ישיבה גדולה עץ החיים אין מאנסי בראשות הראש ישיבה הגאון ר' יואל הערש טעמפלער שליט"א, זענען ספעציעל אריין געפארן קיין בארא פארק מנחם אבל זיין דעם נייעם קאסוב'ער רבי שליט"א, וואס איז יעצט אויפגענומען געווארן למלא מקום אביו איך בנשיאות הישיבה.
נאכן מנחם זיין די ברודער הרבנים הגאונים הצדיקים שליט"א, האט זיי דער רבי שליט"א ווארים אויפגענומען, ווען ער איז ארויף צום ווייבער שול פון בית המדרש קאסוב, ווי ער האט זיך אפגעגעבן מיט די בחורים, און האט זיי געגעבן אן עקסטערן שיחת חיזוק והדרכה.
בחורי ישיבת עץ החיים ביים מנחל אבל זיין דעם נייעם קאסוב'ער רבי שליט''א נשיא הישיבה.jpeg (96.4 KiB) געזען 5643 מאל
שווייצערהאט געשריבן:↑דאנערשטאג יולי 04, 2024 12:45 pm
דורכאויס די ערשטע טעג פון די ימי השבעה האבן מנחם אבל געווען ביי די ברודער האדמו''רים והרבנים לבית קאסוב צווישן אנדערע:
האדמו"ר מסאטמאר מהר"א האדמו"ר מבאבוב האדמו"ר מסקווירא האדמו"ר מוויזניץ מאנסי האדמו"ר מפאפא האדמו"ר מסערט וויזניץ האדמו"ר מוויזניץ קיימישא האדמו"ר סקולען מאנסי האדמו"ר ראחמיסטריווקא מאנסי האדמו"ר מראחמיסטריווקא אוק-ענד-וויין האדמו"ר מראחמיסטריווקא ספרינג וועלי האדמו"ר מתולדות יהודה סטוטשין האדמו"ר מצאנז זוועהיל האדמו"ר מסקאליע האדמו"ר מבורשטין האדמו"ר מגאלאנטא האדמו"ר סקווירא בארא פארק האדמו"ר מזמיגראד דומ"ץ באבוב דומ"ץ סקווירא ב"פ אב"ד לימינוב אב"ד באבוב 45
ס׳איז שוין ליל ששי. ס׳קומט שבת אויף די וועלט. די געגועים הייבן אהן רייסן שטיקער - כאילו ס׳האט נישט געריסן שטיקער ביז יעצט… וועט מען טאקע מער נישט זעהן די הייליגע עבודה ביים טיש?? די הייליגע ניגונים פון צדיקי בית חב״ד. די ניגוני שבת פון חצר ויזניץ. אנדערע ווארימע ניגוני התעוררות. אוי יחד יחד יחד יחד לבבי, יחד לבבי ליראה ליראה שמך … נאכאמאל און נאכאמאל… די הענט אין די הייעך… די פנים פארפלאמט… דרייט דעם קאפ שטייט פון איין זייט צום צווייטען… אוי קול דודי דודי דופק, דודי דופק פתחי לי… פתחי לי אחותי רעייתי יונתי תמתי… די דביקותדיגע צורה מיט פארביסענע ליפן… אוי צמאה, לך, נפשי… כמה לך בשרי… למקדשך תוב, למקדשך תוב, למקדשך טוב ולקודש קודשין … אוי די בענקשאפט טאפט זיך אין די לופט צום אתר די ביה יחדון, אתר די ביה יחדון, רוחין ונפשין… די דברי תורה געפלאכטן מיט איידעלע מוסר און התחזקות… די ליכטיגע שמייכל פאר יעדן איינעם נאכן טיש, גוט שבת, גוט שבת…
דאס אלעס איז נישטא מער?? באמת??
Professional bookkeeping for your small business [email protected]| 347-708-2079
עובדות אין סיפורים וואס עס איז פארשפרייט געווארן במשך די וואך ח״א.
עס דערציילט די ברודער הגה״צ רבי חיים: איינמאל ווען ער איז געווען זעכצן יאר אלט האב איך אים געפרעגט, וויפיל בלאט האסטו געלערנט דאס יאר? האט ער געזאגט זעכציג בלאט. האב איך אים געפרעגט, זעכציג בלאט? האט ער געענטפערט, דו ווייסט וואס מיינט זעכציג בלאט תוספות אין כתובות?!...
עס דערציילט הרה״ח ר׳ יעקב משה שטערן: איינמאל האט ער געטראפן דעם קאסובער רבי אין לאנדאן וואו ער איז געקומען צו פארן צו א חתונה אין דער משפחה.
