זהירות אין מאה ברכות אין תענתים און אין שבתות וימים טובים
און לפי החשבון פעלט אין א תענית ניין ברכות, ווייל מיט די תפילות און קביעות'דיגע ברכות מאכט מען 91 ברכות, און א געווענליכע טאג מאכט מען לכה"פ 9 ברכות במשך פון פרישטיג מיטאג נאכטמאל קאווע אשר יצר וכו', אבער אין א תענית דארף מען דאס זען צו משלים זיין.
די פוסקים ווען זיי רעדן פון דעם זאגען זיי אז מיט די סעודה אור ליום התענית איז מען משלים די חשבון, אבער בזמן הזה איז עס נאר שייך ווינטער (עשרה בטבת וכו'), אבער ערב שבעה עשר בתמוז וואס ווען מ'עסט נאכטמאל איז נאך טאג, קען מען עס נישט רעכענען פאר די מאה ברכות פון די מארגענדיגע טאג, ע"כ דארף מען זען צו מאכען עטליכע ברכות אור ליום שבעה עשר בתמוז נאך צאה"כ.