זענט איר אנטוישט?!! איך אויך!!!
דער עולם איז דיסעפוינטעד! [נישט יעדער, רוב עולם ב"ה נישט אשריך ישראל, אבער א פאר געציילטע זענען יא, "גאנצע מעשה איבער געדרייט א שטאט, ווילסט געלט בעט און שוין"]...
איך האב געמיינט...ס'גייט זיין א לייק קנעפל, און ס'נישטא... רחמנא ישמרינו! געוואלד!
איך האב געמיינט...אז אייוועלט גייט זיך אפשפארן און... ס'איז געהעריג אפן...
איך האב געמיינט...אז אייוועלט גייט גיין צו אן אינוועסטאר, און... גארנישט? אלעס בלייבט ביים אלטן?
אקעי, איך מיין איר ווייסט וואס איך גיי יעצט זאגן: וויכי איז ארויס פון אלע גבולים, ער האט פאררופן א מאסן גענעראל פארזאמלונג, אן אסיפת הניקס לטוהר המחנה, א מעמד איום ונורא, וואס הינטער די קוליסן גרייט ער זיך שוין דערצו 10 יאר בלא בלא בלא... ס'טוט זיך שמועות מיט רומערס, ער האט אויפגעוועקט אלע טויטע... אפי' זיין ברודער צייטי, און גרויזאמער געוועקט דארט אינעם מאלי'ער תפיסה... מ'האט געמיינט ס'קומט עפעס ערנסט אויף איי-וועלט..... און גארנישט! ג-א-ר-נ-י-ש-ט!
ריעלי דיסעפוינטעד, שרעקליך, איך מיין מ'זאל ארויסגיין אין א כעס אטאקע, זיין ברוגז אויף די גאנצע וועלט.
איך רעד נישטפון די דיסעפוינטמענטס די ערשטע יאר נאך די חתונה, ווען ס'האט זיך פארצויגן, און שעמעדיגערהייט האט מען צוגעווארט ביז א קרוב האט חתונה געמאכט אין אן אנדערע שטאט, במקום שאין מכירים, און ביי די חופה איז מען געלאפן און א פארמאסי.... און רויטערהייט געקויפט א טעסט....
ויהי ממחרת ....
מ'איז געווען דיסעפונטעד? ניין, מ'גייט אן ווייטער..
איך רעד נישטפון נאכ'ן זיך אפערירן [מיט שווערע נאכווייען]... ס'איז דורך נאך א יאר און..... גארנישט!
דיסעפוינטעד? ניין, מ'וועט טוען ווייטער השתדלות..
איך רעד נישטפון טייער באצאלטע פראצעדורן (ודי), וואס מהאט אריין געבאכעט א 30 אלפים [נישט די גאנצע, בוני עולם צאלט א חלק], דאס ווייבל האט זיך צוזאמען געשטאכען מיט אלע שטעכערייען, די פרידזשידער אינדערהיים קוקט אויס ווי א פארמאסי....איבער פופציג מאל, אדער בעסער קרוב צו הונדערט מאל, האט זיך די בני בית געשטאכן פאר דעם אין איר איידעלן קערפער.... און געשפירט ווי איך וויל נישט זאגן וואס....
און צום סוף "דא טא קאוויד האט זיך דער סענטער צוגעמאכט..."
זי בלייבט מיט די יסורים אדירים וואס איך קען נישט אריין גיין מחמת תקנות המקום ודי... און די רעסט איז... גארנישט!
ניין! כ'בין נישט דיסעפונטעד, מ'גייט פרובירן נאכאמאל.
און ווען מהאט יא מצליח געווען, און נאך אלע עגמת נפש און שטעכערייען האט מען געמאכט ב"ה א סייקל, מ'זיצט אינדערהיים אויף שפילקעס – וואס שפילקעס? מעסערס! - און מען ווארט אויפן טעלעפאן קאל פונעם דאקטאר.... און א ראבאקאלער רופט אריין [אופס, ניין, דאס איז נישט א חלק פון די מעשה].... און... ס'איז א ניין!
ניין! מ'גייט נישט אויפהערן, טראץ וואס די בני בית האלט מער נישט אויס די טריעטמענטס און זי וויל סטאפען... גייט מען נישט אויפהערן. מ'טוט נאכאמאל און נאכאמאל.
נאכאמאל און ווידעראמאל האט די נוירס אנגערופן דערציילן די בשורה אז זי פילט זיך זייער שלעכט דאס צו זאגן, אבער אויך דאס מאל איז די פראצעדור נישט געלונגען....
באשעפער העלף אונז שוין!!!
אבער מיר זענען נישט דיסעפוינטעד ווייל עס העלפט נישט, מ'וועט אנגיין ווייטער.
----
אבער מיין חבר!!!
ווען מ'האט צוזאמען געברענגט די גרעסטע מומחים פון עטליכע מדינות, און זיי האבען אים אהיים געשיקט....
ווען זיי האבן אלע געזאגט אפן און גראב: " דו האסט נישט קיין האפענונג, פארגעט אבאוט איט!"
דיסעפוינטעד, הא???
און דער אינגערמאן דרייט זיך ארום און פרובירט צו זיין פרייליך, ווי כאילו ס'איז שוין מארגן אין אמעריקע....
אבער אויף אזויפיל ווען זיינע חברים, און ער אליינס, קומען ארויס מיט א רוף, ביטע גוט מיר נאך א טשאנס, לאז אים נישט זיין דיסעפוינטעד אין דיר.
[align=center] דאס איז אונזער בלאט, גיבט ווי אימער אבער גיבט גרויסע סכומים מיר זאלען נישט זיין אנטוישט.
https://www.charidy.com/ivelt/HTE [/align]