אנפאנג די וואך איז מיין קעשענע אין ווי אויך מיין באנק געווען ליידיג. אינגאנצן לעער. ניטאמאל א פרוטע לפורטה. ניטאמאל איין גרינע צעטעלע. איך האב פארמאגט גארנישט. מיט די לעצטע געלט וואס כ'האב געהאט, האבעך געקויפט פיש לכבוד שבת .
אה. עם. עם. פארגעסן צו זאגן...איך האב נישט קיין קרעדיט קארדס. איך שרייב נישט אויף. בדרך כלל. איך נעם נישט פון קיין שום צדקה. חלוקה....גארנישט... נאר וואס די אייבישטער וויל מיר געבן. דאס האב איך. אפילו בארגן אויך נישט. אבער איך טו צוויי סגולות אויף פרנסה 1) מתפלל. אויף ברויט.פרנסה. עשירות. 2) איך ארבעט... כמיין אז צוויי סגולות איז גענוג.
בקיצור א ליג 12ע ביינאכט אין בעט און איך הייב אן צו וויינען (אזוי ווי א בעבי) צום אייבישטער. באשעפער איך ברויך האבן געלט... אזוי האט דאס אנגעהאלטן פאר בערך 10-15 מינוט. אינמיטן וויינען הערך א דינג. פון מיין סעל. איינער שיק מיר א טעקס. איך זעע טשעיס זאגט מיר אז איינער האט אריינגעווארפן א שיינע סומע אין מיין אקאנט גענוג צו קענען קופן גראסערי פאר אפאר וואכן. יא דער יוד וואס איז מיר שילדיג געלט האט זיך יעצט דערמאנט ער וויל מיר באצאלן
משפט שלוםהאט געשריבן:↑מיטוואך מאי 17, 2023 9:27 pm
אנפאנג די וואך איז מיין קעשענע אין ווי אויך מיין באנק געווען ליידיג. אינגאנצן לעער. ניטאמאל א פרוטע לפורטה. ניטאמאל איין גרינע צעטעלע. איך האב פארמאגט גארנישט. מיט די לעצטע געלט וואס כ'האב געהאט, האבעך געקויפט פיש לכבוד שבת .
אה. עם. עם. פארגעסן צו זאגן...איך האב נישט קיין קרעדיט קארדס. איך שרייב נישט אויף. בדרך כלל. איך נעם נישט פון קיין שום צדקה. חלוקה....גארנישט... נאר וואס די אייבישטער וויל מיר געבן. דאס האב איך. אפילו בארגן אויך נישט. אבער איך טו צוויי סגולות אויף פרנסה 1) מתפלל. אויף ברויט.פרנסה. עשירות. 2) איך ארבעט... כמיין אז צוויי סגולות איז גענוג.
בקיצור א ליג 12ע ביינאכט אין בעט און איך הייב אן צו וויינען (אזוי ווי א בעבי) צום אייבישטער. באשעפער איך ברויך האבן געלט... אזוי האט דאס אנגעהאלטן פאר בערך 10-15 מינוט. אינמיטן וויינען הערך א דינג. פון מיין סעל. איינער שיק מיר א טעקס. איך זעע טשעיס זאגט מיר אז איינער האט אריינגעווארפן א שיינע סומע אין מיין אקאנט גענוג צו קענען קופן גראסערי פאר אפאר וואכן. יא דער יוד וואס איז מיר שילדיג געלט האט זיך יעצט דערמאנט ער וויל מיר באצאלן
יעצט געהערט א מעשה מיט נעמען, היות די בעלי המעשה לעבן נאך ב"ה (דער באשעפער זאל זיי געבן אריכות ימים וכל מילי דמיטב) וועל איך שרייבן אן קיין נעמען.
