פארוואס גראמען?
אויגן פארמאכט
אין מח כ'שמאכט
און, א רעיון לייכט
געטראכט וואס צו שרייבן
אביסל צייט פארטרייבן
קלער איך סתם
פארוואס א גראם?
כ'קען דאך די זעלבע זאך
אויף וואס גראמען איך מאך
מיט די זעלבע טעמ'ען
שרייבן אָן קיין גראמען
ס'וועט נאך נעמען שנעלער
אין אלע פעלער
צו שרייבן גראד
ווי אריינצוקריכן אינעם מאָד
וואס איז טאקע פשט
האב איך א מחשבה געהאט
ס'מוז האבן א סברא
וואס איז פון גראמען די מטרה?
נישט נאר פאר איין סיבה
האבן גראמען א חיבה
געשמאק אויך פאר מיר איז
צו ליינען פאעטישע שורות
איינס, ס'פשוט אין מח
א מענטש פילט די כח
וואס די שרייבער לייגט אריין
די ליינער מהנה צו זיין
צוויי, ס'איז א פאקט
פאעזיע באווייזט אַן אקט
מיט די מענטש'ס געפילן
קען ער גרינגער ארומשפילן
ס'טאקע קערצערע דיבורים
כ'פיל אבער אז כ'שפיר אים
ער ברענגט עס בעסער ארויס
אז יענעמ'ס געפילן גייען אויס
דריי, יעדער גלייכט
ס'אינטערעסאנט וואס יענער מאכט
ס'א נארמאלע זאך
צו באוואונדערן יענעמ'ס פאך
א מעדשישן ווילסטו זען
מיטהאלטן וואס ס'געשען
כאטש ס'נישט וואס איך טו
און דאס ברענגט מיר צו -
פיר, פיל חידושים פארהאן
וואס גייען אין קאפ אריין
ווען איך שרייב עס ווען גראד
איז עס בעצם א שאד
ס'איז סאך מער קאַמעֶן
ווען מ'שרייבט גראמען
אריינצולייגן חידושים
מיט טיפערע פירושים
פארהאן פיל מער סיבות
פארוואס איך ליב עס
כ'האב אבער אין קורצלען
באשריבן די עיקר ווארצלען
---
איצטער פארשטייסטו אביסל בעסער
פארוואס גראמען איז ביי יעדן גרעסער
ווי איידער מיט ווערטער געדיכטע
ארויסברענגען פשוט דעם געשיכטע.