ר׳ יעקב משה האט דעם רבי׳ן נישט געקענט, און דא זעט ער א איד פארטון אין זיין עבודה, זיצט און לערנט אנעם הוט מיט תנועות און דביקות, און ס׳איז אים געווען אויפפאלנד. איז ער צוגעגאנגען צום רבי׳ן פרעגן ווער ער איז. ״איך בין דער קאסובער רבי״, האט די רבי געענטפערט. ר׳ יעקב משה האט געמיינט ער טרייבט שפאס פון אים. ״דער קאסובער רבי איז א גרויסער רבי״ האט ער זיך צוריקגע׳טענה׳ט, וואו זענען די גבאים?
א האלבע שעה האב איך אים פארדרייט דעם קאפ, האט ר׳ יעקב משה דערציילט. שפעטער איז ער אנוועזנד געווען ביי דער חתונה און ער זעט טאקע ווי דער קאסובער רבי ווערט אנטפאנגען ביותרת הכבוד ווי ס׳פאסט, און ס׳האט אים אנגעהויבן וויי טון אז ער האט מזלזל געווען בכבודו.
די מעשה איז נאכנישט פארטיג, האט ר׳ יעקב משה אויסגעפירט׳ מ׳האט אויסגערופן דעם רבי׳ן צו מצוה טאנץ און דער גאנצער ציבור האט זיך אויפגעשטעלט אפגעבן דעם כבוד פאר׳ן רבי׳ן, און דאן האט מיך דער רבי באמערקט. ער האט איבערגעלאזט דעם גאנצן עולם און צוגעלאפן צו מיר, ״יעצט גלייבסטו שוין?״ האט דער רבי געפרעגט מיט א שמייכל וואס האט אין שנעל איבערצייגט אז דער רבי האט נישט אויף אים קיין שווער הארץ.
עס דערציילט הרה״ח ר׳ מענדל אדלער: די רבי פלעגט קיינמאל נישט וועלן צוגיין צום ציון פונעם תורת חיים פון קאסוב, און אלטס האט ער זיך ארויסגעדרייט פון ענטפערן פארוואס ער וויל נישט גיין, איינמאל האט ער זיך געגעבן א כאפ ארויס אז ער פיל גארנישט דארטן, ויהי לפלא אז שפעטער איז מען געוואר געווארן אז דארטן ליגט בכלל נישט דער תורת חיים.
אגב די וויזניצער אייניקלעך פירן זיך נישט צו גיין צום ציון פונעם אהבת שלום צוליב א מעשה אז איינמאל איז דער תורת חיים געווען ביים ציון אין דער אהבת שלום האט אים גערופן ער זאל ארויפקומען צו אים, אבער רבי פלעגט יא גיין זאגענדיג ״מיר דארף מען נישט אויבן״.....
עס דערציילט א מיטרייזענדער מיטן רבין קיין מעזבוש ווי די רבי האט געפירט א גאר דערהויבענע שבת: די רבי פלעגט גיין צום ציון פונעם הייליגן בעל שם טוב שבת ביינאכט נאך די סעודה, ווען די עולם האט געזען אז די רבי גייט האט זיך מיטגעכאפט א גרויסער עולם, למעשה איז די רבי געווען דארטן געווען נאר אפאר מינוט אין זיך צוריקגעגאנגען צום אכסניה, דער איד האט פארשטאנען אז די רבי גייט נאך צוריק גיין ווען עס וועט זיין ליידיג, האט ער זיך אריינגעזעצט אין בית מדרש ווארטענדיג אויפן רבי׳ן, עס גייט נישט דורך א שטיק צייט אין ער זעהט ווי אזוי די רבי קומט ארויס פון זיין צימער אין גייט צום ציון הק׳, איז ער געגאנגען פרעגן דעם רבי׳ן צו ער מעג מיטקומען, האט אים די רבי געענטפערט אז די ווילסט מיטקומען פארוואס נישט.
דערציילט די איד אז עס איז געווארן דריי אזייגער און די רבי שטייט דארטן אינגאנצן פאר׳מח׳ט, האט ער געפרעגט דעם רבי׳ן צו ער זאל דא בלייבן ווארטן אויפן רבי׳ן אדער ער מעג אוועקגיין ווייל עס איז שוין שפעט. זאגט אים די רבי אז ס׳גוט קענסט גיין, ווען דער איד איז אויפגעשטאנען ארום זיבענע אכטע האט אים איינער דערציילט אז ער האט יעצט געזען דעם רבי׳ן ארויסקומען פונעם אוהל.......
