היינט ביי די (5 מינוטיגע) דרשה פון די ווייסע הויז האט זיך אנגעזען א שטארקע טויש אין די קאליר פון די הויט פון פרעזידענט ביידען. עס קען זיין דאס איז א נייע מהלך וואס זיי טרייען. אפשר מיט טראמפס קאליר וועט ביידען באקימען מער שטיצע..
די איטאליענער אויטאריטעטן האבן פארכאפט א לאסט שיף , MSC Arina, וואס האט געפירט מיליטערישע אויסריכטונגן, אריינגערעכנט מעגליכע באוואפנטע דראונס, פון כינע צו מזרח ליביע, אין א פארלעצונג פון די יו.ען געווער עמבארגאו אויף ליביע, און איז געווען באשטימט פאר גענעראל כאליפא האפטאר'ס קרעפטן אין בענגהאזי. די סוקסעספולע פארכאפונג איז צושטאנד געקומען מיט די הילף פון אמעריקאנער שפיאנאזש.
176 מצבות זענען וואנדאליזירט געווארן אין צוויי אידישע בתי עולם אין סינסינעטי, אהייאו, אין אן אנטיסעמיטישן אקט וואס האט אויפגעשאקלט די אידישע געמיינדע אין שטאט. די שאדנס זענען אנטדעקט געווארן אויפן בית-עולם פון תפארת ישראל און בית-המדרש הגדול, מיט מצבות פון די 1800ער יארן וואס זענען אומגעווארפן אדער צובראכן געווארן אין האלב. די אידישע פעדעראציע פון סינסינאטי האט געמאלדן אז דער אינצידענט ווערט אויסגעפארשט דורך די סינסינאטי פאליציי, עף-בי-איי אין SAFE סינסינאטי, א זיכערהייטס ארעם (שומרים/שמירה/חברים) פון דער אידישער פעדעראציע פון סינסאנאטי. די קהילה איז אויפגערודערט און טרויעריג פון די אטאקע, און די פירער טרעטן ארויס ברבים אנטקעגן דעם האס פארברעך.