Re: ערציילונג און פארזעצונג - דער בוכארער זעלנער
גיימר אינז אויך נהנה זיין פון די המשך, אדער דאס שרייבסטו שוין פארן ביכל?וואלטיער האט געשריבן: ↑ מיטוואך נאוועמבער 29, 2023 10:22 pmערשטנס, א ריזן יישר כוח פאר די תגובה. פונקט אזויווי איר זאגט אז איר האט געפילט 'קאנעקטעד' מיט די כאראקטארן פון די געשיכטע וועגן די שפראך און די וועג וויאזוי זיי זענען געשריבן, פונקט אזוי שפיר איך אז איך האב 'קאנעקטעד' מיט אייערע ווארעמע ווערטער צוליב די שפראך וואס איר האט גענוצט. איך דאנק אייך זייער, באמת.בית שמאי האט געשריבן: ↑ מאנטאג נאוועמבער 27, 2023 7:32 pmwow @וואלטיער עס פרייד זיך דיך צו זען דא, בערך א יאר א האלב צוריק איך האב דיך געשיקט א אישי מיט דריי הערות (איך מיין אז דו האסט עס קיינמאל נישט געליינט) אפשר אז דו וועסט זען די הנאה וואס אידן האבן פון דיין ווערק וועט דאס העלפן פייכט מאכן אייער טאלאנפילע פענע.
איך ווייס נישט צו איר ליינט אייער אישי'ס אבער איך מיז אויסדרוקן מיינע געפילן.
איך האב יעצט גענדיגט ליינען די גאנצע מעשה, דעיס איז סאמטינג ספעשעל, ממש אטעם פארכאפענט, יעדע קערקטער אזוי קלאר ארויס געברענגט אז מ'קען זיך קנעקטען מיט זיי, די מעשה איז אזוי זאפטיג געשריבן אז איך האב עס געזען זיך אפשפילען לעבעדיג פאר מיינע אויגן, און די היסטארישע פאקטן וואס איז דארט צזאמגעווארפן איז עפעס נישט נארמאל, ספציעל יעצט אין א צייט וואס רוסלאנד און אוקריינע זענען און די נייעס איז עס ספציעל גוט אריינגעקומען, אזוי אויך איז די מעשה אזוי ספציעל פרעפעסנאל געבויט קאפיטל נאך קאפיטל ממש א מייסטער ווערק, די האסט מיר פארשאפט שעות פון הנאה און קורת רוח, א ריזיגע יישר כח די זכות זאל דיר ביישטיין.
יעצט דריי הערות, איינס, אז די קענסט יא אזוי גוט און די האסט אזא גוטע פען פארוואס זאלסטו נישט מהנה זיין אידן מיט נאך סחורה, אל תמנע טוב מבעליו?
צוויי, פארוואס האסטו נישט איבער געלאזט קיין דורת פון די לעוו משפחה? וואלט נישט געווען בעסער אז עקיבא זאל האבן א משפחה מיט קינדער און אייניקלעך וואס זאלען טוהן ל"נ פון איתמר? מילע איתמר ער איז דאך געווען אפגעפארן, אבער עקיבא האט דאך זיין מאמע אזוי געהאפט ער זאל וואקסן ערליך, קומט זיך אים נישט דורת פשוט אלס זיין מאמעס תפילת...?
דריי, ווען קומט מישא'ס נקמה?
אזוי צו אזוי נאכאמאל ש'כח פאר די מעשה, איך טוה אנערקען (אויב ס'מעגליך) די קאפ, מוח און שעות ארבעט וואס גייט אריין און מאכן א מעשה און דערנאך אפשרייבן, זייט וויסן הונדרעטע אויב נישט טויזענטע אידן האבן הנאה פון דיינע מייסטווערק, די אייבערשטער זאל דיר באצאלען מיט אלעס גוטס הצלחה בכל אשר תפנה, און סייתא דשמיא וכטו"ס.
צו ענטפערן אייער הערות:
1. איך האב שוין אזויפיל מאל געוואלט שרייבן, אבער עס האט נישט געקענט קומען אויפ'ן חשבון פון די קינדערלעך, לערנען, און ארבעט. נו, אבער די איבעריגע צייט קען מען דאך שרייבן...ספעציעל זינט דער שרייבער האט אזא הנאה ווען די פענע פליסט, פונקט ווי די לייענער האבן הנאה. אבער כדי צו שרייבן פיקציע דארף מען קענען אריינגיין אין די קעמערלעך פונעם מח וואו די פאנטאסטישע וועלטן, מיט אלע זייערע כאראקטארן, אביעקטן, און געשעענישן וואוינען. און דאס קען מען נאר טון ווען עס איז שטיל און רואיג. נו, פרעג איך אייך, וויפיל מינוטן אינעם טאג/וואך זענען שטיל און רואיג? אויב האט איר אזאנע עקסטערע מינוטן, ביטע שיקט זשע אריבער!
2. איר זענט נישט דער ערשטער דאס צו פרעגן, און איך האב שוין געכאפט פאר דעם ערליכע פעטש פון מיין רעדאקטאר. דער 'עדיטאר' פונעם בוך איז געווארן שטארק צוגעבינדן צו די לעוו כאראקטארן, און מיר קלאר געזאגט אז איך זאל זאפארט טוישן די ענדע. נו, אז דער רעדאקטאר סטראשעט פאלגט מען. אבער דאס נישט געבן פאר די לעוו משפחה איבערצולאזן דורות איז געווען א דירעקטע באשלוס, ווייל איך האב געוואלט דערמאנען די לייענער אז, 1. גאנצע משפחות זענען געווארן פארניכטעט דורך די נאצישע הענט ימ"ש, און עס איז נישט פארבליבן ווער עס זאל זיי דערמאנען און ווייטער ציען די נעמען, און 2.אז אפילו צווישן די מלחמה איבערלעבער זענען געווען די וועלכע האבן נעבעך נישט איבערגעלאזט דורות (עטליכע צוליב די כעמישע און פיזישע עקספערימענטן וואס די נאציס ימ"ש האבן אויסגעפירט אויף זיי). ווער געדענקט זיי דען? ווער ציעט ווייטער אן זייערע נעמען? איך האב געוואלט אז די לייענער זאלן פילן א געפיל פון פארלוסט און אומבאפרידיגטקייט. אבער סתם פייניגן וויל איך נישט, און איך האף איבערצושרייבן אויף דורות ישרים ומברכים.
3. אט, אט, אי"ה האף איך עס צו שרייבן. איך הער שוין ווידער די גערוישן פון די טשעטשניער מלחמה, די קולות פון די סאלדאטן אויפן פראנט, און די בלאטע-געדעקטע טאנקן, אין די טעג פון כאאס און קריג ווען מישא האט אויסגעפירט זיין נקמה. איך קען שוין ווידער הערן די רואיגע, סאציאפאטישע שטימע פון זיין 'באס', וולאדימיר וולאדימיראוויטש פוטין, ווי ער גיבט זיינע באפעלן פאר אונזער העלד, אין אומפריינטליכע, קילע אפיסעס, מיט טייערע לעדערנע בענקלעך, און עלעגאנטע מעבל. איך קען אויך שפירן אביסל מער פון מישא'ס שטענדיג בענקעדיגע זעהל, זיין צומישעניש, זיין חוצפה,און זיין העלדישקייט. איך האף אייך צוריק אריינצושלעפן אין זיין וועלטל, בקרוב אי"ה.
איך פרעג הגם איך האב אין פלאן צו צאלן אלע געלטער פאר דעם ביכל!