עס דערציילט אן איידעם פונעם רבי׳ן: עס איז געווען די ערשטע יאר נאך מיין חתונה, ווען דער ערשטער טאג סוכות איז געפאלן אין שבת, ווען איך האב געפרעגט דעם שווער איבער דעם ענין פון נענועים, ווען דער שווער האט געזאגט אז עס איז נישט דא קיין אסאך מקורות דערויף. ער האט זיך אויסגעדרוקט, ״איך האב נישט קיין אנונג איבער דער ענין פון נענועים, אפילו אין כתבי אריז״ל איז נישט דא געהעריג קיין מקור דערויף״.
ביי זיך האב איך געטראכט אז מסתמא וועט ער נישט נעמען די גאנצע נענועים ערנסט, אבער דעם קומענדיגן טאג, דעם צווייטן טאג סוכות, ביי הלל בין איך שאקירט געווארן פון זיין פלאמפייערדיגע עבודה. דער איד איז פשוט נישט געווען דא, ער האט זיך געווארפן מיט א שטורמישע דביקות וואס איך האב נאך נישט אין מיין לעבן געזען. דאס איז געווען זיין עבודה ביי די נענועים אויף וואס ער האט נישט געהעריג געטראפן קיין מקור.....
עס דערציילט א זוהן פונעם רבי׳ן: איך האב אמאל געפרעגט מיין טאטן הלמאי אויב ער האט פיל יארן געלערנט אין טארטיקובער כולל אין ב״פ, פארוואס איז ער נישט געווארן איינער פון די דיינים אין די טארטיקובער בית דין?
האט מיין טאטע מיר געענטפערט אז אין פאקט איז ער יא געווען דארט א דיין פאר א משך פון א האלבע יאר, אבער ער האט עס געמוזט אויפגעבן צוליב א דין תורה וואס איז געקומען פאר דעם בית.
די מעשה איז געווען אז עס איז געקומען א דין תורה פאר דעם בית דין צווישן א לענדלער און א טענענט וואס האט זיך געמוטשעט צו באצאלן די רענט.
דער טענענט איז געווען א איד א בעל תשובה פון סיאטעל, וואשיגטאן, וואס איז געקומען וואוינען קיין בארא פארק צו קענען וואוינען צווישן ערליכע אידן און פירן א אידישע שטוב, עפעס וואס ער האט נישט געקענט טון אין וואשיגטאן, זייענדיג אזוי ווייט אוועק פון א פאסיגע אידישע קהילה.
על פי תורה, האט מיר דער טאטע געזאגט, איז דער לענדלער געווען הונדערט פראצענט גערעכט, אבער דער טענענט האט געוויינט אז ער וועט זיך משתדל זיין מו באצאלן צוביסלעך, אבער מען זאל אים נישט ארויסווארפן פון די דירה, ווייל דאן וועט ער דארפן צוריק גיין קיין סיאטעל וואו די רענט איז אסאך ביליגער.
אבער געוואלד, וואס קען דער בית דין טון אז דער לענדלער איז גערעכט? דערפאר האט איך געמוזט אפטרעטן פון די דיינות, האט דער טאטע מסביר געווען, אפילו נאכן לערנען חושן משפט אין כולל לאנגע יארן. איך האב נישט אויסגעהאלטן די צער פון דעם איד, עס האט מיר צעריסן אויף שטיקער אז דער איד וויל דא בלייבן ווייל ער וויל זיין צווישן פרומע אידן און ווייטער שטייגן, דאס האט מיר אזוי וויי געטון אז איך האב געמוזט פארלאזן דאס דיינות......
עס דערציילט די א״י גבאי הרה״ח ר׳ אהרן ישראל גורעלניק: אז איינמאל שבת ביינאכט נאך די גאנצע עבודה ביים כותל פון עטליכע שעה פארן כניסת השבת ביז נאך די פייערדיגע קבלת שבת ווען די רבי איז שוין געווען אויפן וועג אהיים האט ער זיך געגעבן א רוף אן: ״פון וואו גייט מען אוועק און צו וואו גייט מען? מען גייט אוועק פון אזא הייליג ארט צו גיין עסן א בולקע?... עס האט דאך נישט קיין פשט״. ער האט זיך אויסגעדרייט און איז צוריק צו זיין ארט, און איז געבליבן דארט נאך א שטיק צייט, און נאר נאך דעם איז ער אהיימגעגאנגען פון דארט.
