מנהגי ישראל: אריינשרייבען קינד'ס נאמען אין א ספר

מחותן · דאנערשטאג מארטש 03, 2011 2:28 pm

פון ווי נעמט זיך די מנהג אריינצושרייבען די ניי קינדס נאמען און א ספר?

היינט צוטאגס איז שוין דא צוויי פעטשעס ליידיג אינעם ספר "כל בו לעניני מילה" ווי מען קען אריינשרייבען אלע אינפערמאציע
אריינגערעכענט ווער עס האט נישטבאקימען קיין כיבוד ביים ברית כדי זיכער צו מאכען ביין נעקסטן קינד אים יא צוגעבן, אבער אונזערע זיידעס האבן דאס דאך נישט געהאט

פון ווי שטאמט די מנהג, און וואס איז די טעם דערפון??

זיידענע בעקיטשע · מאנטאג מאי 17, 2010 8:00 am

איך ווייס נישט פין ווי דאס קומט, אבער אזוי פירט זיך מיין טאטע זאל זיין געזונט, וואס האט דאס נאך געזעהן ביי זיין זיידע.
אין אגב ביי אונז אין משפחה שרייבט מען דאס אין דעם הייליגן ספר נועם אלימלך.

למעשה ווייס איך א משפחה וואס סאיז אויסגעקומען א ספק ביי איינע פין די קינדער, ווען הער איז געבוירן, אין בזכות דעם אריין שרייבן האט מען דאס מסדר געווען.

ללמוד וללמד · זונטאג מארטש 06, 2011 1:05 pm

איך האב אויך אזוי געזעהן ביי אונז אין די משפחה. אינטערעסאנט פון מיין מוטער'ס זייט שטאמענדיג פון אונטערלאנד/חסידים האט מיין זיידע טאקע אריינגעשריבן אין נועם אלימלך, ווידעראום מיין פאטער (שטאמט פון אויבערלאנד) האב איך געזעהן האט דא אריינגעשריבן אין חת"ס. זעהט אויס אז מ'האט דאס געשריבן אין די מערסט באנוצטע ספר עס זאל זיין צום האבן און למזכרת אויף ווען מ'ברויך.

שוועמל · מיטוואך יולי 19, 2006 8:40 pm

שוין גערעדט דערפון אין וואו איז מקור אשכול.

באמבאסטיש · זונטאג מארטש 06, 2011 1:32 pm

שוועמל האט געשריבן: שוין גערעדט דערפון אין וואו איז מקור אשכול.

עס איז נישט צום געפינען באשכול הנ"ל, מסתמא איז עס פארלוירן געגאנגען ביים קראך, וחבל על דאבדין ולא משתכחין.

ביקסאד · זונטאג מאי 25, 2008 7:00 pm

אויף בלאט נומער 11

באמבאסטיש · זונטאג מארטש 06, 2011 2:29 pm

דאנקע שיינע

שוועמל · מיטוואך יולי 19, 2006 8:40 pm

לא רק זאת.
אין אלט קרעטשמע איז אויך געווען אן אשכול דערוועגן.

באמבאסטיש · זונטאג מארטש 06, 2011 4:24 pm

איז עס נאך עוועילעבל? אויב יא לינק ביטע

יגעתי ומצאתי · מאנטאג מארטש 07, 2011 7:20 am

אינטערעסאנטע מנהג כ'האב קיינמאל נישט געזעהן אזא מנהג, האט מען שוין געטראפן אמאל אויף אלטע ספרים נעמען פון קינדער?

קהת · מאנטאג מארטש 07, 2011 9:19 am

איך האב געהערט מענטשן שרייבן אריין און א זמירות

והוא פלאי · מאנטאג מארטש 07, 2011 11:00 am

יגעתי ומצאתי האט געשריבן: אינטערעסאנטע מנהג כ'האב קיינמאל נישט געזעהן אזא מנהג, האט מען שוין געטראפן אמאל אויף אלטע ספרים נעמען פון קינדער?

יא עס איז דא אין אלטע חמשים ווי איך האב געזעהן, איך האב לעצטענס געזעהן אין אן א ספר א משפחה שטערן פון סיגוט אריינגעשריבן אין די תר"נ'ס,
וידוע מה שרשם השפת אמת, וכן מה שרשם ר' מאיר'ל גלאגובער

איזעי · מיטוואך מארטש 09, 2011 12:19 pm

איך האב געזען דעם ספר (איינס פון די מפורסם'דיגע חסיד'ישע ספרים) אין וועלכן מיין עלטער עלטער זיידע (געווען א רב אינדערהיים א זון און אייניקל פון רבנים מכמה דורות, ער איז אוועק אין די תר"צ'ס), האט אריינגעשריבן די נעמען פון זיינע קינדער.

