די אחראים: יאנאש , אחראי , געלעגער
סאכדעס האט געשריבן: אוי יוסף'ל אוי יוסף'ל כאפ זיך אן ביים שטריק, אט דער ניגון שווימט מיר ארויף אין געדאנק נאכ'ן ענדיגן ליינען דעם אלטן ראשעקאל'ס ארטיקל איבער ... די אויגן זענען מיר נאס פול מיט טרערן, איבער... יאסעלע ראזנבלאט... ווען מ'זאל נאר טראכטן פון וועמען מ'רעדט, וואלט דאך דער לשון פארשטומט געווארן, נאך מער ווי די שטומעס אין שטום בודקע.
א חזן אמאל איז דאך געווען נישט קיין באשרייבליכע נסיון, מ'רעדט נישט נאר פונ'ם בארד, נאר די סיבה פונ'ם בארד. ווייניק ווייניק חזנים האבן זיך דערהאלטן אין אידישע פארמען, וואס דארף מען א גרעסערע ראי' ווי זבל (זבולון) קווארטין, וואס איז געבוירן אין אוקריינא צו א חסיד'ישע שטוב, און מונקאטשע רב זצוקללה"ה איז ארויס אינמיטן א קאנצערט זיינע, ???כדי נישט נתעורר צו ווערן לתשובה דורך איהם. און די סיבה איז ליידער פארשטענדליך, פרנסה האט דאס געברענגט, ווי מער פארדארבן מ'איז געווען, אלץ מער איז די אינטערעסע פון די צוהערער'ס געווען אויסצוהערן, און אזוי אויך האט מען נישט פארפאסט קיין געמישטע קאנצערטן, אזוי אז ווער ס'האט געוואלט אנקומען צו א הויכע שטופע און חזנות, האט געברויכט אפגעפארן ווערן.
אבער יאסעלע, האט געזאגט ניין!!! מיט א שלשלת א_ווי דער דברי יחזקאל איז מסביר אויף וימאן ביי יוסף הצדיק. ער האט געזאגט צו די הבלי עולם הזה: ניין מיט אנאלעף, כ'דארף אייך נישט און אויך נישט אייער געלט. קוקט נאך די ביאגראפיעס איבער אים, ווי ער האט זיך געמוטשעט רוב פון זיינע יארן אויף א שטיקל ברויט. וואס דאס האט געברענגט אז די שטיקלעך אין זיינע ערשטע יארן האבן נישט געהאט דעם קנאק ווי די שפעטערדיגע.
אלזא ווען כ'אגעליינט ס'יגרל'ס ארטיקל, האביך פלעין געוויינט, יאסעלע דער עולם ווייסט נישט ווי אזוי מעריך צו זיין דיין פערזענליכקייט, כ'רעדט שוין בכלל נישט פון דעם אז לית מאן דפליג, יאסעלע האט נישט קיין בר פלוגתא, יאסעלע'ן קען מען נישט נאכמאכן און נישט בידען. האבעך געהערט פון א אידן וואס האט נאך לעצטענס געלעבט דא אין מאנטריאל, און ער האט אינדערהיים געהערט יאסעלע'ן, (נאך אנדערע אויך) זאגט ער: כ'קען נישט הערן יאסעלע'ן אויף קיין טעיפ, עס איז נישט ס'זעלבע, איי איי פון וואנעט נעמט מען די קלארקייט פון די שטימע? די שטארקייט, די מעכטיגקייט, די ווארימקייט, די הארץ, קיין טעיפ קיין רעקארד וועט נישט ארויסברענגן יאסעלע'ן א_ווי בחייו. איז וואו וואס ווען? ווער רעדט פון וועמען?
יאסעלע האסטעך שוין אזויפיל אידן מעורר געווען לתשובה, אפילו נאך דיין פטירה, איך אליין ווען כ'זוך אביסל התעוררות הער איך נאר דיך. צו זאל עס זיין 'הבט משמים וראה', צו 'ועל ידי עבדי'ך, צו די שטיקלעך פון די עבודה יום כיפור, אוי רבונו של עולם, אן אוצר בלום.... מ'קען דאך פון יעדן שטיקל ווערן א יראת שמים.
איין זאך יא, שערקויעך יגר'ל פאר'ן זאגן אז היינט איז ס'יארצייט.
פארשריבן האט געשריבן: -
דאס פאלגענדע סיפור האט שלמה חפץ פון לאס אנדזשעלעס געהערט פון ר' מענדל יאזעפאוויטש ע"ה וואס ער האט אים אליין דערציילט.
ר' מענדל האט געשטאמט פון א דערפל שטאַנקאוויטש קאשויער געגנט. ער האט געלערנט אלס בחור אין פרעשבורג בעת ר' יאסעלע איז אויפגענומען געווארן דארט אלס חזן, בסוף ימיו איז ער געווען א מתפלל אין ביהמ"ד עצי חיים סיגוט אין ב"פ, און ער איז געווען א עד ראי' צו די מעשה.