א שיינער זומערדיגע מיטוואך, א וויליאמסבורגער אינגערמאן איז אויף'ן וועג צו בארא פארק, ביים היטש-פלאץ באמערקט ער א ירושלים'ער בחור'ל, ער פרעגט אים וואו ער דארף - 'צו די קאנטרי' קומט די ענטפער, דער אינגערמאן פרובירט פארשטיין וואס דא גייט פאר, און ס'ווערט נתברר אז דער בחור איז אנגעקומען קיין ניו יארק מיטן פלאן צו שאפן געלט פאר זיין חתונה, אבער מענטשן עפענען נישט די טירן, אין ביהמ"ד הערט ער אז דער עולם איז אין 'קאנטרי', האט ער אפגעמאכט אז ער ווענדט זיך צום 'קאנטרי', דער אינגערמאן פארשטייט שוין וואס דא גייט פאר, איז ער מסביר פאר דעם בחור'ל: די קעטסקילס איז אויסגעשפרייט אויף צענדליגע צענדליגע מיילן, יעדע כברת דרך וועסטו טרעפן נאך אפאר משפחות, און די ראשי המשפחה געפונען זיך דארט בד"כ נאר אין די וויקענד"ס, קום קיין בארא פארק, דארט איז מער אקטיוו אין די זוממער חודשים, איך וועל דיר שאפן א פיינעם אכסני-ה, און פרייטאג קענסטו נעמען א באס צו די קעטסקילס וואו דו וועסט פארברענגען שבת קודש ביי מיר אין באנגעלאו, און מוצ"ש/זונטאג וועל איך פרובירן זען וויאזוי איך קען דיר העלפן, פיין, געשלאסן, אינפארמאציע איז אויסגעטוישט געווארן, דער בחור האט באקומען א געשריבענעם צעטל מיט פונקטליכע אינסטרוקציעס וואו/ווען ארויף/אראפ צו גיין אויף/פון דעם אויטאבוס, והכל על מקומו יבא בשלום!
דאנערשטאג באקומט דער אינגערמאן א בשורה אז זיין חשובע מומע האט צוריק געגעבן איר נשמה ליוצרה, ער רופט גלייך זיין משפחה זאל זיך אומקערן קיין וויליאמסבורג פאר די וויקענד, מ'קען זיך נישט ארויס לאזן צו די קעטסקילס צו שפעט פרייטאג נאך-מיטאג...
פרייטאג ביים לווי' הערט זיין טעלעפאון נישט אויף קלינגען, ביז ער ענטפערט, 'האלאו?! יא, דא רעדט דער בחור פון די קאנטרי איך קום צו אייך אויף שבת איא?!" - דער איגערמאן פאנגט אן שוויצן 'גיב מיר אפאר מינוט, לאמיר זען וואס איך טוה דא'.
ער הייבט תיכף אויף א טעלעפאון צום מקווה-איד אין זיין באונגעלאו קאלאני, און בעט אים ער זאל אנפרעגן ביי די אידן וואס קומען זיך טובל'ן לכש"ק צו איינער קען אפשר אריין נעמען א בחור וואס האט נישט וואו צו זיין אויף שבת קודש (ביודעי ומכירי, גלייבט מיר מ'רעדט פון א פלאץ וואס איך בין געווען זיכער אז עטליכע וועלן זיך קריגן אויף די געוואלדיגע זכות, אבער רצה הקב"ה) און איבער צוואנציג אידן האבן 'פונקט' נישט געקענט.... זה כבה וזה בכה, ביז איין איד זאגט, יא! בשמחה רבה! זעץ אים שוין אריין ביי מיר אין קאר, ער האט גענומען דעם חתן צו זיין באנגעלאו, אים געגעבן אביסל טועמי-ה, און דערנאך געזאגט אז ער פארט צו זיין שווער וואונטשן א גוט שבת, אויב ווילסטו קענסטו מיטקומען צו מיין שווער. זיי קומען אן צום שווער, און דער שווער (א באוואוסטער ריזן עושר) כאפט א שמועס מיט דעם חתן און איבערצייגט זיך אז דער איז א יודע ספר, ער פרעגט אים ווי אזוי ער הייסט, און זיין טאטענס נאמען, און אוואו זיי וואוינען, און זאגט אים 'קלינג מיר מוצאי שבת'.