באמבאסטיש · מיטוואך מארטש 09, 2011 12:23 pm

מיין זיידע ז"ל האט אריינגעשריבן אין א שבת גמרא.

מיין שווער זז"ג האט אריינגעשריבן אין מיין שוויגער'ס צאנה וראנה.

מיין טאטע זז"ג ווייס איך נישט... איך האב קיינמאל נישט באמערקט א ספר וואו עס שטייט אריינגעשריבן די יום הולדת פון די קינדער.

אני הקטן שרייב עס אריין אינעם כל בו לברית מילה, היות מען האט מיר צוגעשטעלט דארט א ספעציעלן מקום דערפאר.

אויפריכטיג · מיטוואך מארטש 09, 2011 3:21 pm

מיין פאטער האט עס אריינגעשריבן אינעם קונטרס על הגאולה ועל התמורה (ניבא ולא ידע מה ניבא... כדי זיך נישט אריינצולאזן אין מחלוקת.....)

באמבאסטיש · מיטוואך מארטש 09, 2011 3:31 pm

יעצט געהערט פון א איד וואס שרייבט אריין אין א מאור ושמש

ווינקל · מיטוואך מארטש 09, 2011 3:46 pm

מיין עלטער זיידע, מיין באבעס טאטע (נרצח עקד"ש בימי הזעם) האט אריינגעשריבן אין ספה"ק עצי חיים. איך האב עס געזען בעזבון זקיני ע"ה.

מיין טאטע זז"ג שרייבט אינם ספה"ק נועם אלימלך, וכן אני נוהג אחריו.

מיללער · מיטוואך מארטש 09, 2011 3:47 pm

http://www.otzar.org/forums/viewtopic.php?f=7&t=4154

זונטאג יוני 25, 2006 12:34 pm

אאמו"ר נוהג לכתוב ב"ספר החיים" של הגרש"ק (לקיים וכתבינו בספר החיים)

ואני נוהג לכתוב בסוף מסכת ברכות (עוה"ב מסכתא שלי)

scy4851 · מיטוואך מארטש 09, 2011 10:48 pm

און דעם פורום 'אוצר החכמה' (וואס מיללער האט אויבען אהנגעצייכענט) האט איינער מיטען ניק 'רבטוב' צוגעצייכענט א טו"ז חו"מ סימן רע"ז סעיף י"א וויא דער טו"ז ברענגט אזא מנהג פון פארשרייבען די נעמען און געבורטסטעג פון אלע קינדער.
דער טו"ז שרייבט דארט א טעם פארוואס מעהאט דאס געטוהן.. כדי מעזאל קענען זיין זיכער ווען די יונגלעך ווערען בר מצוה.

מיללער · דאנערשטאג יוני 14, 2007 9:48 am

scy4851 האט געשריבן: און דעם פורום 'אוצר החכמה' (וואס מיללער האט אויבען אהנגעצייכענט) האט איינער מיטען ניק 'רבטוב' צוגעצייכענט א טו"ז חו"מ סימן רע"ז סעיף י"א וויא דער טו"ז ברענגט אזא מנהג פון פארשרייבען די נעמען און געבורטסטעג פון אלע קינדער.
דער טו"ז שרייבט דארט א טעם פארוואס מעהאט דאס געטוהן.. כדי מעזאל קענען זיין זיכער ווען די יונגלעך ווערען בר מצוה.

מ'האט שוין דארט אנגעצייכנט אז דער טו"ז ברענגט נישט קיין 'מנהג'און נישט דאס ענין פון שרייבען 'אין א ספר'זיין לשון איז "אבל הכותב זמן תולדות בניו וכו'.
דברי הט"ז:

http://www.hebrewbooks.org/pdfpager.asp ... &pgnum=216

jkup50 · מאנטאג אוגוסט 09, 2010 2:45 pm

מיין זיידע וואס געווען א פוילישע האט אריינגעשריבן אין רזיאל המלאך

זאמלער · מיטוואך מאי 12, 2010 4:26 pm

פון א קדושת יום טוב מהדורה ראשונה תרס''ה

געשמאקער · זונטאג אוגוסט 10, 2008 7:27 pm

קרעמער האט געשריבן:
ואני נוהג לכתוב בסוף מסכת ברכות (עוה"ב מסכתא שלי)

מיין טאטע שליט"א האט אויך אזוי געטיען

זונטאג יוני 25, 2006 12:34 pm

איך האב מיך דערמאנט אז מיין זיידע פלעגט אריינשרייבן אין א ישמח משה