אידישע וועלט פארומס

שוועמל האט געשריבן: אזויווי מיר שטייען שוין גאר נאנט צום זמן הגאולה ווען די בית המקדש וועט נתחדש ווערן מיט אלע קרבנות און עבודות הקודש במהרה בימינו. וואלט כדאי געווען אויסצושמועסן דער ענין פון תפילה וואס מיר בעטן יעדן טאג על ירושלים ועל צרות ישראל בגולה, צי וועט מען ווייטער דאווענען די זעלביגע תפילות, צי וועלן די תפילות איבערגעמאכט ווערן, צי וועט תפילה בכלל בטל ווערן ווייל ס'יז כנגד קרבנות תוקנו.

בעצם זענען אומצאליגע תפלות מתקן געווארן צוליבן גלות בעטנדיג אויף די גאולה. רוב ברכות יוצר און שמו"ע בעטן אויף די גאולה. סיי בימות החול צי שבת יו"ט (די מיטלסטע ברכת) און כ"ש ר"ה ויו"כ וואס דאן איז די גאנצע דאווענען געשטעלט אויף תיקון חטאים און בעטן אויף ירושלים עיה"ק.

איך קען נישט טראכטן אז בזמן הגאולה וועט מען אויפשטיין און גלייך עסן פרישטאג... איי איי וואסערע טעם וועט די טונא סענדויטש האבן אומגעדאווענט? במהרה יבנה המקדש ויאמרו אישתקד וכו'. חז"ל האבן שוין חושש געווען דערויף...


אין מיין אינג אומערפארן לעבן האב איך דערווייל נישט באגעגענט עפעס עמיצן וואס זאל רעדן דערפון. אויף דער מאמענט ליגט מיר נישט גארנישט אין די מילצן. איין זאך וואס איך געדענק א דרשה פון הרה"ג רמ"מ טירנויער בעפאר תשעה באב האט ער געזאגט, דער הייליגער ספר איכה וואס ירמיה האט געשריבן בנבואה דאס איז תורה שלימה און ס'וועט חלילה נישט בטל ווערן אפילו משיח קומט, מען וועט ווייטער לערנען די זעלבע פסוקים נאר מיט אן אנדער ניגון..

מאור ושמש האט געשריבן: וזהו ברוך ה' אלהי ישראל מן העולם ועד העולם פירוש לעתיד כשיודו כל האומות שהוא יתברך שמו הוא מלך על כל העולם ואז יתבטלו כל הדינין ולא יצטרכו ישראל עוד לתפלת דוד המלך ע"ה, וזהו כלו תפלות דוד בן ישי שאז יהיה לישראל כל טוב. וזהו פירוש והסירותי מחלה מקרבך כי על ידי שהאדם מתפלל עם הציבור הוא ממשיך כל השפעות טובות על כנסת ישראל ומבטל כל הגזירות קשות מעל כנסת ישראל ולא יצטרכו עוד להתפלל על שום דבר גשמי כי אם על הגאולה שלימה שתהיה במהרה בימינו, וזהו והסירותי מחלה מקרבך פירוש שאסיר התפלה מקרבך מחלה הוא מלשון ויחל משה לשון תפלה פירוש שלא תצטרכו להתפלל עוד על שום דבר גשמי כי על ידי תפלות ציבור ירדו כל השפעות טובות לישראל וכל הגזירות קשות יתבטלו ולא יצטרכו להתפלל עוד.