Re: עניני קו התאריך והמסתעף
אה מיי @גרשון
... דאס האסטו אקארשט געשריבן ?
די חזו''א האט דאך א שטריך פון ניינציג מעלות מיט א חידוש פון גרירה אז די מיעוט ווערט נמשך, איז וואס שייך צו מסתפק זיין דערין ?גרשון האט געשריבן: ↑ דינסטאג מאי 21, 2024 1:40 pm
למעשה קען מען גיין מיט'ן חזון איש בעיקרו של דבר, אבער נאך אלץ איז דא א מקום להסתפק אין יאפאן. דער חזון איש אליין האט דאך א לאנגע תשובה וואו ער דרייט אהער און אהין. די ראשונים זאגן טאקע אז מ'פאנגט אן פון מזרח אזיע, אבער אפשר איז יאפאן נאך אין אזיע? במציאות באטראכטן עס דאך מענטשן אזוי, און דאס האט א סיבה. אויב זאל א לאנגער טייך דורכשניידן צענטראל אזיע פון צפון ביז דרום, וועט דען דער גאנצער מזרח חלק ווערן באטראכט ווי אן אינזל אינעם פאציפיק? און וואס וועט ווירקליך זיין מיט אן אינזל וואס געפינט זיך הארט נעבן כינע אדער קארעא אפגעשניטן מיט א טייכל?
נאכמער, אויף אויסטראליע איז דער חזון איש מכריע אז ס'גייט צו מערב, וויבאלד איר מערב ברעג איז מער מערב ווי שאנכיי. אלזא, מ'רעכנט דעם אנהייב פון אזיע דארט וואו די מעלות רוחב זענען ווי ירושלים. אבער אפשר דארף מען דאס רעכענען בכל מקום שהוא, וואס לויט דעם ענדיגט זיך אזיע נאך סיביר, צוזאמען מיט'ן אינטערנאציאנאלן שטריך? און אפשר גאר דארף מען נאך אריינרעכענען געוויסע איזלען פון אלאסקע, וויבאלד זיי ענדיגן זיך אן מער מערב ווי סיביר הייבט זיך אן? און אפשר רעכנט מען לויט'ן עקוואטאר, וואס קומט אויס ביי אינזאנעזיע?
וואס איך וויל ארויסברענגען איז אז אפילו מ'וועט נישט מכריע זיין להלכה ווי דער חזון איש אין יאפאן, מוז נישט זיין אז ס'איז וויבאלד מ'גייט אנדערש ווי די ראשונים. דער עיקר וואס דער חזון איש האט זיך מתרעם געווען איז אויף דעם וואס היינטיגע פוסקים קריגן זיך אויף די ראשונים אין אזא יסודות'דיגער זאך, בזמן וואס קיינער פון די ראשונים זאגט נישט בפירוש אנדערש.
(סארי @אליהו ליכטענשטיין פאר'ן אריינהאקן.)