אביסל שפעטער קלינגט דער עושר אריין צו זיין איידים 'לאמיר רעדן מיט דעם חתן' – דער חתן נעמט פארוואונדערטערהייט דעם טעלעפאון, און דער עושר פרעגט אים 'וויפול דארפסטו נאך אויף די חתונה, צו דעקן הכל בכל מכל?' נאך א שנעלע חשבון קומען זיי צו צו 40 טויזנט דאללער, דער עושר זאגט אים, איך בעט דיר פארגעס פון דעם, אי"ה זונטאג וועסטו האבן די גאנצע געלט, איך וועל זונטאג מאכן א בראנט"ש פאר מיינע רייכע חברים דא אין די קאנטרי, און בל"נ וועל איך משלים זיין וויפול ס'פעלט זיך אויס.
דער קלויזענבורגער רבי זצ"ל (געווען נעכטן די יארצייט) איז אמאל נאך די מלחמה געפארן קיין מאנטריאל נאכגעלט, צו שיקן געלט קיין דייטשלאנד פאר די פליטים, ער איז אנגעקומען אין די פריע פארטאג'ס שעה'ן, און זיי האבן נישט געקענט טרעפן די אכסניא, אויפן גאס איז פונקט אדורך א מענטש וועלכער האט אויסגעזען ווי א גוי, דער דרייווער ר' דוד אבערלענדער האט פרובירט צו פרעגן אויף ענגליש דירעקציעס, אבער יענער האט נישט פארשטאנען. האט דער קלויזענבורגער רב געהייסן ר' דוד ער זאל אים פרעגן אויף אידיש.. און טאקע יענער האט געענטפערט אין אידיש און געוויזן ווי זיי דארפן גיין. דערנאך האט ר' דוד געפרעגט פונעם רבי'ן, וויאזוי האט דער רבי געוואוסט אז יענער איז א איד, ער האט דאך אויסגעזען ווי א געהעריגע גוי? האט דער רבי געזאגט: דא אין מאנטריאל איז דאך יעצט שרעקליך קאלט, יעדער גייט מיט א צוגעדעקטע קאפ, איך האב געזען דעם מענטש גיין מיט אן אויפגעדעקטע קאפ, האב איך פארשטאנען אז ער איז א איד...
אמאל האט ר' דוד דערציילט די מעשה ברבים, איז צוגעקומען א איד, און געזאגט, איך בין יענער איד וועמען דו האסט אפגעשטעלט אין גאס! און ער האט דערציילט: נאך די מלחמה האב איך מחליט געווען אז איך לאז אלעס אפ, און איך פארגעס פון מיין אידישקייט, אבער דא שטעלט מיר איינער אפ אין גאס און רעדט צו מיר אידיש אפילו איך זעה נישט אויס אידיש, דאס מיינט אז מיין אידישקייט וועל איך קיינמאל נישט קענען באהאלטן.. דאס האט אים מעורר געווען און ארויפגעברענגט ווארימע זכרונות און ער איז צוריקגעקומען צום ריכטיגן וועג..
משפט שלוםהאט געשריבן:↑מיטוואך מאי 17, 2023 9:27 pm
אנפאנג די וואך איז מיין קעשענע אין ווי אויך מיין באנק געווען ליידיג. אינגאנצן לעער. ניטאמאל א פרוטע לפורטה. ניטאמאל איין גרינע צעטעלע. איך האב פארמאגט גארנישט. מיט די לעצטע געלט וואס כ'האב געהאט, האבעך געקויפט פיש לכבוד שבת .
אה. עם. עם. פארגעסן צו זאגן...איך האב נישט קיין קרעדיט קארדס. איך שרייב נישט אויף. בדרך כלל. איך נעם נישט פון קיין שום צדקה. חלוקה....גארנישט... נאר וואס די אייבישטער וויל מיר געבן. דאס האב איך. אפילו בארגן אויך נישט. אבער איך טו צוויי סגולות אויף פרנסה 1) מתפלל. אויף ברויט.פרנסה. עשירות. 2) איך ארבעט... כמיין אז צוויי סגולות איז גענוג.
