מיינט איר אז ווען כ'האב געשריבן דא אין אייוועלט איבער דעם קארגן פעדרא איז עס געווען סתם אויסגעגאסן מיין ווייטאג?!, נעה, איר שאצט אונטער אייוועלטס כחות, אונזער וועלטעלע האט גאר א מאכטפולן איינפלוס אויף די הארטנעקיגע פארשוינען, שמערנישווייניגער, דער נייער בירגערמייסטער דע-בלאזיא האט ביי זיין ערשטן באזוך אינעם העל-דעפארטמענט אויסגערופן א רייע נייע רולס און רעגולעישאנ'ס (די מאוסט פעיוואריט זאץ אין די ניו יארק סיטי געזעץ-הייזער און ביוראען) און דערמיט זיכער געמאכט אז עס זאל הערשן סדר אין שטאט, צווישן די אומצאליגע פארשריפטן, האט ער אויסגערופן מיט פאטאס 'פון היינט אין ווייטער מוז יעדע געבורטס שיין ווערן פארקלעבט און פארזיגלט פאר עס ווערט אריינגעווארפן אינעם שאכטל פון וואנעט אייערע כאוויירים וועלן עס נעמען א טאג דערויף און אפליפערן צום פאסט הויז, און עס אפשיקן צו מר. צולייגער' פארשטאנען??!!.
געלויבט השי"ת אז עס איז שוין פאריבער א שפאר ביסל צייט זינט מיר האבן זיך דא אפגערעדט, פעדרא איז שוין לכאורה געקומען צום טעם פון פארדינען געלט און יענער זאל ארבעטן, ר'יז שוין מסתמא געווען זינט דאן א שעלף ארגענייזער אין איינס פון די וואלמארט לאקאלן, א ברוקלין קאר-סערוויס דרייווער אא"וו, און זיין ארט איז שוין פארנומען מיט א פרישן מעקסיקאנעם גענגסטער, וועלכער פאלגט אויס אן צוויי ברירות מר דע-בלאזיא'ס אנזאג.
בחודש אשר ישועות בו מקיפות תשע"ד לפ"ק איז משפחת צולייגער געהאלפן געווארן מיט א בן זכר למז"ט, און פאר די וועלכע זענען זייער נייגעריג קענעכנאר באשטעטיגן אז דער קינד איז סוקסעספול געאידישט געווארן אום סאמע ערב פסח ב"ה, מוצאי יו"ט ביים אהיימקומען ווארט מיר אפ א אנגענעמע איבעראשונג, א געבורט שיין אין א.... פארקלעבטע ענוועלאופ!!!