טיף אינעם אנטלאנטיק האט זיך האריקעין לי פארשטרקערט צו א מעידשער קאטעגאריע 3 האריקעין, די ערשטע האריקעין די יאר צו דערגרייכן די ”מעידשער” סטאטוס, וואס א האריקעין מיט ווינטן העכער 110 מ.פ.ש. ווערט אנגערופן. די האריקעין איז ערווארטעט זיך ווייטער צו גאר שטארק פארשטערקערן אין די קומענדיגע פאר טעג, ווען עס קומט אריין אין די מער ווארעמערע וואסערן, ביז ארום א מאכטפולע קאטעגאריע 5 האריקעין.
די האריקעין געפונט זיך יעצט ארום 300 מייל צפון מזרח פון די קאריביען אינזלען און רוקט זיך שטייט 10 מ.פ.ש. און איז ערווארטעט זיך צו דרייען צו א צפון ריכטונג.
לויט ווי נאצינאלע וועטער באאמטע זאגן יעצט, איז נאך צו פרי יעצט צו שאצן וואספארא אימפעקט די האריקעין וועט האבן אויף די פאראייניגטע שטאטן (אויב בכלל). אבער די איסט קאוסט געגענטער קענען זיך גרייטן פאר פארפלייצונגען און הויכע כוואליעס פאר זונטאג און מאנטאג (ראש השנה). אלעס קען זיך נאך טוישן פאלגט נאך ווייטערדיגע באריכטן בל”נ.