בקיצור א ליג 12ע ביינאכט אין בעט און איך הייב אן צו וויינען (אזוי ווי א בעבי) צום אייבישטער. באשעפער איך ברויך האבן געלט... אזוי האט דאס אנגעהאלטן פאר בערך 10-15 מינוט. אינמיטן וויינען הערך א דינג. פון מיין סעל. איינער שיק מיר א טעקס. איך זעע טשעיס זאגט מיר אז איינער האט אריינגעווארפן א שיינע סומע אין מיין אקאנט גענוג צו קענען קופן גראסערי פאר אפאר וואכן. יא דער יוד וואס איז מיר שילדיג געלט האט זיך יעצט דערמאנט ער וויל מיר באצאלן
אני הקטן האב א גויאישע טענענט וועלכע האט שוין נישט באצאלט די ארענדע פאר איבער א יאר, כהאב פרובירט עוויקטן און זי האט עפלייעט פאר ERAP, כידוע אז דאס נעמט כמעט א יאר צו ווערן עפראווד און דערווייל קענסטו גיין בארן קלאפן.. בנוסף לזה וואס קיין עוויקשאן איז נישט שייך תוך די זמן פון די פענדינג ERAP קעיס.. פריערדיגע וואך האבעך באקומען א צעטל אז סאיז אפראווד..
האבעך צו מיר געקלערט אז ווי נישט ווי האבעך דאך ניטאמאל אזוי מתפלל געווען דערפאר.. מי יודע אויב סאיז נישט ווי דער שלאנג וואס כביכול וויל ניטאמאל זיינע תפילות, דעריבער גיבט ער אים איבעראל זיין עסן.. אבער דעם שבת דערמאנט מיר דער שווער זז”ג אז סאיז יעצט פונקט 40 טאג פון ווען כבין געווען אין אייראפע אין די מקומות הקדושים.. כהאב כמובן מתפלל געווען מער כלליותדיג ווייל ווער ווייסט אויף וואס מדארף אלץ מתפלל זיין.. אבער, כך הוא המעשה.. 40 טאג פון א נסיעה צו מתפלל זיין און סאיז געקומען א ישועה.
מדארף נישט א בשר ודם פארמישט אין יעדע מופת.. דאס איז פונעם אויבערשטער אליינס.
איין טאג אויף אמאל. איין טעסק אויף אמאל.
שטאטס מביןהאט געשריבן:↑פרייטאג פעברואר 16, 2024 1:59 am
איך וואלט זיך געוואלט יאגן, איך האב נאר נישט קיין צייט... (בשם החת"ס)
יום הקדוש תשס''ח האב איך געוויילט אין אתרא קדישא מירון צוזאמען מיט אחי הגדול, (וואס אגב קען מען אסאך שרייבן וועגן יו''ק אין מירון) למחרת יום הקדוש האמיר ארויפגעקראכן דעם גרויסן און לאנגן בארג צום קבר פון שמאי הזקן,
אינמיטן וועג זאגט מיין ברידער איך בין מויראדיג דורשטיג, ער האט ממש געשפירט אויסגעטרוקענט און קיין וואסער האמיר נישט, וואס טוט מען? צוריקלויפן קען אויך נעמען בערך א 20 מינוט אונז זעמער געווען און א געוואלדיגע פארלעגנהייט, וואס זאל איך אייך זאגן נעמט נישט קיין האלבע מינוט וואקסן ארויס 3 הויעכע זעקס אהאלב פיסיגע גוים מיט לאנגע צופלויגענע האר איינע פון זיי קומט צי צו מיין ברידער און פרעגט און ענגליש... העי סער אר יו טוירסטי?? יעס סער!! ער נעמט ארויס פון זיין זוטשקע א באטל וואסער און זאגט אים בדרך מוסר נעקסט טיים דאונט ליוו וויטאוט וואטער...
