עס איז דא אפאר נקודות וואס איז נאך בכלל נישט אויסגעשמיעסט געווארן, איך וועל גיין צוביסלעך.
כולי עלמא מודי אז ס'איז דא א גרויס חלק כלל ישראל וואס א שבתון, נישט קיין חילוק וואספארא מין סארט, איז אן אפגעפרעגטע זאך ביי זיי כולי עלמא מודי אז געוויסע שבתון'ס פאר געוויסע סארט מענטשן כל חד לפום דרגא דיליה איז א גוטע זאך, (ארגעניזאציע'ס פאר געוויסע קרענק וכדו', איינצעלנע בעלי משפיעים וכדו', שבתון אן די פרויען וכדו') אויב אזוי לאמיר פארשטיין על מה יצא הקצף
לענ''ד איז די מעשה אזוי פאר די וועלט מלחמה איז כלל ישראל געווען צוזייט און צושפרייט און שטעטלעך איש על מחנהו, דארט האט ער געלעבט, גע'ארבעט, געשעפט חיזוק, גע'סטראגעלט, וכו', די אידישקייט איז שוין געווען ¾ חרוב, (אויב נישט מער) די ערליכע אידן האבן אנגעהאלטן וויפיל זיי האבן געקענט לויט זייער געגענט, טייל מער טייל ווייניגער, נאך די וועלט מלחמה איז געווארן 3 פלעצער ווי ערליכע אידן האבן זיך צוזאמגעשמעלצט, אר''י אייראפע און אמעריקא איז געווען געציילטע גדולי ישראל וואס האבן אראפגעשטעלט אידישקייט לויט זייער מהלך, דאס הייסט היינט 'סטאנדארט' און דאס האבן זיי פארלאנגט פון זייער עולם וואס האבן זיך געדרייט ארום זיי, (וואס איז טיילמאל געווען אנדערשט ווי וואס זיי זענען געווען געוואוינט אין זייער שטאט אין אייראפע) מ'האט נישט געקענט קיינעם צווינגען צו באלאנגען און די אדער יענע קהלה, ווי אויך האט קיינער נישט אטאמאטיש באלאנגט צו א קהלה ווייל זיי טאטע האט דארט באלאנגט, נאר יעדער האט געטשוזט זיין לעוועל אין אידישקייט לויט צו וועלעכע קהלה ער האט געטשוזט צו באלאנגען, ווי למשל, ר אהרן קאטלער, ליבאוויטש, סאטמאר, באבאוו, פאפא, ועוד, דארט האבן זיי באקומען ענטפערס פאר זייערע קשיות, חיזוק, טישן, באטע'ס, מלוה מלכה'ס, פרויען פארטי'ס וכדו'
ווי אויך איז ארויפגעקומען א נייע סארט אידישקייט וואס האט זיך גערופען'מאדערען ארטאדאקס'דאס זענען געווען אידן וואס האט געזיכט די מינימום שבמינימום נאך צו קענען גערופען ווערן ארטאדאקס אבער מיט אסאך קולות אינאיינעם, זיי האבן גענומען רבנים וואס האבן זיי אויסגעטרעטן די וועג און אראפגעשטעלט זייערע יסודות צו וואס זיי טרייען זיך צו האלטן עד היום הזה. סך הכל, די אלע אראפגעשטעלטע מהלכים וואס די רבנים דעמאלטס האבן אראפגעשטעלט גייט אן ביז היינט. אפילו אינמיטן איז פארגעקומען אסאך פאראיינזאמע אקטיוויטעטן צווישן געמיינדעס האבן אבער די פירערס אלס זיכער געמאכט אז מ'בלייבט אפגעטיילט, מ'לערנט זיך נישט אפ איינער פון צווייטן.
עס איז אבער דא איין פראבלעם, די וועלט פון אפענע אינפארמעישאן האט אפגעבראכן די חומה, עס איז מער נישט באהאלטן פון איין געמיינדע וואס די אנדערע געמיינדע טוט, במילא האט עס געברענגט אז געמיינדעס האבן אנגעהויבן שעפן איינער פון צווייטן, עס האט געברענגט אז אסאך פון די שוואכערע געמיינדעס האבן אנגעהויבן צו נאשן פון די בעסערע, און אסאך פון בעסערע האבן אנגעהויבן צו נאשן פון די שוואכערע.
