דעם פארגאנגענעם מוצש"ק בשעה 11:04 איז טונקל געווארן אויף די וועלט מיט די פטירה פון די צדיק הדור הכ"מ. איך בין געזעצן אומעטיג אין א ווינקל פון מיין דיינונג רום. מיין האנט האט נאך געהאלטן דעם תהלים אין וועלכע איך האב געזאגט קאפיטלען די לעצטע האלבע שעה און ס'איז געבליבן ווי פארפרוירן אויף איין פלאץ פאר לאנגע מינוטן. אויך מיין קאפ און הארץ האבן זיך געשפירט געפרוירן אויף א מאדנע וועג וואס איך קען נישט באשרייבן. נישט קיין טרערן, נישט קיין צער, נישט קיין ווייטאג. סתם. פארפרוירן. און ס'איז נאך געפרוירן ביז יעצט.
מיין קאפ איז נאכנישט צוריק. איך צוואונג איר צו טוהן די קריטישע פליכטן, אבער אלעס אנדערש איז אויף האלד. פארגעס פון זיך מצמצם זיין אויף סיי וואס. מיין הארץ ווייסט נישט וואס זי וויל. פון א פולקאמע פארטעמפטקייט ווען די בשורה איז אנגעקומען, ביז טייכן טרערן ביי די לויה און אלעס אינצווישן. אומסטאביל. מיין הידרענאלין ארבעט. די אינסטינקט איז געווארן אנגעשטעלט אויף סורווייוועל מאוד און רוקט זאכן וואס דארפן גערוקט ווערן אפילו אז ס'איז שווער. אז מ'מוז מוז מען.
די פויזע וואס איך האב גענומען פון פאריגן מאנטאג, האט געדארפט דינען א געוויסע צוועק, ס'איז פארפאלן, מ'וועט מוזן צוריק קומען א אנדערעס מאל דערצו. אויך מיין צוריק-קער וועלכע האט געזאלט מיטברענגען עפעס א המשך פון א ארטיקל פאר אייוועלט לכבוד די 500סטע תגובה, בלייבט דארט וואו ס'איז.
אבער מ'קען נישט בלייבן שטיין, ווייל נישט דאס וואלט די רבי געפאדערט אין אזא פאל. כאשר שמענו זיין הייליגע הוראה בכמה פארפלאנטערטע ענינים וואו ער האט שטארק געשטופט צו גיין פאראויס מיט א טעמפא, טראצדעם וואס ס'איז געקומען אויפן חשבון פון מוותר זיין אויפן רייניגן סייד-אפעקטס. אלעס וואס איז געבליבן שטיין צוליב די שאק, מוז מען צוריק ברענגען, ולא עוד אלא אז מ'מוז מוסיף זיין מיט מער בכמות ובאיכות צו ערפילן די חלל וואס האט זיך געשאפן אויף די וועלט. די התאחדות אברכים גבאי זוכט שוין א פרישע חברותא פאר רוממה, מטבע האט שוין אנגעהויבן פארטיילן פרישע צדקות לויט זיינע אנווייזונגען, און א טיימליין אויפצוגעבן א טעכנעלאגישע באקוועמליכקייט ווערט אימפלעמענטירט מיט די ארומיגע וועמען ס'קען אפעקטירן. זיי ווייסן נישט אז ער מורמלט זיך אונטער עפעס א לעילוי נשמת בשעת'ן מסדר זיין די ענינים, אבער וועם גייט עס אן, דער אייבערשטער ווייסט.
אלזא, טייערע ברודער. פאר קיין לאנגע זאכן איז די קאפ פשוט נישט דא, עזבני כחי ואור עיני גם הם אין אתי. עטליכע פראבעס צו ברענגען אביסל קאאפעראציע צווישן די מח קנייטשן און די קיבארד סטראוקס האבן צוריקגעברענגט זערא רעזאלטס. קיין לאנגע ארטיקלעך וועל איך מסתם נישט קענען שרייבן פאר א וויילע, אבער איך פיל אז כדי זיך זעלבסט צוריק ארויפצושליידערן אויף די רעלסן מיט קראפט, מוז איך זיך אומקערן צו אלע געווענליכע פונקציעס פונקט ווי בעפאר, ובתוכם אויך - ווי מאדנע ס'פילט זיך - די אוויאציע נייעס באריכטן. און האפנטליך וועט די אינעווייניגסטע חלל זיך שפירן אנגעפילט דורכדעם וואס די ארומיגע שאלאכץ וועט שוין זיין צוריק אין די געהעריגע פארעם.