עס ווערט דערציילט, עס איז אמאל געווען אן אלטע רוסישע איד, ער פלעגט קומען יעדן נאכט צו א שיעור ער האט כמעט גארנישט פארשטאנען, האט אים איינער אמאל געפרעגט, ס'איז זייער חשוב דו קומסט צום שיעור, אבער דו פארשטייסט דאך כמעט גארנישט, אויב אזוי פארוואס קומסטו? האט אים דער רוסישע איד געזאגט, איךוועל דיר זאגן פארוואס. אמאל נאך אין רוסלאנד בין איך געזעצן אין א רעסטוראנט, אינמיטן האט אריינגעשטורעמט די קעי דזשי בי, די מלאכי חבלה, זיי האבן אויסגערופן 'יעדער לייגט זיך אראפ אויף די ערד', מען האט יעדעם ארעסטירט, מען האט געטיילט מכות דארט, איך האב נישט געוואוסט וואס פונקטליך גייט דא פאר. בתוך הדברים האב איך פארשטאנען אז פונקט ווען איך בין געזיצן דארט איז דארט געווען כוליגאנעס, וואס ס'איז זיי טאקע געקומען אביסל פעטש, האב איך אנגעהויבן שרייען און וויינען, איך האב גארנישט מיט די מענטשן, איך בין צופעליג דא געווען נישט אין די ריכטיגע צייט, אבער ס'האט מיר גארנישט געהאלפן... איך בין אנגעקומען צו א ריכטער, מען האט אלעס אויסגעשמועסט, איך האב געהאלטן אינאיין זאגן אז איך האב גארנישט מיט די גאנצע זאך. האט דער ריכטער געזאגט; "אונז ווייסן איין זאך, אז דו ביסט געזיצן מיט זיי, ביסטו פון זיי", און צום פסק האב איך באקומען א יאר טורמע מיט א געלט שטראף. האט דער איד אויסגעפירט, איך האב נאך צייכענעס אויף מיין האנט פון יענע מערדעליכע קלעפ, ווען איך וועל ארויפקומען נאך די הונדערט און צוואנציג און מען וועט מיר פרעגן 'האסט געלערענט'? וואס וועל איך ענטפערן, איך האב נישט געקענט, נישט געלערענט אין א ישיבה, די תירוצים וועלן מיר גאר ווייניג העלפן.. איך וועל אבער איין זאך יא זאגן; זעה רבוש"ע די מכות וואס איך האב געכאפט, ווייל אז דו ביסט געזיצן מיט זיי ביסטו פון זיי, וועל איך זאגן, שפעטער בין איך געזיצן ביי א שיעור פאר צענדליגע יאר, איך האב נישט צופיל פארשטאנען און אויפגעכאפט, אבער אז איך בין געיזיצן מיט זיי בין איך א חלק פון זיי, און איך וויל אריינגיין אין גן עדן דארט ווי אלע לומדי תורה קומען אן!
אין די תולדות פון הגאון רבי יוסף חיים זוננפעלד זצוק"ל ווערט דערציילט; ווען דער קאמישענער מטעם די ענגלישע רעגירונג איז געקומען דינען אין ארץ ישראל איז ער געקומען באזוכן אין שטוב פון הגרי"ח, די באזוכן זענען געווען דירעקט פאראויס באשטעלט דורך די רעגירונג אין לאנדאן. רבי יוסף חיים האט געוואוינט אין א קליינעם קעלער דירה אין שכונת בתי מחסה אין אלט שטאט, פארשטייט זיך א ָ ן קיין שום מעבל אדער שיינע אויסגעבעטע בענקלעך אא"וו, די ב"ב האבן פארגעשלאגן אז אפשר זאל מען אפהאלטן דעם באזוך אין א צווייטענ'ס דירה א שענערע און גרעסערע, אבער רבי יוסף חיים האט אפגעזאגט און געזאגט אז לכבוד דעם באזוך קען מען טוישן די טישטוך פון טיש. ווען דער ענגלישער קאמישינער איז אריינגעקומען אינעם דירה האט ער נישט געקענט גלייבן אין וואספארא מצב עס וואוינט אזא גרויסע הויך-געשעצטער אידישער פערזענליכקייט, און ער האט זיך אויפן פלאץ אומאיידל אויסגעדרוקט, רבי יוסף חיים האט אים נישט געענטפערט, נאר געבעטן צוצוקומען צום פענסטער, ער האט אוועקגערוקט די פירהענג, מען האט פון דארט געזען די מקום המקדש. פון רבי יוסף חיים'ס אויגן האט גענומען טרערן און ער האט געזאגט; איר זעהט, דארט איז געשטאנען די הויז פון אונזער באשעפער, און איצט איז די הייליגע הויז נעבעך חרוב, אין אזא מצב דארף מיין שטוב נישט זיין קיין סאך בעסער! די תשובה פון רבי יוסף חיים האט זיי געכאפט, און דער קאמישענער מיט זיינע באגלייטער'ס זענען ארויס פון הויז איבערגענומען.
