ברעיקינג! אויטאמאטישע אישי נאך א מחיקה
אייוועלט קומט, א פיטשער גייט, מען מאכט איבער פארומס, גרופעס ווערן אוועקגעשטעלט, אבער כולם מודים און הוא באחד ומי ישובני, די ווענט פון צענזור זענען שטייף געל געווארן פון די הייזעריגע געשרייען...
פארוואס האט מען מיך געמעקט?
כ'מעג אפשר זען מיין תגובה?
זאג מיר כאטש א נארמאלע סיבה.
סעד! איך גיי מיר פון דא.
ווייטער מיט די צענזור, וויפיל איז די שיעור?
ס'פעלט די קאמיוניקעישאן מיט די מנהלים...
איך האב נישט קיין טענות, אבער זאג מיר כאטש פארוואס!
עס פעלט מיר תגובות, וואו איז עס אהינגעקומען???
פארוואס קען מען נישט אייינמאל פאר אלעמאל מאכן א סיסטעם פאר דעם?
כולם פה אחד זכור לטוב האבן געבעטן און פארלאנגט אז עס איז עבאוט טיים אז מען זאל מאכן א סיסטעם אז ווען א תגובה ווערט נעבעך פארווארפן צו די היימלאזע שווארצע פעפער זאל דער שרייבער באקומען א מעלדונג!
א וואס, א פארוואס, א ווען, און געענדיגט מיט די אומאויפהערליכע קראקאדיל קאזאק הנגזל געוויינערייען...
וויסן זאלט איר אבער טייערע טאלאנטפולע שרייבער, עס איז גאר פשוט אויף פאפיר! אבער אין דער זעלבער צייט גאר שווער רעאליסטיש.
עס איז איבריג אויסצושמועסן וויפיל טעכנישע אספעקטן דאס נעמט אריין, אבער איבערהויפט איז מען געזיצן אויף איין זיצונג נאכ׳ן אנדערן איבער דער מיליאן דאלארדיגער פראגע, אז הלמאי, אויב שטעלט מען טאקע איין אזא פיטשער, וואס וועט בלייבן פונעם צענזור אשכול?...
די ווענט פון צענזור אשכול וואס האבן אין זייער לעבן שוין אזויפיל געזען, האבן געוויינט און געליארמעט אנע אטעם אז מען זאל דאס בשום אופן נישט טון, טא וואס וועט פון זיי בלייבן. אלטע פארקאלעכטע באטשיס וואס וועלן קענען זאגן פאר יעדן וואס איז נישט אינטערעסירט אז "מיר האבן נאך געזען אן אייוועלט..." אבער קיין פרישע סחורה וועלן זיי נישט האבן, זיי וועלן בלייבן מיט׳ן אויסגעוועפטן סעלצער טעם אין מויל אן עפעס צו ברענגען צום טיש. זאגאר א מצוה וועט עס ווערן זיי אויסצוהערן בכלל.
א וואס, א פארוואס, א ווען, און געענדיגט מיט די אומאויפהערליכע קראקאדיל קאזאק הנגזל געוויינערייען...
וויסן זאלט איר אבער טייערע טאלאנטפולע שרייבער, עס איז גאר פשוט אויף פאפיר! אבער אין דער זעלבער צייט גאר שווער רעאליסטיש.
עס איז איבריג אויסצושמועסן וויפיל טעכנישע אספעקטן דאס נעמט אריין, אבער איבערהויפט איז מען געזיצן אויף איין זיצונג נאכ׳ן אנדערן איבער דער מיליאן דאלארדיגער פראגע, אז הלמאי, אויב שטעלט מען טאקע איין אזא פיטשער, וואס וועט בלייבן פונעם צענזור אשכול?...
די ווענט פון צענזור אשכול וואס האבן אין זייער לעבן שוין אזויפיל געזען, האבן געוויינט און געליארמעט אנע אטעם אז מען זאל דאס בשום אופן נישט טון, טא וואס וועט פון זיי בלייבן. אלטע פארקאלעכטע באטשיס וואס וועלן קענען זאגן פאר יעדן וואס איז נישט אינטערעסירט אז "מיר האבן נאך געזען אן אייוועלט..." אבער קיין פרישע סחורה וועלן זיי נישט האבן, זיי וועלן בלייבן מיט׳ן אויסגעוועפטן סעלצער טעם אין מויל אן עפעס צו ברענגען צום טיש. זאגאר א מצוה וועט עס ווערן זיי אויסצוהערן בכלל.
