Re: נייעס, נאטיצן און אינפארמאציע פון קרית יואל, ניו יארק
גערעדט היינט צופרי צו א חברים מעמבער, זאגט ער מיר אז די פראבלעם פלאגט שוין קרית יואל והגלילות פאר בערך א האלבע יאר, און ליידער ווערט עס נאר מער און מער אן אפטע ערשיינונג, דעריבער האט חברים אנגעגרייט די אווערנעס קאמפיין שוין אפאר וואכן צוריק (זעענדיג אז עס ווערט נאר ארגער) צו אונטערזוכן געוויסע געגענטער במשך די נאכט און לאזן א דערמאנונג פאר'ן בעה"ב פון די אויפגעשפארטע קאר'ס צוצושפארן דעם קאר ביים פארקן. נאר חברים האט נישט געקענט אריינטאנצן דערין פון איין טאג אויפן צווייטן צוליב וואס זיי האבן געדארפט אויסרעכענען פון אלע זייטן און נישט טוהן קיין געכאפטע שריט, אויך האבן זיי געווארט אויף רשות פון די סטעיט פאליציי און די ווילעדזש אפישעלס / פאבליק סעיפטי.בארא פארקער האט געשריבן: ↑ דאנערשטאג דעצעמבער 14, 2023 10:19 am
ווען עס איז פארגעקומען נאך א קאר גניבה די וואך דינסטאג צופרי אין שכונת ויואל משה (וואס חברים האט ב"ה גאר שנעל ריקאווערט די קאר אין ניובורג) האט עס נאר צוגעגעבן צו די וויכטיגקייט פון די פראגראם און די שטופ פון אלע זייטן עס תיכף אנצוהייבן. דא איז אבער אריינגעקומען א פרישע פראבלעם אז פאבליק סעיפטי האט ערלעדיגט אויף דינסטאג נאכט א גאר גרויסע אנוועזנהייט פון ספעציעלע איינהייט אין סטעיט פאליציי צו האלטן אן אויג און אפווארטן די פארברעכער, דעריבער האבן זיי געבעטן אז מען זאל זיך נישט דרייען אויף די גאסן פאטראלירן און טיילן קארטלעך אויף דינסטאג נאכט, במילא האט חברים עס אפגעשטופט אויף א נאכט שפעטער און פלאנען מיט דעם אנצוגיין פאר די נעקסטע פאר וואכן.
בדרך אגב זאגט ער מיר שרעקעדיגע נומערן, אז פון די 1700 קאר'ס וואס חברים האט אונטערזוכט במשך מיטוואך נאכט זענען איבער 550 קאר'ס געווען אפן!!
עניוועי, אונז זעמער ב"ה געבענטשט מיט שמירה פון אלע זייטן, רוף עס חביבים רוף עס חברים...