וואס האט פאסירט נאכדעם איז אז אסאך פון די נייער דור, וואס זייערע עלטערן האבן באלאנגט צו די וואס רופן זיך אלטרא פרומע חסידישע אידן/קרייזן/געמיינדעס, האבן אנגעהויבן אין א גרויסע מאסן צו זיך אויפפירן מיט קולות וואס מ'האט זיך נאר געפירט ביי אן אנדערע קרייז, לאמיר דאס אנרופן א נייע מהלך אין אידישקייט'מאדארן חסידיק'איך טשויז וואס פון חסידות איך וויל, און איך טשויז וואס פון אנדערע קרייזן וואס איך וויל, ד.ה. למשל, איך גיי יא מיט א שטריימל אבער איך שניץ יא די בארד, די פרוי דרייווט נישט אבער גייט יא מיט א לאנגע שייטל און דורכזיכטיגע שטרימפ, ועוד משלים כזה, דוק ותשכח, די מענטשן האבן זיך נישט ארויסגעסיינט פון די קהלה ווי זיי זענען געבוירן געווארן, אבער זייערע מעשים האט זיי אטאמאטיש ארויסגעסיינט, זיי זיכן ווי צו באלאנגען, די פראבלעם איז אבער אז איז נאכנישט דא די גושפנקא דרבנן פאר דעם, עס האט זיך נאכנישט אפיציעל געטראפן דער רב, רבי, דיין, וואס זאל זאגן אז איך שטיץ די נייע מהלך פון מ''ח, עס איז ביזדערווייל איינגעהילט אין מקרב זיין, צובראכענע נשמות, גייסטיש אומסטאביל, וכדו'. במילא איז יעצט די פייט צו וועט דאס מצליח זיין צו ווערן א מהלך אין אידישקייט אדער וועט דאס הייסט א חסידישער באם, אפגעפארענער, בעל בתיש, רייכער, פענצי אדער יו נעים איט.
יעצט ווען עס קומט פאר א שבת וואסמ''חפילן זיך זייער באקוועם דארטן וועט דאך לכאו' ווערןמ''חא פאקט מיט וואס מ'וועט זיך מיזן רעכענען פאר די קומענדיגע 20- 30 יאר, על זה יצא הקצף דאס איז וואס די פייט איז דא,
דא האנדלט מען איבער א שבת קרבתנו וואס מען האט אדווערטייזד פאר'ן המון עם. ועל זה אנו דנין, אויב איז עס א תועלת אדער א קלקול צו שלעפן היימישע ערליכע חסידישע אינגעלייט צו א שבת מיט רעדנערס פון פרעמדע קרייזן.
הלשוןהוא קולמוס הלב, והניגון הוא קולמוס הנפש(בעל התניא מליאדי)
לעצטענס איז דא א פארפלייצנוג פון די ״אבא האיך מעשרין את המלח״ תגובות, האב איך געטראכט לכבוד דעם צו עפענענן א אשכול וואס זאל אביסל ארום רעדן פון די ״ראדני ביהמ״ד״ משפחות, און אריינקיקען דארט און זען ווי אזוי איינס ביי איינס כמעט ביי יעדע משפחה ווארפט זיך ליידער די סארט יונגעלייט וועם מען האט דא פריער אפגעסטעמפעלט מיט פארשידענע שלעכטע צונעמען, מבכור פרעה עד בכור השפחה כמעט אשר אין בית אשר אין שם אזא יונגערמאן אדער עטליכע יונגעלייט, און דאס איז ביי די סאמע הייליגסטע קהלה וואס השי״ת האט נאר אויף דער וועלט..
דערנאך האב איך באשלאסן נישט צו עפענענן אזא אשכול, ווייל צילוב וואס אפאר ניקים וואס ווילען שפילען פרומאקעס מיט די אלטע נוסח פון אונזער עלטער פעטער עשיו הרשע אבא איך וכו׳ דארף מען נאך נישט עפענענן א אשכול און אויספראקען משפחות, גענוג צוזאגען אז צבועים נמאאסתם, קיינער מיינט נישט אז דא שרייבט גאר ראבינאוויטיש אליינטס, הערטס אויף דערמיט ווייל קיינער קויפט עס סייווי נישט.
