באריכטן בחצרות הקודש זונטאג פרשת בחקותי - ל''ג בעומר
◄ ווייז ספוילער
שישו ושמחו בשמחת התורה:
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול מודזיץ אין בני ברק, לזכותו פון כ"ק אדמו"ר ממודזיץ שליט"א, נאכגעפאלגט מיט די מעמד ההדלקה אין ביהמ"ד הגדול לכבוד היום.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד דקהל כוונת הלב אין בארא פארק, לזכר נשמתו הטהורה פון כ"ק אדמו"ר מכוונת הלב זצ"ל, די סעודה לגומרה של תורה קומט פאר שפעטער אויפדערנאכט אין די פרימיער זאל אין בארא פארק, אינאיינעם מיט די יארצייט סעודה לרגל די יומא דהילולא קדישא פונעם רבי'ן זצ"ל וואס געפאלט היינט אויפדערנאכט ל"ד בעומר.
היינט קומט פאר די מעמד הכנסת ספר תורה וואס ווערט אריינגעגעבן צום סטוטשינע בית המדרש אין בארא פארק, נדבת הרב החסיד ר' יצחק וואלף הי"ו לעילוי נשמת די פינף און פערציג קדושי מירון, שטייענדיג ביים דריטן יארצייט ביום ל"ג בעומר, די סעודת מצוה קומט פאר אין די היכל ביהמ"ד אינאיינעם מיט די מעמד חנוכת הבית פאר די נייע בית המדרש, אין שפיץ פון כ"ק אדמו"ר מסטוטשין שליט"א וועלכער וועט אפרעכטן שולחנו הטהור לכבוד היום.
מעמדי קודש:
היינט קומט פאר די מעמד הנחת אבן הפינה פאר די נייע דעוואלאפמענט אין קרית וויזניץ קייאמישע לעיק, אין שפיץ פון כ"ק אדמו"ר מוויזניץ שליט"א פון קייאמישע, נאכגעפאלגט מיט די טיש לכבוד ל"ג בעומר, און לרגל די יום הצלה פון אביו הרה"ק בעל תורת מרדכי מוויזניץ זי"ע.
היינט קומט פאר די מעמד הנחת אבן הפינה פאר די נייע ישוב קרית ערלוי אין הר יונה, אין שפיץ פון כ"ק אדמו"ר מערלוי שליט"א, די מעמד קומט פאר פיר אזייגער נאכמיטאג, אינאיינעם מיט די מעמד ההדלקה לכבוד היום.
הוא הודה הוא זיוה הוא הדרה:
כ"ק אדמו"ר מוויזניץ שליט"א וועלכער איז צוגאסט די טעג בקרב חסידיו אין אשדוד, וועט היינט אפרעכטן די טיש לכבוד ל"ג בעומר אין די גרויסע אודיטוריום אין שטאט.
כ"ק אדמו"ר מוויזניץ שליט"א פון ירושלים וועלכער איז צוגאסט די טעג בקרב חסידיו אין ארץ ישראל, וועט היינט נאכמיטאג אפרעכטן די טיש לכבוד ל"ג בעומר בבית מדרשו אויף רחוב אדוניהו הכהן אין ירושלים, און שפעטער נאך מעריב אפרעכטן א לחיים טיש לרגל די יום הצלה פון אביו הרה"ק בעל תורת מרדכי מוויזניץ זי"ע.
כ"ק אדמו"ר מביאלא ב"ב שליט"א וועלכער האלט זיך אויף די טעג אויף א נסיעה צו די מקומות הקדושים אין פוילין, וועט היינט אנקומען קיין קראקא צום ציון הק' פון הייליגן רמ"א זי"ע בעצם יומא דהילולא קדישא, שפעטער ביינאכט וועט דער רבי אנקומען קיין רימנוב צו פוקד זיין דעם ציון הק' פון הרה"ק דער רבי ר' מענדעלע זי"ע בעצם יומא דהילולא קדישא, און דערנאך זיך ארויסלאזן אויפן וועג צוריק קיין ארץ ישראל.
שמחות בחצרות הקודש:
היינט קומט פאר די שמחת החתונה פונעם חתן א זון פון הגה"צ ר' אהרן יוסף פריעדמאן שליט"א, זון פון הגה"צ גאב"ד טענקא שליט"א, און איידעם ביי הגה"צ אב"ד קאראד שליט"א, מיט די כלה א טאכטער פון הגה"צ ר' שמואל קליין שליט"א, זון פון הגה"צ ר' מרדכי בצלאל קליין שליט"א אב"ד סאטמאר לעיקוואד, און איידעם ביי הגה"צ ר' שמעי' גרינבוים שליט"א מח"ס סייעתא דשמיא. - די שמחת החתונה קומט פאר אין זאל ויואל משה אין וויליאמסבורג.
היינט קומט פאר די שמחת הברית פון א אייניקל ביי כ"ק אדמו"ר מקוידינוב שליט"א, אור אייניקל פון כ"ק אדמו"ר מנאראל שליט"א, בן הנולד ביי זיין איידעם הרב יואל הורוויץ שליט"א, זון פון הגה"צ גאב"ד ראצפערט בראזיל שליט"א. - די שמחה קומט פאר אין ביהמ"ד קוידינוב אין בני ברק, די סעודת ברית וועט פארקומען פארנאכטס אינאיינעם מיט די טיש לכבוד היום אין ביהמ"ד קוידינוב.
הרב קרויזר שליט"א וואס די ציניסטישע פאליציי האבן נעכטן בארבאריש צושלאגן אין אתרא קדישא מירון, היינט אויף א באזוך ביי כבוד הגה"צ רבי יעקב מאיר שעכטער שליט"א צילום בחצרות הקודש