א איד האט זיך אמאל גערעדט מיט הרה"ק רבישלמה'קע מזוועהיל, און בתוך הדברים האט ער זיך זייער אפגערעדט אז א צווייטער איד האט געעפנט אן ענליך געשעפט אנטקעגן איבער זיין געשעפט. און ער נעמט אים צו דער פרנסה. אזוי שמועסנדיג מיט רבי שלמה'קע. האט דער אינגערמאן אים דערציילט א מעשה וואס איז פארגעקומען ביי איינע פון די צדיקים. אז ער האט אראפגענומען א שטיקל האלץ פונעם טיש און עס איינגעטינקען אין וואסער, און עס איז געוואקסן תבואה... הערנדיג די מעשה וואס דער יונגערמאן האט דערציילט. האט רבי שלמה'קע געזאגט: הער וואס איך וועל דיר זאגן: א איד איז מצווה צו גלייבן אין דעם אויבערשטן. עס זענען דא זאכן וואס א איד איז מחויב צו גלייבן, וואס אויב ער גלייבט נישט דערין איז ער אן אפיקורס. און עס זענען דא זאכן וואס ער מוז נישט גלייבן, אויב ער גלייבט נישט דערין, איז ער נישט אן אפיקורס. אלזא, דו האסט פריער זיך דא אפגערעדט אויף יענעם אז ער מאכט קאליע דיין פרנסה, אויף דעם ביזטו מחויב צו גלייבן, אז דאס איז נישט פון יענעם, נאר פון דעם אויבערשטן, וועלכער האט באשטימט דיין פרנסה שוין פון ראש השנה. און קיינער וועט ביי דיר נישט קענען אוועקנעמען אפילו א האר פון דעם וואס ס'איז פאר דיר באשערט פון הימל צו האבן, און אויב דו גלייבסט נישט אין דעם, ביזטו אן אפיקורס. ווידער, די צווייטע מעשה וואס דו האסט דא דערציילט, וועגן דעם צדיק וואס האט גענומען א שטיקל האלץ פון טיש און אריינגעלייגט אין וואסער און עס איז געוואקסן תבואה... איך גיי נישט אריין אין דעם צו עס איז אמת אדער נישט. אבער ס׳איז קלאר אז אויב מ׳גלייבט נישט אין דעם איז מען נישט אן אפיקורס...
נאר וואס דען, דו ביזט דאך א חסידיש'ער אינגערמאן, דערציילסטו די צווייטע מעשה 'בדחילו ורחימו', אז דער צדיק האט געפראוועט א 'מופת', און עס איז געוואקסן תבואה פון א שטיקל האלץ אין וואסער. אבער די ערשטע מעשה. אז דער אויבערשטער גיט דיר דיין פרנסה. אין דעם גלייבסטו נישט, און דו קומסט וויינען פאר מיר אז יענער נעמט אוועק דיין פרנסה!... (הגה"צ רבי אלימלך בידערמאן שליט"א)
My wife called me that the gas range is making issues, while on the phone it was resolved, so I reminded myself of the overdue bill, I tried to make a payment online but didn't go so called the automated system and also didn't work, pressed 0 for the operator and they said that the reason they cant accept a payment as the technician is on the way to turn off the gas.. Lemaaseh as I called they put me on hold for 5 minutes and contacted the technician to stop the shut off.
