעצן אין ווארטן,
נאך צוויי מינוט קומט אריין מון אין זאגט מיר שלום עליכם, אין זאגט מיר אז זיי זענען דא פאר מיר, וואס איך וויל אין ווען איך וויל קען איך ריפן אדער טעקסטן די נאמבער, אין געבט מיר א קארטל מיט די נאמבער, וועגן סיי וואס איך וויל וויסן אדער וועגן אמפויטמינטס,(עס איז מיר למעשה אסאך צינוצגעקומען) אין זאגט מיר אז זיי פרובירן צי מאכן פון זייער זייט אלעס זאל גיין ווי שנעל מעגלעך, ווייל זיי קוקן מוראדיג ארויף אויף אזא איינער.
אין פין דארט גיי איך אריין אין א צימער ווי מען מאכט די בלאד ווערק,
אין די נירס דארט פרעגט מיר צי איך קען פארנעמען צו קוקן בליט, זאג איך זי יא,
איך פרוביר צי געבן בליט ווען מען מאכט א בלאד דרייוו אין מיין געגנט, אין איך לייג מיך אזוי ארויף אויפ'ן בעט,
אין נישט מער אין נישט ווייניגער נעמט מען זיך צי אן ערך פון 25-30 קליינע באטלעך, אין פארשטייט זיך האב געגעבן אזא חלש אוועק דארט אויף איין מינוט אויף אין צווייטן, אין מען האט מיך שנעל געמאכט ליגעדיג, אין געגעבן אסאך וואסער, אין שנעל געלייגט אויף מיין שטערן א נאסע שמאטע,
דאס אלעס איז בשעת מיין בליט פארט ווייטער אריין צי באטעל צי באטעל, פארשטייט זיך מיין העמד איז געווארן אין גאנצן בלוטיג, (מען דארף זיך נישט זארגן, נאך דעס האב איך שנעל געטוישט די ניגון, אז איך קען נישט קוקן אויף קיין בלוט)
נאך דעס האט מען מיר געהייסן דארט בלייבן פאר 10 מינוט זיכער מאכן אז אלעס איז מסודער,
פון דארט גיי איך צוריק צום אנדערן צימער, אין אויפן מינוט איז מון צוריק, אין קומט זאגן אז מען זאל קומען צי אזא קליינע קאנפערענץ צימער, איך אין מיין ווייב זעצן זיך אוועק דארט מיט ר' בנימין, אין ער לייגט אראפ אויף די טיש א שיינע פאר בעגס מיט עסן, פון רינואל אין קליינע שמאנצעס, אין ער הייבט אן אונז צוגרייטן פאר די נעקסטע פאר שעה, גייען אריין קומען אלע מינע מענטשן אין פרעגן אלע מינע קאשעס, אין פון דא און ווייטער קען ער נישט זיין, אין ער גייט שוין אהיים גיין, אבער איך דארף מיך נישט זארגן, מון גייט זיכער מאכן אז אלעס קלאפט, אין זאגט מיר איך זאל מיך נישט צוריק האלטן פון אים ריפן נישט קיין חילוק פארוואס, אין ער גייט ארויס אין עס פאנגט אן אריין קומען איינס נאכן צווייטן,
א טעראפיסט פאנגט אן אין פרעגט מיר אלע מינע מאדנע שאלות, אין אינמיטן זאגט ער פאר מיין פרוי זאל ארויס גיין, ער דארף מיר פרעגן פריוואטע שאלות,
ער פאנגט אן אויב איך וויל מיך נעמען די לעבן, אדער אויב איך האב שוין אמאל געוואלט, (ער זאגט מיר אז מיין ווייב איז נישט דא איך קען זאגן די אמת) אין טאמער איך נעם דראגס, אין נאך אסאך שטותים פאר איבער 1/2 שעה.
אין ער גייט ארויס, אפאר מינוט שפעטער קומט אריין איינער ער איז א דייעטישן, אין ער פאנגט אן מיט זיין שטותים, צי איך עס געזינטע זאכן, אין צי איך מאך עקסערסייז, אין אויך פאר בערך א 1/2 שעה גערעדט שטותים.
דא האט איר א ליסטע פון אלע מענטשן וואס זענען אריינגעקומען, דאס איז נאך געשריבן פון מיין ריפארט.
