אזוי ווי דער עולם בעט אזוי שיין וועל איך שערן מיין עספעריענס מיט די דעיוו רעמזי מהלך און די מאדיפאקאציעס איך האב מיר געמאכט אז עס זאל ארבייטן פאר א איד.
דעיוו רעמזי איז ארויף געקומען מיט א מהלך פון זיבן סטעפס צו אנקומען צו רייכטום (וואס מיינט רייכטום???)
דאס איז נישט קיין פינאנציעלער עדווייס, יעדער דארף זיך דארך רעדן מיט זיין פיינענעשטול עדווייזער.
קודם דארף מען וויסן אז די מהלך איז נאר א מהלך פון א בשר ודם און עס איז נישט תורת משה. איך מיין ארויס צו ברענגן אז און א סאך זאכן איז ער גערעכט אין פרינציפט אבער נישט וויאזוי מען טוט עס. למשל, זיין מלחמה אנקעגן האול לייף אינשורענס.
נאך איין זייער וויכטיגע זאך וואס ער רעד א סאך ארום איז זיין ביך, אבער עס איז נישט אין קיין ספעציפישע סטעפ, איז דאס מאכן א באשזעט. איך ניץ זיין עפפ, אבער אנדערע ניצן עקסעל. איך האב א מיטינג מיטן ב"ב איעדער ערשטער פונעם חודש ווי אונז גייען אריבער וואס מען גייט דארפן די חודש, און אויך וואס זענען די גרויסע הוצאות וואס גייט ארויף קומען די קומענדיגע חדשים, און מען פלאנט און מען לייגט אוועק די געלט פאר דעם.
די באזשעט האט פיניף חלקים:
1) די אינקאם פון די חודש
2) אינוועסטן, מעשר, און סעיווינגס
3) הוצאות וואס מען מוז באצאלן און די סכום קען מען נישט ריקן. אזוי ווי מארטגעשז, ביללס, און שכר לימוד.
4) הוצאות וואס מען קען זיך איינשפארן אויב מען ברויך. אזוי ווי גראסערי, קליידער, ספענדינג, טעיקאוט, וכדו'.
5) חובות
מיין ב"ב איז געווען קודם להשמיד אנקעגן די איידיע, אבער איך האב איר געוויזן אז מיר באצאלן חודשליך 600 אינטרעסט. איך האב איך געזאגט אז לכשירחיב וועל איך איר געבן די 600 צו ספענדן. וכן אני נוהג. די מהלך איז ריווארדינג פאר איר אויך. זי האט איר באזשעט און זי קען טוהן מיט דעם וואס זי וויל.
יעצט צו מיין מהלך:
1) רעמזי: מאך א $1000 עמערשזענסי פאנד.
מרנן: מאך א $3000 עמערשזענסי פאנד.
די סיבה פאר דעם איז ווייל מיט א טויזענטער קענסטו גארנישט טוהן. וואס איז אויב די פריזער האט זיך צובראכן, דער זוהן דארף באצאלן 1000$ קנס פארן מנהל, און דיין ברודער איז געווארן א חתן און די ב"ב דארף א נייע שייטל פארן תנאים? (עס געשעט)
2) רעמזי: באצאל דיין חובות שניי באלל עפעקעט א חוץ דיין מארטגעדש.
מרנן: די זעלבא.
מען ניצט נישט קיין קרעדיט קארד, נקודה. נישט קיין בילס איז די בוטשער אדער אין דער גראסערי.
איך בין געגאנן פון 60 אלפים ק"ק חובות צו זיראו אינטער א יאהר. (מיר האבן אפגעמאכט אז מיר גייען אפצאלן חובות, און מיט האבן געשפארט געפערליך און עס איז געווען ביטערליך שווער, אבער גוטע זאכן קומען אן שווער)
3) רעמזי: מאך א 3 חדשים פאנד, וועס איז די זעלבא סכום פון דיין אינקאם פון דריי חדשים.
מרנן: האלט עס איז א פלאץ וואס איז פארזיכערט אבער ניץ עס נישט.
(נישט רעקאמענדירט פאר א יעדעם, אבער איך טו יא אזוי, אז איך האלט דער געלט אין די S&P, ווייל איך האלט אז געלט טאר נישט זיצן, ווייל געלט וואס זיצט אין די באנק פארלירט די ווערד)
4) רעמזי: אינוועסט 15% פאר ריטייערמענט און די S&P וכדו'
מרנן: אינוועסט וויפיל די קענסט אין די S&P אדער אויב די דארפסט די דיסיפלין פון אינוועסטן, קויף א האול לייף. (איך האב ביידע, עקטועלי איך האב דריי האול לייף פאלאסיס)
דא דריי איך ארום די יוצרות, חתונה מאכן איז פאר די 15% פון אינוועסטן. סאו, מען אינוועסט ווייניגער און מען לייגט קודם אוועק פאר חתונה מאכן.
5) רעמזי: סעיוו פאר קאלעדשז
מרנן: סעיוו פאר חתונה מאכן די קינדער.
6) רעמזי: באצאל דיין מארטגעשז פרי.
מרנן: באצאל נישט דיין מארטגעשז פרי. א מארטגעשז איז 4.5% און אינוועסטן איז א סאך מער.
7) רעמזי: ווער רייך און געב.
מרנן: איך פארשטיי נאך נישט וואס רייך איז, און איך געב מעשר פון סטעפ 2 און ווייטער.
