אינטערעסאנטע תיקון ליל שבועות
שבועות ביינאכט איז דאך דער ענין פון זאגן תיקון ליל שבועות. אבער אין פארשידענע בתי מדרשים מאכט מען עס אביסל אינטערעסאנטער. אט איז א בית-המדרש וואו עס איז פאראן דרשות די גאנצע נאכט, יעדע שעה איז פאראן א צווייטע דרשה, אז מען זאל נישט איינשלאפן, דערביי איז צוגעגרייט לייכטע כיבוד, פרוכט און טרינקען. ווידער אין אן אנדערן בית-המדרש זאגט מען צוזאמען, נאך יעדע ספר זינגט מען א ניגון - נאך חומש זינגט מען, נאך נביאים זינגט מען, און אזוי ווייטער. ווידער האט איר א דריטע שוהל וואו מען ליינט אין די תורה. יעדער מיט זיינע מנהגים, נהריה נהריה ופשטיה.
אפשר וואלט געווען אינטערעסאנט און לתועלת הרבים, אראפצוברענגען דא אלע סארט תיקוני ליל שבועות, וואו מען קען גיין פארברענגען שבועות ביינאכט און זיך האלטן אויף ביינאכט, ולמצוה גדולה יחשב.