איך פארשטיי אויך נישט אלעס, אבער אלע האבן געהאט וואס צי רעדן אין וואס צי פרעגן, (גלייבסט מיר איך געדענק נישט אלעס, ווייל עס איז סטאם שטותים)
》General Surgeon - Transplant surgeon
》Dr. Vinay Nair - Transplant Nephrologist
》Min - The living Donor Transplant Coordinator
》Antonietta Lafortezza- Living Donor Transplant Social Worker
》Antonietta Lafortezza - Independent Living Donor Advocate
》Living Donor Transplant Nutritiost
》Financial Coordinator
נאך דעם בין איך אריין אין א צימער, אין זיי האבן מיר אויסגעטשעקט, אין געמאכט נאך אפאר טעסט אין זיכער געמאכט אז אלעס איז גוט.
נאך דעס האט מיך רינואל געשיקט א קאר, ווייל איך האב געדארפט אריבער גיין צי א צווייטע בילדונג, וואס איז א 10 -15 מינוט צי פארן,
דארטן האב איך געדארפט נעמען א CT scan ( קעט סקען) אין א Chest Xray דא האב איך געדארפט ווארטן א שיינע פאר מינוט, אין למעשה קומט מען מיר זאגן אז די Xray machine איז צי בראכן, אין זיי גייען נאר נעמען יעצט א CT scan אין איך גיי דארפן צוריק קומען פאר א Xray.
אין למעשה נאך די קעט סקען האב איך מיך אוועק געזעצט עסן דארטן, ביז יעצט האב איך נישט געהאט קיין חשק צי עסן, ווייל איך האב מיך שוין געוואלט זען נאך אלעס, איז יעצט נאך אלעס האב איך מיך דארט אוועק געזעצט, עס איז דא דארטן זייער שיינע פלעצער זיך אוועק צי זעטצן, ביז מיין קאר איז אנגעקומען, וואס איך האב זיי געזאגט אז איך וויל האבן אפאר מינוט צי קומען צי זיך,
אין מען דארף פארשטיין אז דאס איז שוין געווען בערך 6-7pm נאך א גאנצע טאג, אין עס מוטשעט זייער אויס, אבער ב"ה איך קוק יעצט צוריק איז דאס די גרינגסטע חלק.
*צוגעלייגטע שטיקל
דא אוז געווען א שיינע מעשה אין שפיטאל,
עס איז דא דארט צוויי צימערן צי ווארטן (waiting rooms) איינס א גרויסע צימער מיט א גרויסע סקרין אין איינס אזא קליינע צימער, פארשטייט זיך אז איך האב נישט וואס צי זיין אין די גרויסע צימער, (עס איז נישט קיין לכתחילה) אויב עס איז דא א צווייטן פלאץ גייט מען אהין, איך זע דארטן א צווייטן איד, פארשטייט זיך אז איך האב נישט געטראכט פון רעדן צי אים בשעת איך קען קיינמאל נישט וויסן פארוואס ער איז דא, ווי נאר ר' בנימין קומט אריין אינז ריפן האבן זיי זיך באמערקט,אין זיי האבן זיך געוויזן די הענט, אין ר' בנימין האט אים געזאגט אז איך קום שוין צוריק,
דא בין איך אריין צום צימער צי נעמען די בליט, שפעטער ווען איך בין ארויס פון די בלאד ווערק האט מיך ר' בנימין צוריק גענומען דארט פאר א מינוט, אין די איד פאנגט מיר אן זאגן וואס פאר א צדיק איך בין, אין ער ווייזט מיר אויף זיין זין אין זאגט מיר די זעסט אים,
ער איז 18 יאר אלט, ( אויסגעזען האט ער ווי 13-14) אין ער האט א האלבע יאר צוריק באקומען א ניר פון א צווייטן אין געראטעוועט זיין לעבן, זיי וואוינען נישט דא, נאר זיי זענען אהער געקומען פאר גוטע דאקטוירים, אין ב"ה אז מען האט געראטעוועט זיין לעבן אין ער קען אנגיין מיט זיין טאג טעגלעך לעבן, אין ער איז יעצט צוריק געקומען פאר א well visit,
אין ער איז ממש געווען אזוי באנומען פון מיר,
אין פארשטייט זיך מיין ווייב האט דאס אלעס מיט געהאלטן, אין עס האט אינז צוגעלייגט א מוראדיג געשמאק צי גיין ווייטער, ווען די באשעפער אליין האט אינז געשיקט א סימן צי גיין ווייטער.
