אין שפיטאל פאר א סיבה
מיט איינעם פארבראכט אין שפיטאל
די מצב איז געווען היפש שמאל
לאמיר נישט רעדן פון צרות ישראל
אזוי צווישן איין דאקטער און צווייטן
מיינע נערוון אביסל אויסשפרייטן
כאפ איך א בליק פון דערווייטן
זע איך א לאנגע קארידאר א ברייטן
כאפ איך א שטיקל שפאציר
זיך אויסרעדנדיג אליין צו מיר
אזוי שפאצירנדיג ווי אימער
וואק איך דורך נעבן א צימער
אינדרויסן אליין דארט זיצט ער
פון גרויס נערוועזקייט שוויצט ער
אין די מיטעלע יארן געווען
ווי קיין איד נישט אויסגעזען
כ'שפאציר אדורך אויפן זייט
נישט קוקנדיג אויף אים כמעט
ער האט אראפגעלייגט זיין בוך
און אנגעהויבן קומען צו מיך
קודם האב איך מורא געהאט
וואס איז פון דעם פשט
שטייענדיג נעבן מיר גלייך
רופט ער זיך אן אין מיין שפראך
כ'טו צו אים נענטער צוטרעטן
ער וויל מיר עפעס בעטן
"מיין ווייב ליגט דא טויט קראנק
און איך זיץ און שוויץ דא אויפן באנק"
"כ'האב געפרעגט מיין פרומע זון
וועלעכע מצוה קען איך טון
וואס מיין ווייב אויסהיילן ס'גייט
און איר אהיימברענגען געזונטערהייט"
"מיין זון האט מיר דעם עצה געגעבן
תפילין צום ערשטן מאל אין לעבן
זע צי דו קענסט טרעפן דארט
א איד מיט תפילין אויפן ארט"
ער שטייט דארט שטיל
כ'ווייס שוין וואס ער וויל
אן איינמאליגע געלעגענהייט כ'פיל
ער איז א איד! ס'נישט קיין שפיל
כ'זאג אים כ'וועל זיין צוריק
אויף מיין זייגער כאפ איך א בליק
ס'שוין כמעט די שקיעה'ן
צום צימער טו איך פליען
כ'בין צוריק א מינוט שפעטער
הייליגע תפילין זעט ער
עטליכע לאנגע מינוטן געוויינט
בשעת זיין פנים פאר שמחה שיינט
די תפילין צאמגעלייגט
זיין קאפ צו מיר ער בייגט
אויף מיין שטערן ער קושט
ביידע האבן טרערן געווישט
---
טאטע אין הימל זע שוין איין
דיינע קינדער ווילן גוט זיין
דיין גאנצע פאלק שוין הייל
רפואות פאר יעדן טייל
באשעפער צום זאך טו
און זאג אונז שוין סלחתי
ביי פופציג צום ערשטן מאל
געלייגט תפילין אין א שפיטאל
עיני עיני יורדה מים
דיין קינד זיינע עבירות פארציי אים
זיינע שוועריקייטן פארשטיי אים
און נעם אונז ארויף קיין ירושלים