עס דערציילט הרה״ח ר׳ יוסף טויבער: פאריאר איז ער דא געווען אין ירושלים פאר זיבן וואכן. וויסנדיג אז ער איז נישט אזוי געזונט, האב איך אים געוואלט מהנה זיין. איך האב אנגעגרייט אויפן טיש א באנד פון 25 אפגעדרוקטע דרשות וואס ער האט געגעבן מיט יארן צוריק. ער האט אריינגעקוקט אין דעם, און איידער ער איז אהיימגעפארן האב איך אים געפרעגט צי די רבי האט הנאה געהאט פון דעם. ״יא, פון דעם תוכן יא״, האט ער געזאגט. ״דער מחבר(ער אליין)געפעלט מיר נישט שטארק...״.
גאוה געהערט צום אויבערשטן, עס האט לגמרי נישט מיט קיין נברא אינגאנצן - לגמרי נישט!!!דער כבוד פון א נברא איז, אז ער ווייסט פון דעם בורא, ער איז מכבד דעם בורא - אט דאס איז זיין כבוד ממש!!!
כ"ק אדמו"ר מקאסוב שליט"א וועט דעם קומנדיגן זונטאג נאכמיטאג ב' דר"ח תמוז אריינקומען צום ערשטן טיש לכבוד ר"ח נאכן איבערנעמען די כסא האדמורי"ת ככלות השבעה להסתלקותו פון אביו הרה"ק מקאסוב זי"ע בבית מדרשו אין בארא פארק
זיסער אידלהאט געשריבן:↑פרייטאג יולי 05, 2024 7:29 pm
כ"ק אדמו"ר מקאסוב שליט"א וועט דעם קומנדיגן זונטאג נאכמיטאג ב' דר"ח תמוז אריינקומען צום ערשטן טיש לכבוד ר"ח נאכן איבערנעמען די כסא האדמורי"ת ככלות השבעה להסתלקותו פון אביו הרה"ק מקאסוב זי"ע בבית מדרשו אין בארא פארק
די עלטערע אדער די אינגערע
# “On Jan. 6, we had a great border. Nobody coming through, very few. On Jan. 6, we had an economy that was the best in the world. Our stock market was the best ever.”
זיסער אידלהאט געשריבן:↑פרייטאג יולי 05, 2024 7:29 pm
כ"ק אדמו"ר מקאסוב שליט"א וועט דעם קומנדיגן זונטאג נאכמיטאג ב' דר"ח תמוז אריינקומען צום ערשטן טיש לכבוד ר"ח נאכן איבערנעמען די כסא האדמורי"ת ככלות השבעה להסתלקותו פון אביו הרה"ק מקאסוב זי"ע בבית מדרשו אין בארא פארק
די עלטערע אדער די אינגערע
האט מען דאך געזאגט אז ס'דא נאר איינס..
איך שרייב נישט ווייל איך האלט אזוי; איך שרייב ווייל ס'איז אינטערסאנט
זיסער אידלהאט געשריבן:↑פרייטאג יולי 05, 2024 7:29 pm
כ"ק אדמו"ר מקאסוב שליט"א וועט דעם קומנדיגן זונטאג נאכמיטאג ב' דר"ח תמוז אריינקומען צום ערשטן טיש לכבוד ר"ח נאכן איבערנעמען די כסא האדמורי"ת ככלות השבעה להסתלקותו פון אביו הרה"ק מקאסוב זי"ע בבית מדרשו אין בארא פארק
זיסער אידלהאט געשריבן:↑פרייטאג יולי 05, 2024 7:29 pm
כ"ק אדמו"ר מקאסוב שליט"א וועט דעם קומנדיגן זונטאג נאכמיטאג ב' דר"ח תמוז אריינקומען צום ערשטן טיש לכבוד ר"ח נאכן איבערנעמען די כסא האדמורי"ת ככלות השבעה להסתלקותו פון אביו הרה"ק מקאסוב זי"ע בבית מדרשו אין בארא פארק
זיסער אידלהאט געשריבן:↑פרייטאג יולי 05, 2024 7:29 pm
כ"ק אדמו"ר מקאסוב שליט"א וועט דעם קומנדיגן זונטאג נאכמיטאג ב' דר"ח תמוז אריינקומען צום ערשטן טיש לכבוד ר"ח נאכן איבערנעמען די כסא האדמורי"ת ככלות השבעה להסתלקותו פון אביו הרה"ק מקאסוב זי"ע בבית מדרשו אין בארא פארק