ואין לנו על מי להשען אלא על אבינו שבשמים.
איך שרייב ווייל איך קלער אז איר וועט האבן פארגעניגן פון דאס געשריבנס. ביטע לייקט בכדי מיר צואוויסן צו טאהן אז ס'איז ווירקליך אזוי. דאנקע!
הויכע סאוטוועסט עקזעקיוטיוו וועט רעטייערן פרי צוליב אינוועסטאר פרעשור די CEO בלייבט אבער יא אויף זיין פאזיציע
די עקזעקיוטיוו טשעירמאן פון סאוטוועסט, מר. גערי קעלי, האט געמאלדן אז ער וועט אפטרעטן פון זיין פאזיציע נאך וואס א אינוועסטאר גרופע רופט שוין פאר א הויכראנגיגע אויפשאקלונג די לעצטע פאר חדשים. די עליאטט גרופע האט זיך ארומגעשלאגן מיט די עירליין פארלאנגנדיג ערנסטע טוישונגען זייט זיי זענען אריינגעקומען מיטן אפקויפן א גרויסע פראצענט פון די שעירס אין די קאמפאני, די באורד פון סאוטוועסט האט צוריקגעשלאגן מיטן איינפירן פארשידענע צוימונגען אויף די גרופע'ס איינפלוס, דורכן נעמען שריט וואס זענען באקאנט אין די ביזנעס וועלט אלס "Poison Pill". די גרופע וואלט זייער געוואלט זעהן Bob Jordan - די לופטליניעס CEO - אפטרעטן פון אמט, אבער ס'איז זיי נישט געלונגען עס אויסצופירן דערווייל. אזויפיל האבן זיי יא באוויזן, אז די טשעירמאן - וועלכע איז אויך פון די העכסטע בענקלעך אינעם הויפטקוואטיר - האט געמאלדן א פריע רעטייערמענט און ער וועט פארלאזן די קאמפאני ענדע יאר 2025
SW.jpg (300.96 KiB) געזען 266 מאל
איך שרייב ווייל איך קלער אז איר וועט האבן פארגעניגן פון דאס געשריבנס. ביטע לייקט בכדי מיר צואוויסן צו טאהן אז ס'איז ווירקליך אזוי. דאנקע!
די ריזיגע פליעדיגע פייגל - אדער אפשר פיש - איז א איבערגעמאכטע ווערסיע פון די A330 וואס עירבאס נוצט צו טראנספארטירן טיילן פון זייערע ווייד-באדיס אינערהאלב זייער אייגענע נעטווארק פון פאבריקן. זעלטן וואס מ'זעהט דעם פעטן-פישל פליען ערגעץ אנדערש אויסער פון איין עירבאס לופטעלד צום צווייטן. אבער בריטיש עירוועיס האט געהאט אין היטראו א געשעדיגטן A350 וואס האט געדארפט א part וואס האט נישט געהאט קיין פלאץ אין קיין שום UPS טראק, האט מען בלית ברירה געמוזט נעמען שיפינג דורך עירבאס גופא. געבנדיג פאר די יוקעי'אישע א געלעגנהייט צו זינגען צהלי ורוני כי גדול בקרבך...
א צווייטע וויזיט איז אין אמסטערדאם Schiphol, וואו איינע פון די 6 בעלוגעס האבן געמאכט נעכטן א עמערדזשענסי לאנדונג, זייענדיג אונטערוועגנס פון איין עירבאס עירפארט צום צווייטן. איך זעה נישט אין די נייעס אויב די בעלוגע איז שוין אוועקגעפארן פון דארט, ס'קען זיין אז זי זיצט נאך אין אמסטערדאם אינדערצייט וואס איך שרייב די שורות.
בעלוגע.jpg (203.37 KiB) געזען 220 מאל
איך שרייב ווייל איך קלער אז איר וועט האבן פארגעניגן פון דאס געשריבנס. ביטע לייקט בכדי מיר צואוויסן צו טאהן אז ס'איז ווירקליך אזוי. דאנקע!
