מיין בליק אויף די אויסגאנג פון די טרייעל
ר' מטות האט געשריבן: ↑ זונטאג אוגוסט 21, 2022 12:08 amווער ס'קען אביסל טראמפ'ס היסטאריע ווייסט אז ער איז א גרויסע בר מזל, דהיינו ער פארפלאנטערט זיך טאקע כסדר מיט פרישע פראבלעמען אבער ער קומט אייביג ארויס צום סוף א געווינער, און נאך שטערקער פון פריער. אזוי איז געווען דורכאויס די גאנצע 2016 קאמפיין ווי ער האט געהאט כסדר קאנטערווערסיעס און כל מיני פראבלעמען און ירידות אבער אויף עפעס א וועג האט ער עס דאך באוויזן צו דורכצומאכן און פייטן ביזן סוף, און געווינען קעגן אלע ערווארטונגען.
אז מ'קוקט אויף די געשעהנישן פון די לעצטע פאר יאר זעהט מען אז טראמפ האט טאקע געליטן אסאך שטארקע דורכפעלער אבער למעשה האט מען עם קיינמאל נישט אינטערגעברענגט. לאמיר גיין על הסדר פון די 2020 עלעקשען וואס לויט די פאלס וואלט ער געדארפט פארלירן מיט א לענדסלייד, וואס אויב זאל דאס ווען געשעהן וואלט ער געווען אווער אינגאנצען, למעשה האט ער טאקע פארלוירן אבער גענוג שמאל אז ער זאל נאך קענען בלייבן שרייען "פראוד" און אז די רעפובליקאנער זאלן זיין גרייט עם צו געבן נאך א שאנס.
נאך די יאנואר 6 קעפיטאל ראיאטן האט ממש יעדער געהאלטן אז דאס איז עס ער איז גענדיגט אויף אייביג, למעשה ווען ס'איז געקומען עם צו קאנוויקטן אין די סענאט און עם צו פסל'ן פון לויפן נאכאמאל פאר פרעזידענט איז עס דורכגעפאלן, כאטש וואס א שיינע צאל רעפובליקאנער זענען מיטגעגאנגען מיט די דעמאקראטן און ס'האט געפעהלט ממש א האר אז מעקאנאל וואס איז דעמאלטס געווען גאר שארף קעגן טראמפ זאל מיטשטיין מיט די דעמאקראטן וואס דאס וואלט געמיינט אז טראמפ'ס קאריערע איז פארטיג אויף אייביג, האט זיך אבער למעשה מעקאנעל יא קעגנגעשטעלט, רעכענענדיג מסתמא אז טראמפ איז ממילא פיניש..
ביידן איז אריינגעקומען אין אפיס מיט גאר הויכע עפראוועל נומבערס, ער גייט צוריק ברענגן נארמאלקייט צום ווייסן הויז, מען האט אויסגעטיילט די וואקסינען און מען האט כלאמפערשט גענדיגט די פענדעמיק, און אזוי אויך האט ער באוויזן אדורכצופירן א גרויס חלק פון זיין אגענדע, צומאל אפילו מיט בייפארטיזען שטיצע, ווער געדענקט נאך ווי @כאפצעם פלעגט האמערן יעדן טאג מיט פרישע ביידן אקאמפלישמענטס, און טראמפ האט מען געכאפט מיט פארקערטע הויזן.. ניטאמאל טוויטן האט ער געקענט.. בקיצור ס'האט אויסגעזעהן ווי דאס איז עס טראמפ איז היסטערי..
אבער די גוטע צייטן פאר ביידן האט נישט לאנג גענומען, און נאך יענע זומער פון 2021 האט ער געהאט זיין ערשטע מעדזשער דורכפאל אין אפגאניסטאן, און פון דא אין ווייטער איז אלעס געגאנגען בארג אראפ קאוויד איז צוריקגעקומען מיט פרישע סטרעינ'ס, נאכדעם די סופליי טשעין קרייסעס, און דאן שרעקליכע אינפלעישן מיט סקיי ראקינג געז פרייזן, די עקענאמיע האט געכאפט א געזונטן ריק, יא ריסעשען נישט ריסעשען, און דאן האט רוסלאנד אינוואדירט אוקריינע אויפשאקלענדיג די גאנצע וועלט, און ווייטער די גרעניץ קריזעס נאך וואס די ביידן אדמעניסטראציע האט אראפגענומען טייל פון די טראמפ ריסטריקשענס און מאסן אימעגראנטן האבן זיך גענומען פארפלייצן דאס לאנד, בקיצור דא שטייט מען אין 2022 קוים א יאר אריין אין ביידנ'ס פרעזידענטשאפט און אלעס איז א חורבן...
