Re: ר’ יונתן שווארץ קומט אריין קלאר! (וועגן שידוכים, און נאך...)
עס איז זיכער נישט ריכטיג און שכלדיג אויפצוהאלטן א געשוויסטער אויב פאר יענעם פארהאנקערט זיך דאס טרעפן די באשערטע, פונקט ווי מען ווארט נישט מיטן האבן קינדער און עפענען א ביזנעס און קויפן א הויז און פארהערן הוראה, ווי לאנג די עלטערע געשוויסטער האט מצליח געווען.סענס אף יומער האט געשריבן: ↑ פרייטאג אוגוסט 02, 2024 7:27 pmא מינוט פין די פרשה. פרשת מטות מסעי. א גוטן שבת און א גוטן חודש.
https://www.dropbox.com/t/tosdc0VGqesHvIqX
איך האב נאר געוואלט אנצייגן איבער וואס ר יונתן האט נאכגעברענגט פון בנות צלפחד הגם עס איז נאר אסמכתא בדרך צחות, אבער פונקט דא איז דאס נישט ריכטיג און עס דארף פארראכטן ווערן, אז אדרבה שטייט אז פרשת פנחס שטייען זיי אויסגערעכנט דרך חכמתן, (רש"י ברענגט גראדע דארט א צווייטע מהלך פון א אנדער מדרש בנות צלפחד שקולות היו ואלו ואלו דא"ח) און פר' מסעי דרך נישואן וואס רש"י ברענגט נאך פון די גמ' (ב"ב קכ.), און דארט איז משמע אז זיי האבן חתונה געהאט דייקא לויט זייער עלטער ווי די רשב"ם זאגט דארט אז זיי האבן געטהון ווי עס שטייט אין די תורה לא יעשה כן במקומנו לתת הצעירה לפני הבכירה, (די אוה"ח הק' אין פר' פנחס איז מחולק מיטן רשב"ם עיי"ש)
אויך האב איך געוואלט מעורר זיין אויף די אנדערע זאך וואס ר יונתן האט געברענגט וועגן זוכן שידוכים אך למטה אבותם וכו', זעע אין גמ' פונקט פארקערט אז ביז דעמאלס האבן זיי נישט געקענט זיין מיט יעדן, און די ווערטער אך למטה אבותם איז געווען א בלויז עצה טובה, דעמאלס האט מען זיי געגעבן רשות צו משדך זיין צו יעדן און זיי האבן נישט געוואלט נוצן די רשות און זיי האבן געטהון אזוי ווי גאנץ כלל ישראל.
אויב יא ברענגען א ראיה איז פון דעם וואס די גמ' דארט זאגט אז בנות צלפחד האבן נישט חתונה געהאט ביז העכער 40 יאר כאטש וואס עס וואלט געקענט זיין אז זיי זאלן שוין נישט האבן קיין קינדער אזוי אלט ווייל זיי האבן געווארט דווקא אויף הגונות להן, און צדקניות היו ויודעות שייעשה להם נס כיוכבד וואס איז שוין געווען אלט אין בדרך הטבע נישט געקענט האבן קינדער און עס איז געווען ווי שרה אמנו זענען געווארן צוריק אינג, פשט איז קלאר אז אויב איז מען נישט אין אזא דרגה אז מען ווייסט אז מען גייט האבן א נס, וואס איז זיכער נישט דא היינט און אפשר קיינמאל זייט די בנות צלפחד וואס האבן געוואוסט אז זיי וועלן זיין ווי שרה אמנו און יוכבד, *מעג מען נישט לאזן ווארטן אז די הגונות זאל אנקומען*
