דער עולם האט מיך שוין אויסגעכאפט אלע אינפארמאציע אויף ר' וועלוול'ען, וועל איך נאר צולייגן מיינע צוויי צענט.
ער פלעגט יעדן טאג דאווענען וותיקין ביים כותל המערבי, שוין צענדליגער יארן וואס ער האט נישט אויסגעלאזט דארט א שחרית כוותיקין, און ער פלעגט זיך אויך נוהג זיין מזכיר זיין אלע זיינע אייניקלעך ביים כותל יעדן טאג (כ'גלייב די שפעטערע יארן האט ער שוין נישט מזכיר געווען יעדן עקסטער ווייל עס וואלט געדויערט א גאנצן טאג, מסתם נאר געלייגט א קוויטל), נאר עס איז פשוט אינטערעסאנט אז רבי משה בער איז יעדן טאג מוזכר געווארן ביים כותל.
מיט עטליכע יאר צוריק איז ער געווען ביי א ברית פון א אייניקל דור שישי, האט ער זיך אנגערופן דארט: איך מיין איך בין דא דער ווייטסטער קרוב. ער פלעגט נישט ארויספארן פון ארץ ישראל (כ'אב אמאל געהערט אז אפילו פון ירושלים, אבער כ'בין עס קיינמאל נישט נאכגעגאנגען) אזוי אז ער האט זיך שוין נישט געזעהן מיט גרויסע טיילן פון זיין משפחה וועלכע זענען מקפיד נישט צו פארן קיין ארץ ישראל. טייל פון זיי האט ער זאגאר קיינמאל נישט געזעהן).
עס וועט נאר זיין אינטערעסאנט צו באמערקן (איך האף אז מען מעג עס דא שרייבן. איך האב דאס געהערט פון איינעם פון די בני המשפחה מיט יארן צוריק) אז ווען ר' חנינא שיף ע"ה איז געווארן ביי אים אן איידעם, האט ער זיך אויסגענומען אז ער טאר נישט גיין צו די בחירות (ר' וועלוול האט געהערט צו די עדה החרדית קרייזן) און ר' חנינא האט דאס געהאלטן כל ימיו. אפילו ער איז געווען דער גבאי פון די אדמורי בית גור, די פאן טרעגער פון די אגודה, האט ער אליינס אבער קיינמאל זיך נישט משתתף געווען אין די בחירות.
ווער עס האט וואס נאך מוסיף צו זיין אויף אזא טייערן און מערקווירדיגן איד, ווערט געבעטן נישט צו זיין א מונע טוב און זיך לאזן הערן
חי עולמים - טהור עיניים NO man is a failure who has friends
פון אים האט דער בלאט געשריבען מיט עטליכע יאר צוריק אז די ברית איז געווען אויף א באהאלטענע פלאץ ווייל ער האט נישט געוואלט קיין עינא בישא? און אז אויף די חתונה בריוול האט ער משום די זעלבע סיבה נישט געוואלט אינטערשרייבן?
ב''ה געהאט די זכי' צו זעהן ר' וועלוולען ע''ה לעצטנס, שוין מיט די שוואכע כוחות איז ער געקומען אין שוהל ע''פ חשבון שוין לאנג נאך זיין דאווענען נאר אנצוטון ר''ת תפילין און אריינכאפן נאך אן אמן יהא שמיה רבה, ווי שוין אויבן דערמאנט האט ער מיטגעהאלטן דעם דף היומי מיום הווסדה, עוסק געווען בתורה ומצוות כל ימי חייוו, אין די אינגע יארן געווען א מלמד תשב''ר, דער תולדות אהרן רבי איז פון זיינע תלמידים, געלערנט אין חדר אין עץ חיים דוכט זיך אין איין כיתה מיט הרב אלישב וואס איז בערך זיין יארגאנג.