אבער, כידוע ליודעים, די געטרייע הנהלה פון אייוועלט האט אפגעמאכט, זאל זיין וואס זאל זיין! הימל און ערד זיך אויסקערן, א שאוול זאל מען ברענגען, גאר דעם בעזעם טראק אליינס, זאלן די צענזור ווענט היישעריק ווערן, דאס איז אבער א העכסטער פריאריטעט, אן קיין צעגערנישן!
געזאגט און געטון, די פראמינענטע געטרייע דעוועלאפער טיעם אין שפיץ פון @אשר ברא און @ממה נפשך , מיט די ראט און טאט פון דער געטרייער איבערגעגעבענער הנהלה, האבן אנגעהויבן ארבעטן רונדע דעם זייגער און באקסיג דער זון דאס אהערצושטעלן.
מען איז איינמאל דורכגעפאלן, א צווייטע מאל אראפגעפאלן, און א דריטע מאל זיך אויפגעשטעלט. מען האט זיך נישט אפגעשטעלט אדער אראפגעזעצט פאר גארנישט, געטעסט און געארבעט דערויף, געשוויצט און אויפגעווען אין די שפעטע נאכט שטונדן... והנה!
-
יאפ, מיר שטייען דא!
דער מאמענט איז אנגעקומען!
אט מיט גרויס כבוד און פראכט מעלדן מיר אייך היינט דא טייערע שרייבער, און מיר שטעלן אייך פאר מיט פאפמע און פאראד דעם העכסט סאפיסטיקירטן שפאגל נייעם
אישי נאטיפיקאציע סיסטעם!
אויב וועט אייער תגובה פארמעקט ווערן, וועלן די מנהלים מיט א טשעק אינעם באקסל קענען ערלעדיגן אז איר זאלט ערהאלטן אין אייער אישי קעסטל א קאפיע פון דער אריגינעלער תגובה, מיט א קורצע סיבה וואס דער אחראי האט פארצייכנט פארוואס דאס איז פארמעקט געווארן!
דער מאמענט איז אנגעקומען!
אט מיט גרויס כבוד און פראכט מעלדן מיר אייך היינט דא טייערע שרייבער, און מיר שטעלן אייך פאר מיט פאפמע און פאראד דעם העכסט סאפיסטיקירטן שפאגל נייעם
אישי נאטיפיקאציע סיסטעם!
אויב וועט אייער תגובה פארמעקט ווערן, וועלן די מנהלים מיט א טשעק אינעם באקסל קענען ערלעדיגן אז איר זאלט ערהאלטן אין אייער אישי קעסטל א קאפיע פון דער אריגינעלער תגובה, מיט א קורצע סיבה וואס דער אחראי האט פארצייכנט פארוואס דאס איז פארמעקט געווארן!
עס איז ווירקליך א פאקט! דער סיסטעם איז גרייט צום באנוץ.
-
אינו דומה שמיעה לראי'!
פאלגנד איז א סקרינשאט פון אן אישי דורך דעם נייעם פארגעשריטענעם פיטשער!
- unnamed (4).jpg (71.46 KiB) געזען 4140 מאל
-
פארשטייט זיך אז ווען מען האלט דא דארף מען אויסדריקן א הערצליכן דאנק פאר @אשר ברא , וועלכער האט אריינגעלייגט אן א שיעור צייט, כח, און מח אהערצושטעלן פון סקרעטש (!) אט דעם לאנג געגארטן עקסלוסיוון אייוועלט פיטשער. ושותפו בדומה לו @ממה נפשך , וועלכער איז אינאיינעם מיט אשר ברא געשטאנען און אויסגעארבעט דעם פלאן מיט אלע דעטאלן, און זיכער געמאכט אז עס קומט צום לעבן.
און אודאי אז הער @וויכטיג מאכער קען מען נישט אויסלאזן, דער געטרייער מנכ"ל האט געשטופט מיט אלע זיינע כוחות (און ווי דער עולם ווייסט האט ער היבש אביסל), און האט נישט נאכגעלאזט און זיכער געמאכט אז דאס ווערט טאקע א פאקט...
מיר האפן אז דאס וועט זיין לתועלת פון די חשוב'ע אייוועלט באנוצער!