Cant imagine going thru gas shut off and reopening which besides the money and days without gas its a lot of agmas nefesh
דערציילט מיר ר' י. אפל שליט"א: פאר ארום פופציג יאר צוריק האט מיין טאטע געקויפט א דירה אין בני ברק פאר $45,000 (היינט איז עס ווערד ארום $700,000) פון ר' נ. העללער - בערך 20 יאר שפעטער קומט הרב העללער צו מיין טאטען 'מיין בוך-האלטער איז איבער מיינע ביכער, און ס'קומט אויס אז דו ביסט מיר שולדיג $3,000 (היינטיגע ווערד פון ארום $45,000...) אויף די דירה. מיין טאטע האט זיך צולאכט: ר' איד, איך וואוין שוין אין די דירה פאר ארום צוואנציג יאר, זעט דיר אויס איינער וואלט מיר געגעבן א שליסל ווען נישט איך האב געצאלט די גאנצע התחייבות?
ר' נ. האט גערופן מיין טאטען צו בי"ד (ביי הרב זושא לוריא, הרב טוביאס, און די דריטע נאמען געדענק איך נישט) ווי נאר מ'האט אנגעפאנגען די דין תורה פרעגן די די רבנים מיין טאטען 'איר זענט גרייט זיך דן זיין ביי אונז?' ווען מיין טאטע האט געזאגט אז יא, האבן זיי אים געהייסן אראפ לייגן $3.000 אויף'ן טיש, מיין טאטע זיינדיג א וועקסלער, האט געהאט אזא גרויסן סכום אין קעשענע און עס טאקע אוועק געשטעלט אויף'ן טיש.
יעצט האבן די רבנים אנגעפאנגען אויספרעגן אלע פרטים, דערנאך ארויסגעשיקט ר' נ. און געפרעגט מיין טאטען: ס'קען זיין אז איר זענט פארט שולדיג $3,000? אפשר האט איר פארט פארגעסן? מיין טאטע: מעגליך? יא, אלעס איז מעגליך.... יעצט האבן זיי ארויס געשיקט מיין טאטען און געפרעגט ר' נ. איז מעגליך אז אייער בוך-האלטער האט א טעות געמאכט? ר' נ. יא, מעגליך איז אלעס.... יעצט אז ס'שוין א ספק, קען מען גיין אויף א פשרה, האט איין דיין געהאלטן אז מיין טאטע דארף גארנישט באצאלן, איין דיין $1,500 און איין דיין $2,000 איז $1,500 דארף ער זיכער געבן, די איבעריגע $500 (פון 1,500 ביז 2,000) איז א ספק, איז זאל ער געבן האלב. האט די הייליגע בית דין ארויס געגעבן די פסק: ר' נ. אפל וועט צאלן פאר ר' נ. העללער $1,750 פאר מיין טאטען איז דאס געווען א באמבע, ער האט געפילט ווי כאילו איינער האט אים דערלאנגט יעצט א קלינגעדיגן פראסק.... דא קומט ער רואיגערהייט צום בי"ד וויסענדיג די הלכה אז 'המוציא מחברו עליו הראיה' - און דא מאכן זיי א גאנצע פאטענט אז די געלט זאל ווערן מוטל בספק און מ'נעמט אים צו אזא ריזן סכום.... ער איז אהיים געקומען זייער אנגעפאטשט, איך בין געשטאנען דארט ווי ער האט פארווייטאגטערהייט אנגפאנגען איבער דרייען פושקעס און שופלאדן איינס נאכן צווייטן, ביז ער האט אויף געלאכטן!...... ער רופט מיר צו און ווייזט מיר אן אלטן אפגעוועטשטען טאג-בוך, וואו עס שטייט קלאר פארשריבן 'קיבלתי מפתח לדירה, ונשאר חוב לר' נ. $1,750'!!!!!!!!..................... אלוקים ניצב בעדת א-ל
סיין זיך אויף מיט די לינק צו Webull stocks platform, און איך און די וועלן פארדינען free stocks נאכן deposit $100 די ערשטע 30 טעג פון אויפסיינעןhttps://act.webull.com/nt/1tSOfvYQhs4K/