רבי מרדכי יהודה לעוו זצ"ל אב"ד אינטערדאם - ח"י שבט תרס"ו
הרה"ק הגאון רבי מרדכי יהודה לעוו זצ"ל
אב"ד אינטערדאם יצ"ו
אינטערדאם איז א שטעטל נעבן נאסויד און ביסטריץ, אין טראנסילוואניע ראמעניע. (היינט איז עס א חלק פון נאסויד.)אב"ד אינטערדאם יצ"ו
משפחתו:
נולד בערך בשנת תקפ"א. זיין פאטער האט געהייסן רבי יששכר, אבער מער פרטים איבער זיין משפחה איז נישט באקאנט. טייל געבן אן אז די פאמיליע נאמען איז געווען לאַם. אלפאנס, גערופן האט ער זיך לעוו, די משפחה נאמען פון זיין מוטער הרבנית פראדל ע"ה. זי איז געווען א טאכטער פון הגאון רבי מרדכי לעוו זצ"ל, וואס טראץ זיין אינגן עלטער זכה להשתעשע בפלפול התורה עם הגאון הגדול רבי משולם איגרא זצ"ל. ליידער איז רבי מרדכי לעוו נפטר געווארן אין גאר א אינג עלטער פון 23 יאר. מיט יארן שפעטער האט אב"ד אינטערדאם אפגעדרוקט טייל פון זיין זיידנ'ס חידושים אין ספר מר דרור. די ספר איז מעוטר מיט הסכמות פונעם קדושת יו"ט זצ"ל, רבי מענדל'ע דעעש'ער זצ"ל, רבי שמואל פרענקל זצ"ל אב''ד דאראג, ורבי מרדכי דוב מהארנאסטייפל זצ"ל.
רבי מרדכי לעוו היה בנו של הרה"ג רבי ארי' יודא לעוו זצ"ל מבאניהאד, בעל פני אריה על ירושלמי סדר זרעים.
אב"ד אינטערדאם איז אין זיינע אינגע יארן אויפגעצויגן געווארן ביי זיין עלטער-פעטער רבי ישראל לעוו זצ"ל, אב"ד דארדא און פינפקירכען אין אויבערלאנד. בעהמ"ח בית יהודה וישראל, בנו של בעל פני ארי' הנ"ל. רבי ישראל האט אין די עלטערע יארן רעזיגנירט די רבנות אין פינפקירכען צוליב די השכלה ווינטן וואס האט געווירקט אין שטאט, און זיך אריבערגעצויגן קיין גרויסווארדיין. אין זיין ספר איז אריינגעדרוקט זיין ציפעדיגע דרשת פרידה פאר די אנשי העיר.
רבותיו:
מרן הכתב סופר זצ"ל
רבי שלמה זלמן אולמאנן זצ"ל ממאקאווא בעל ירועות שלמה
ער האט זיך געווייקט ביים הייליגן דברי חיים זצ"ל מיט וועם ער איז געווען מקושר בנפש. ער איז אויך געפארן צום הייליגן שינאווער רב זצ"ל.
פעולותיו:
אב"ד אינטערדאם איז געווען פון די פירנדע רבנישע פערזענליכקייטן אין די מדינה. ער האט עוסק געווען בעניני הכלל והפרט להרים קרן התורה והדת, און האט גע'חתמ'ט אויפן טיילונג אין אונגארן. ער האט זיך אסאך געשריבן מיט אנדערע גדולים, מען קען טרעפן פילע תשובות צו אים אין ספרי שו"ת.
ער איז געווען א גרויסע תופס ישיבה. מתלמודיו היה הרה"ק רבי אליעזר פיש מביקסאד זצ"ל הי"ד.
זכה לשיבה טובה ואריכות ימים. נפטר ביום ח"י שבט תרס"ו לפ"ק, ומנו"כ בעיר לושקע הסמוכה לאינטערדאם-נאסויד.
בשעת תשנ"ג יצא לאור ספר גדולת מרדכי ע"י נכדו רבי אהרן אליעזר דייטש, כולל תולדות ומכתבים מהרה"ק אב"ד אינטערדאם.
צאצאיו:
* בנו רבי אשר זעליג לעוו ז"ל, חתן רבי יהודה גרינפעלד מסעמיהאלי זצ"ל בעל קול יהודה
-- מתולדותיו: בנו רבי ישראל ישכר (בעריש) לעוו, רבי משה ארי' לעוו ב"ר שמעי' מטעמעשוואר, רבי פינחס ב"ר רפאל פריינד, ועוד
* חתנו הרה"ק רבי אברהם יהושע פריינד זצ"ל אב"ד נאסויד
-- מתולדותיו: מרן הגאב"ד רבי משה ארי' פריינד זצ"ל
* חתנו רבי אלעזר שטיינמעץ ז"ל
-- מתולדותיו: רבי דוד סג"ל צימעטבוים זצ"ל הי"ד, אב"ד קריניצא
בלויז על קצה המזלג די תולדות של הרה"ק הנ"ל.