ער האט דערציילט אז ר' יוסף האט מיט זיין גרויסן כוח הנגינה געקענט און פארשטאנען דאס זינגען פון די פייגעלעך, זייערע ציפצען מיט די לעפצן.
אין א שיינעם טאג האט ר' יאסעלע זיך אראפגעלייגט אויף דער ערד מיטן פנים אויף אראפ. מען האט נישט געזעהן זיין געזיכט און ער האט זיך נישט גערירט פון ארט, און ער האט אנגעהויבן צו זינגען און טשיפטשען ווי א פייגל.
עס גייט נישט דורך לאנג און דורכפליענדע פייגלעך האבן געהערט דאס טשיפשען און האבן באלאגערט זיין גוף (ר' מענדל האט דאס אראפגעלייגט זייער זיס: די פויגל האבן געמיינט אז דאס איז זייער אויסלייזער, א גרויסער פויגל, זיי וועלן שוין געהאלפן ווערן און מער נישט זיין נע ונד לעולם ועד, אין א בחינה פון "גם צפור מצאה בית ודרור קן לה"...).
זאגט מיר ר' מענדל: וואס זאל איך אייך זאגן, עס האט אויסגעקוקט ווי א קאנווענשן פון פייגל פון ארבע רוחות העולם. יעדער צפור האט געטראפן מרגוע לנפשו. עס איז געווען א מחזה אשר לא הי' מעולם, הונדערטער, און אפשר טויזענטער פייגל האבן באלאגערט דעם גאנצן שטח, און ר' יאסעלע האט געזינגען געטשיפשעט וקולו לא פסק.
מען האט געקענט זעהן אויף יעדן פייגל א צופרידנהייט צו זיין דארט.
אבער די שמחה האט נישט לאנג אנגעהאלטן, ווייל דער בעל אכסניא ר' יאסעלע, וועלכער האט צוגעפירט צו די דרגה פון "יונה מצאה בו מנוח", האט שוין מער קיין כח נישט געהאט צו פארנעמען די שווערע געוויכט און דעם ריח הטוב פון זיינע אורחים, האט ער געמוזט "מגלה פנים"זיין. און אין די רגע פונעם התגלות, ווען די פויגל האבן געזעהן אז דא האנדלט זיך פון א "ילוד אשה", איז דארט געווארן ממש א קאטאסטראפע... יעדער איז זיך צעלאפן אין איילעניש און געזוכט זיך צו ראטעווען דאס לעבן.
די פויגל האבן הפנים איינגעזעהן אז עס איז נישט געווען "עוף השמים יוליך את הקול"...
(ר' בערל שווארץ אין "זמירות ישראל" באשרייבט אויך די מעשה מיט קליינע שינויים).
leiby האט געשריבן: שוטה די ניגון דאנלאוד זיך ביי ביידע, מ'קען עס אבער נישט שפילן צוליב עפעס א לייסענס ערראר,
בחורהזעצער האט געשריבן: איך בין בכלל נישט זיכער אז עס קומט דא, איך וואלט דאס ליבערשט אריינגעלייגט אין א בין המצרים אשכול, נאר אזוי ווי עס איז גאנץ מעגליך אז עס איז נישט אינטערעסאנט נאר פאר חובבי חזנות, האב איך דאס דא אריינגעשטעלט. (מנהלים ביטע פלאצירט דאס אינעם ריכטיגען פלאץ).
היינט האט מאסטלי מוזיק ריעליסט א ווידעא ווי יאסעלע זינגט צדיק רבי אלעזר, (פאר ווער ס'ווייסט נישט, דאס איז א שטיקל פון קינות ארזי הלבנון ווי מען איז מספיד די עשרה הרוגי מלכות), זיי האבן דאס צולייגט מיט אזוינע צוגעפאסטע בילדער אז עס האט מיר געקאסט אפאר טרערן ביים מיטהאלטן. אנגעפאנגן מיט בילדער פון יאסעלע זעלבסט, צ. ב. ש. א בילד ווי ער איז אנגעטוהן מיט טלית ותפילין, וואס איך האב דאס נאך קיינמאל נישט געזעהן, אינמיטן פארט מען אריבער דעם אטלאנטיק קיין אייראפע ביים צווייטען וועלט מלחמה, ווי מען פייניגט די אידן, און אזוי ווייטער קיין ארץ ישראל די טעראר אטאקעס, און ווייטער קיין מומביי, וכו'.
דא האט איר דעם לינק
yield האט געשריבן: דא האט איר די פאגראם פון קישענעוו אונמיטן ביי 0:40 איז דא א מיסטריעזע קליק איך קען עס נישט אראפנעמען https://dl.dropbox.com/u/11585487/der%20pogrom.mp3
