Re: חתימות הקדשות הערות והגהות אין אלטע ספרים
פראיעקט דורך: אייוועלט אינפראסטראקטור טיעם
טויזענטע אלטע ספרים דרייען זיך היינט, צווישן זיי הונדערטע הונדערטע וואס פארמאגען חתימות, הקדשות, און סתם הערות אדער נאטיצען אויף די גליונות פון פארענט אדער צום סוף. אפט מאל ווערט פארוואלגערט צווישן זיי פארשידענע אינטערעסאנטע ידיעות'לעך בעקיפין.
איך האב זיך דערטראכט צו עפענען א אשכול ארויף צו ברענגען קאפיעס פון פארשידענע אינטערעסאנטע אזאלכע הערות'לעך וכדו', מיט האפענונג אויף דאפעלטע תועלת: א) דער ליינער קען טרעפען פארשידענע נעמען צווישן די חתימות וואס ער וועט דערקענען דארט זיינע זיידעס, פעטערס, משפחה מיטגלידער, רבני'שע גזע וכדו', וואס קען ברענגען תועלת. ב) דער ארויפברענגער קען באקומען הילף פון די ליינער אין אנטדעקען פארשידענע חתימות און מפענח זיין ידיעות איבער דעם בעל החתימה וכדו'.
בקיצור זה נהנה וזה נהנה
איך הייב אן און איך לאדען אייך אלע איין הערצליך זיך משתתף זיין און העלפען בויען דעם אשכול
איך האב געפונען היינט צווישן מיינע אוצרות א ספר דברי שלמה מר' שלמה מעהר אבד"ק בראיולוב דפוס מאראמאראשסיגעט תרסו
עס האט אויף זיך די חתימה: 'משה טייטלבוים מ' סיגהעט' 2 סארטן זיגלעך
מעבר לדף השער שטייט ווי פאלגענד: 'נתתי מתנת משמ"נ? להב' המופלג כמר משה שטאקהאמער נ"י מלערדענא, מנאי הק' משה טייטלבוים א' ויק"פ פה סיגעט יע"א תרצ"א לפ"ק"
און דערנאך א נאטיץ פון דער מקבל י. משה שטוקהמר אז ער האט דאס באקומען מיט חרוזים וכו' - כאשר עיניכם תחזינה מישרים
ווי עס שיינט רעדט מען דא פון הרה"ק בעל ברך משה זצ"ל, פאר שטאקהאמער וואס איז געווען א עסקן פאר אגודת ישראל נאכן קריג (לויט א שנעלע זוכעניש אין גאגעל) [מעגליך דער טאטע פון הרב אבישי?]
איז דאס טאקע די חתימה פון ברך משה?
איך בעט פון די ליינער מעיין זיין אין די קאפי, און זיך לאזען הערן זייער מיינונג און ידיעות
