אידישע וועלט פארומס

ואגב, אוריגוויי איז ביליגער (כאטש עס האט די חומרא בית יוסף), פינקט ווי מעקסיקען איז ביליגער; ווייל עס איז נישט אמעריקאנער פלייש. אבער אין טעם, איז דאך בטעם וריח אין להתווכח, און אפשר וועט די משפחה גאר גלייכען בעסער די מעקסיקען אדער אוריגוויי פלייש אויב גוט געקאכט.

Amazing האט געשריבן:

קיקיון האט געשריבן:

Amazing האט געשריבן:

קיקיון האט געשריבן: מיר אשכנזים עסען נישט שחיטת בית יוסף. בדרך כלל איז דער רמ"א מער מחמיר ביי שחיטה ווי דער בית יוסף
דאס וואס ווערט פארקויפט מיט א "בית יוסף" סטיקער איז וועגען געוויסע סירכות "געוויקסען" אויף די לונגען פון בהמות
וואס דער רמ"א לאזט אפשיילען און דער בית יוסף אסר'ט
(קוק אויפען סטיקער עס שטייט נור בית יסף נישט שחיטת)

---

וואס איז KG ?

KG=Kelber Glad
ביי דיפאלט פארקויפן זיי אויך 'נישט' גלאט, נאר זיי האבן די אפציע פון גלאט ביי קעלבער פלייש פאר די פרומע

זיי אזוי גוט זיי מסביר בפרטיות
איך פארשטיי גוט?
בדרך כלל איז די קעלבערנע פלייש וואס "אונזערע" בוטשערס פארקויפען נישט גלאט נור דאס וואס "זיי" באצייכענען KG איז גלאט

אקוראט. גוט פארשטאנען.

לויט וויאזוי איך פארשטיי (קען זיין איך בין מיך טועה) איז אזוי. ביי בקר איז דער רמ"א מקיל במיעוך ומשמוש, און דער ב"י איז מחמיר.

אבער ביי עגלים, וה"ה בגדיים וטלאים, איז אפילו די רמ"א מחמיר שאין למעך כלל, עיין לשון הרמ"א יו"ד סי' ל"ט סעיף י"ג. ולפי דעת הפרי חדש והתבואת שור אפילו אחר שנתו אין להקל. וכמדומה שכן נוהגין למעשה.

במילא ווען איך וויל זאגן אויף בקר אז ס'איז גלאט, רופט מען דאס קעלבער גלאט אלס שם המושאל, דהיינו כיוון שבעגלים לא שייך בכלל סירכא כנ"ל.

משא"כ ביי קעלבער גופא, איז איבריג צו שרייבן גלאט, ווייל ס'איז בכלל נישט שייך אנדערש, איז גענוג אז ס'שטייט אויפן סטיקר סתם veal.

אדרבא, אויב איך בין מיך טועה, תעמידנו על האמת, וייש"כ

פארוואס זענען אסאך אשכנזים מחמיר ביי דעם ווי די ב"י? סתם אלץ שיינע חומרה אדער יש פוסקים שפסקו בזה כהב"י?