@ווייטאג'ס קאמפיין עימערדזשענסי ראטעווען א גאנצע משפחה וואס גליטשט ה''י
יענעם פרייטאג האט זיך אנגעהויבן ווי א יעדע געווענליכע טאג, און ר' שמעון האט נישט גע'חלומ'ט וויאזוי איין טאג קען אזוי איבערדרייען זיין גאנצע שטוב מקצה אל הקצה.
אנגעהויבן האט זיך עס ווען ר' שמעון האט געענדיגט אויסטוהן זיין רבינו תם'ס תפילין, און ער האט ארויסגענומען זיין טעלעפאון עס צו צוריק אנצונדן, ווען ער האט געזען אז ער האט זעקס מיססעד קאלס פון זיין אידענע, ר' שמעון איז תיכף געווארן אנגעצויגן און שנעל צוריקגערופען, און די אידענע האט אויפגעהויבן גלייך ביים ערשטן קלינג,
ר' שמעון האט תיכף געהערט די אנגעצויגענקייט אין איר שטימע, ווי זי זאגט אים קום שוין אהיים עס איז א מצב סכנה,
אבער שוין.
מיט איין אטעם לויפט ער אהיים, נאך מיט די לינקע זייט פון זיין רעקל נאך אויסגעטוהן פון שחרית, גיבט ער א לויף אריין אין שטוב, ער רופט און הערט נישט קיינעם, ביז פלוצלינג הערט ער א בת קול ארויסקומען פונעם שלאף צימער:
דא בין איך קום אריין,
ר'שמעון קומט אריין און טרעפט דארט זיין גאנצע משפחה פארזאמעלט אויף איין בעט, און די אידענע איז אים מסביר מיט איין אטעם און א קול געשטיקט מיט טרערן וואס האט פאסירט.
בערך האט ר'שמעון באקומען די בילד צווישן די טרערן, אז עפעס אזוי איז געשען, איר אייגענע אידישע שטוב וואס זי לייגט אזויפיל כוחות אין דעם, נעבעך די טרויעריג בארימטע ארגענעזאציע Foot steps האט עפעס זיך אריינבאקומען דארטן און עס האט חרוב געמאכט די גאנצע שטוב, אלע קינדער האבן נעבעך אין איין טאג גאר אסאך געגליטשט, יעדער איינער גליטשט זי מיט אלע קינדער.
ר' שמעון איז געווען פארלוירן ביז גאר, זעענדיג אזא מחזה אבער נישט קענעדיג ארויס האבן פונקטליך וואס גייט פאר, ר' שמעון האט זיך אריענטירט, און גייט אריין אין קאך, נאר אריינגייענדיג האט ער תיכף געכאפט א געזונטן גליטש, און כמעט פארלוירן זיין באלאנס, אראפקוקנדיג אויף די ערד זעהט ער תיכף די חורבן זיין אינגעלע ני''ו האט אויסגעגאסן א גאנצע באטל אויל.
אהא פארשטייט ר'שמעון דאס האט זי געמיינט אז די גאנצע משפחה גליטשט, און ביים זיך ארום קוקן האט ער טאקע באמערקט ווי די גאנצע דירה איז אנגעפילט מיט אויליגע foot steps אהא דאס האט זי געמיינט.
ר' שמעון האט גלייך פארשטאנען אז יעצט איז נישט די צייט צו פאלן, ער האט מיט שטארקייט זיך מחזק געווען, די ערשטע זאך האט ער בשתיקה גענומען א לעפעלע אויל פון די ערד, און געמאכט א אייער שפייז פאר די ווייב און די קינדער, קודם זאלן זיי האבן פרישטאג, אן פרישטאג קענען די נשים און קינדער גאר שנעל פאלן פאר די חיצונים.
נאך דעם האט ר'שמעון שנעל ארויסגענומען דריי ראולס פון טאול פאפיר, אראפ אויף די ערד און אנגעהויבן ווישן, נאכ'ן ווישן א האלבע שעה איז ב''ה די מצב געווען מער ווייניגער אונטער קאנטראל, קיינער האט שוין מער נישט געגליטשט, שפעטער איז געקומען די גויטע און האט אויפגערוימט אלע foot steps און הכל על מקומו בא בשלום.
אבער אידן נאר מיט געלט קען מען ראטעווען די משפחה!!!!!!!!
נו... וועלן אלע מיינע ליינער זיכער פרעגן וואו קומט אריין געלט אז אלעס האט זיך אזוי פשוט געענדיגט?
וועל איך ענק מסביר זיין, תיכף נאך די גאנצע פאסירונג האט ר' שמעונ'ס אידענע אנגעהויבן קאכן און באקן לכבוד שבת, אבער היות די אויל איז דאך געווען אויסגעגאסן האט מען געדארפט גיין קויפן א נייע באטל.
נו... עטס ווייסט וויפיל ס'קאסט היינט א באטל אויל אין גראסערי ?
שטרענגט זיך אן אידן מיט א נדבה שמה בכך צו העלפן צוריקשטעלן א געגליטשטע משפחה אויף די רעלסן ייש''כ תזכו למצות.
שרייבט א תגובה וויפיל איר גיבט למען המשפחה. ייש''כ