און ס'האט נישט גענומען לאנג און טראמפ'ס מזל האט ווידער אנגעהויבן אויפשיינען, ער האט געעפנט זיין טרוט סאושל פלאטפארמע, און מיט יעדע ביידן דורכפאל איז טראמפ'ס פאפולערקייט ארויף, און ער האט אנגעפאנגן לאזן פאלן וואס אמאל שטעקערע רמזים אז ער גרייט זיך אינטערצונעמען א פרישע קאמפיין פאר פרעזידענט, און ווידער ביידן האט זיך מיט די צייט שטארק פארעלטערט און קוים ארויס צו די פובליק, און ווען יא האט ער געמאכט זיכער צו מאכן גרויסע בושות, בקיצור ס'האט אנגעהויבן אויסצוזעהן אז די מצב טויג נישט פאר ביידן.
זעהענדיג אז ס'טויג נישט האבן די דעמאקראטן זיך גענומען צו די לעגאלע סיסטעם, איבערגעפאלן טראמפ'ס הויז און זיך גענומען עפענען אויספארשונגן קעגן עם איינס נאכן אנדערע. איין זאך וואס זיי האבן זיכער אויפגעטוהן איז דאס וואס טראמפ האט געזעהן אז ער האט נישט קיין ברירה און ער מוז ווי שנעלער דערקלערן אז ער לויפט, אזוי אז מען זאל עם נישט קענען אנקלאגן נאך פאר ער דערקלערט זיין קאנדידאטור, ער זאל כאטש קענען שרייען אז ס'איז א פאליטישע רדיפה..
נאכדעם איז געקומען די מיד-טערם וואלן ווי די דעמאקראטן האבן סופרייזענגלי אנגעצויגן גאנץ שטארק, נאך וואס די דעמאקראטישע בעיס איז געווען אויפגעהייטערט נאך די סופרים קארט'ס דאבס דעסישען, וואס דאס האט אויפגעטוהן אז די דעמאקראטן זענען צוריק געווארן קאנפידענט אין ביידן און עם געלאזט דערקלערן זיין קאנדידאטור פאר ווידערוויילונג (א זאך וואס האט זיך ארויסגעשטעלט צו זיין א גרויסע טעות מצדם), און פון די אנדערע זייט איז נאך טראמפ דאן געשטאנען פאר א שווערע פריימערי זייענדיג כמעט טייד מיט דיסענטיס פאר ווער ס'געדענקט נאך..
דאן זענען אנגעקומען די אינדייטמענטס איינע נאך די אנדערע וואס דאס האט גאר שטארק אויפגעבויט טראמפ אין די רעפובליקאנער לאגער, און עם פארזיכערט די נאמענאציע. די דעמאקראטן האבן גערעכנט אז די טרייעלס וועלן עם קאמפליטלי אוועקלייגן אין די אלגעמיינע פארמעסט, און באמת אויב וואלט טראמפ געהאט אויסצושטיין טרייעל אין סיי וועלעכע פון די אנדערע דריי קעיסעס וואלט עס לכאורה געווען געים אווער, ווייל יענע קעיסעס זענען באמת שטארקע קעיסעס מיט ערענסטע פארברעכנס ווי ער וואלט זיכער געפינען געווארן שילדיג, און קיינער וואלט נישט געקויפט אז ס'איז פאליטיש מאטעווירט.
למעשה איז געלונגען פאר טראמפ אפצושטיפן אלע דריי אנדערע קעיסעס יעדע איינס אויף אן אנדערע וועג, און ס'איז נאר געבליבן די ניו יארק קעיס וואס איז ממש א חוזק פון א קעיס וואס איז באמת א פאליטישע רדיפה ווי שוין געשמועסט באריכות, און יא ס'איז געלונגען פאר די דעמאקראטן צו באקומען דעם אזוי געגארטע גילטי ווערדיקט, מען קען שוין ענדליך רופן טראמפ "א קאנוויקטעד פעלאן"..
יעצט ס'איז אודאי א שטארקע קלאפ פאר טראמפ, אבער דא ענדיגט זיך נישט די מעשה.. איין זאך איז קלאר די ווערדיקט אין די ניו יארק קעיס וועט עם נישט אוועקלייגן, די פיינעל שלאכט וועט זיין אין נאוועמבער, און לויט ווי אזוי זאכן פארן ביז יעצט האב איך שטארקע פילינג וואס די אוטקאם וועט זיין... ונזכה ונחיה ונראה...