איך האב ביז היינט נאר געקויפט גענוצטע קארס, אבער צוליב א מעשה שהי' וואס איך האב געהאט פאריגע וואך, האב איך באשלאסן אז דאס איז עס, איך קען מער נישט אזוי, און פון היינט און ווייטער גיי איך נאר ליעסן נייע קארס.
די פראבלעם איז נאר אז איך בין א גרינער אין דעם פעלד און איך קען זיך נישט אויס. האב איך דעריבער געוואלט בעטן עצה ותושיה פון די קרעטשמע זיצערס.
דאס קומט ביי איש את רעהו יעזורו. אבער איך בין זיכער אז די פוילע מנהלים וועלן דאס לאזן דא וואו ס'איז. וועגן דעם ענין אליין קען איך דיר נישט ענטפערן, ווייל איך האב דערווייל אויך נאר געקויפט.
מכעניקעל פראבלעמען האב איך כלל נישט געהאט, קען זיין אז ס'ווענט זיך אין די קאר, און אינזער שמועס איז עס א ניסאן אלטימע, טיקעט'ס האב איך געהאט לרחצה, (אבער ס'האט נישט מיטן ליעס...) אינשורענס געט ער אויך זייער ביליג, קרעדיט האב איך געהאט זיראו, ממש גארנישט, אבער ס'איז שוין היינט א פאקט אז א קאר האב איך אויף מיין נאמען,
בקיצור, אז די ווילסט נאך עפעס וויסן, קענסטו פרעגן, געדענק! לא הבישן למד,
איך קען דיר אויך העלפן מיט מיין אינפארמאציע. איך האב שוין עטליכע מאל געליעסט - אויך נאכן האבן אן אלטן קאר וואס האט בלויז געמאכט פראבלעמען, און די מעקעניק פער חודש האט שוין געקאסט באלד ווי א ליעס אויף א נייע אויטא. איך בין אויך צופרידן מיט 12,000 מייל א יאר, איך פאר אסאך לאנג-דיסטענס, און איך מוז האבן א נייערע קאר פשוט כדי נישט צו בלייבן אנגעזעצט אינמיטן וועג.
ליעסן א קאר איז א שטיקל געמבל. יעדן חודש האבן אנדערע מאדעלן "ספעשלס". למשל, א האנדא אודיסי קאסט געווענליך בערך 400 דאלאר א חודש "בעפאר טעקסעס", אבער לעצטנס האבן זיי געהאט ספעשלס - וועלכע איז געווען אין כמעט אלע צייטונגען - פאר בערך 300 דאלאר א חודש. א מיני-ווען וועט דיר קאסטן צווישן 300-400 א חודש, ווי אויך די "בעסערע קארס", וו.צ.ב.ש טאיאטעס אדער האנדאס. זיי זענען טייערער און שטערקער. אבער געווענליך פאר א ליעס איז אן אמעריקאנער קאר אויך גוט, ס'האלט נאך פאר דריי יאר, ספעציעל אין די לעצטערע יארן ווען זיי האבן זיך שטארק ארויפגעארבעט. און געווענליך בלייבסטו מיטן גאראנטי ביזן סוף פון די דריי יאר.
איז אזוי. קודם דארפסטו באשליסן וואו צו ליעסן. איך האב שוין פרובירט סיי פון א געהעריגן דיעלער, און סיי פון א אידישן ליעסינג קאמפאני. 90 פראצענט איז רעקאמענדירט צו גיין צו א היימישן. זיי ארלעדיגן דיר אלעס, הכל בכל מכל, און דו קענסט באקומען דיין נייעם אויטא דעליווערט צו דיר אינדערהיים, און זיי נעמען אפ די אלטע. שאפ-א-קאר איז טאקע זייער גוט, וויליאמסבורג ליעסינג איז אויך זייער גוט, און רוב אנדערע האב איך חברים וואס האבן שוין פון זיי גענומען, און עפ"י רוב זענען אלע זייער גוט.
ביי די גוי'אישע דיעלערס איז די מעלה ווי פאלגענד: דו קענסט זעהן דעם אויטא בעפאר דו באקומסט דאס, און אפשר אפילו ארומדרייוון אפאר מינוט, זיכער מאכן אז דו ביסט גענצליך צופרידן. און געווענליך באקומסטו עפעס קיופאנס, ווי אומזיסטע אויל-טשענדזשעס, אדער ביליגער מעקעניק ריפעירס, א.א.וו. אויך פילט זיך היימישער ווען מען קומט סערוויסן אן אויטא אויף א פלאץ פון וואו איך האב עס לכתחילה געקויפט, ווי איך ברענג א אויטא וואס איך האב באקומען פון ערגעץ אנדערש און זיי "מוזן" עס אננעמען בלויז ווייל עס איז אונטער וואראנטי. יעדער דיעלער איז אנדערש מיט דעם.
אויב ווייסטו שוין וואספארא קאר דו ווילסט קויפן איז דאך אודאי גוט; אז נישט, אדער אז דו ווייסט נאר א "מיד-סייז" SUV, און דו ווייסט נישט גענוי וועלכע, איך קען דיר ארויסהעלפן מיט רעקאמענדאציעס, אבער פרייזן פון יעצטיגן חודש וועט נאר וויסן איינער וואס טוט אין דעם פעלד. הייב אויף, זיי מוחל, א טעלעפאן, און רוף אן איינע פון די היימישע ליעסינג קאמפאניס, וועסטו שוין אויך מקיים זיין וחי אחיך עמך, ער וועט דיר העלפן אויספילן די אפליקאציעס און אנדערע אינפארמאציע, און גיי פון דארט ווייטער.
צי דארפסטו א 4-ווהיל דרייוו, וואס לוינט זיך נאר אויב דו פארסט אפט אין שניי און אייז, אז נישט לוינט נישט אלס פרייז, וואג פון דעם אויטא, מער קאמפליצירט און איז מער אויסגעשטעלט צו פראבלעמען.
צי דארפסטו עפעס א ספעציעלע פיעטשור (למשל א טעיפ שפילער איז שוין היינט כמעט נישט במציאות, חוץ אין געציילטע - רוב זענען שוין אריבער אויף CD און MP3; אדער למשל לעדערנע זיצן, וכדומה).
