הלכות מעשר כספים ונתינת צדקה

שוועמל · מיטוואך יולי 19, 2006 8:40 pm

כמה שאלות וואס האבן זיך אנגעזאמעלט במהלך הזמן.

א) איז מעשר די זעלבע מצוה פון צדקה - דאס הייסט איז עס צוויי באזונדערע חיובים?
ב) דארף מען אפשיידן מעשר פון שטאטישע פראגראמען, טעקס רעטורן וכדומה?
ג) נאכן אפשיידן, ווילאנג קען מען דאס האלטן אוועקגעלייגט ביז עס קומט אונטער א עני וועמען צו געבן?

פראקטישקייט:
ד) איינער וואס האט א ביזנעס און נעמט ארויס געלט פאר אייגענע צרכים ברויך מען שיידן מעשר?
ה) וואס איז די בעסט פראקטיצירונג בכלל ביים פירן א ביזנעס לגבי אפשיידן מעשר?

אין זכרון ליגט מיר אין קאפ עפעס א היינטיגע ליקוט פון א סקווירא'ר אינגערמאן א ת"ח וואס שמועסט אויס זייער שיין די אלע זאכן להלכה.
עני איידיע?

בחורהזעצער · זונטאג יאנואר 16, 2011 9:54 am

עס איז דא אן אנדערע געלונגענע ספר פון הגאון ר' יעקב בלוי פון די עדה מיטן נאמען צדקה ומשפט, עס איז בכלליות אויף הלכות צדקה אבער ער שמועסט דארט ברייט אויס די הלכות פון מעשר כספים.

מן הסתם מיינסטו פונעם מחבר פונעם גליון הליכות החיים, איך קען מיר נישט דערמאנען די נאמען, דאכט זיך מיר אז דאס איז אויף אסאך אקטואלע הלכות פון חושן משפט מיט פראקטישע ביישפילן, אויף דעם מהלך פון זיין גליון.

דער תהילים איד · זונטאג יולי 26, 2009 9:54 pm

שוועמל האט געשריבן: ב) דארף מען אפשיידן מעשר פון שטאטישע פראגראמען, טעקס רעטורן וכדומה?

הלכה ווייס איך נישט, נאר אגב, אחר ששמעתי אז פון געלט וואס קומט על דרך מציאה זאל מען גיבן א חומש (געדענק נישט מקור), גיב איך פון טעקס ריטוירן א חומש.

שוועמל · מיטוואך יולי 19, 2006 8:40 pm

טאקע דאס אליינס איז מיר אויך שווער געווען, צי א חומש איז דער זעלבער ווי "מעשר מן המעשר" צי איז דאס עפעס באזונדערס.
א נפק"מ וועט כאפן למשל פון 100 דאלאר ריוח איז 10 דאלער מעשר, און 20 דאלאר א חומש.
אבער מעשר מן המעשר וועט לכאורה באטרעפן 19 דאלאר, וויבאלד נאכן גיבן די ערשטע מעשר האסטו שוין נאר 90 דאלאר, און מעשר פון 90 איז 9.

דוכט זיך ביי יעקב שטייט אז ער האט געזאגט עשר אעשרנו, האט ער געמיינט טאקע א חומש טראץ וואס די ערשטע מעשר האט פארמינערט די רווחים.

farshlufen · פרייטאג נאוועמבער 16, 2007 8:26 am

מעשר מן המעשר איז א הונדערטסטל.

מה ענין שמיטה וכו'?

שוועמל · מיטוואך יולי 19, 2006 8:40 pm

גערעכט, איך מיש דא צאם. o-h?e

הבהרתני - תודה רבה.

ארט און מוזיק · דאנערשטאג פעברואר 10, 2011 9:28 pm

וויאזוי מעשר'ט מען פוד סטעמפס אויב דארף מען?

בחורהזעצער · זונטאג יאנואר 16, 2011 9:54 am

לגבי פוד סטעמפס האב איך אמאל געהערט בשם א חשובע דיין אז מען ברויך דאס נישט מעשר'ן, צוליב דעם וואס דו באקומסט נישט קיין געלט נאר עסנווארג אומזיסט, וואס אפילו ווען מ'באקומט געלט על תנאי אז מען מעג עס נאר נוצן פאר א געוויסע צוועק איז דא פוסקים וואס האלטן אז מען דארף נישט מעשר'ן, כ"ש דא וואס עס ווערט נישט באטראכט ווי געלט.

בחורהזעצער · זונטאג יאנואר 16, 2011 9:54 am

שוועמל האט געשריבן: אין זכרון ליגט מיר אין קאפ עפעס א היינטיגע ליקוט פון א סקווירא'ר אינגערמאן א ת"ח וואס שמועסט אויס זייער שיין די אלע זאכן להלכה.
עני איידיע?

שוין געטראפן די נאמען "ממונם של ישראל"

מיניסטער לעהמאן · מאנטאג יאנואר 31, 2011 9:56 pm

נאך זאכן וואס ברויכן אויסגעשמועסט ווערן אין דעם ענין איז וואס מעג מען נעמען פון מעות מעשר, למשל שכר לימוד, דמי חבר, פלאץ אין ביהמ"ד וכו'
דאכט זיך אז אינעם ספר הנ"ל ממונם של ישראל ברענגט ער אז א פלאץ אין ביהמ"ד מעג מען יא און מעמבערשיפ געלט טאר מען נישט (איך געדענק נישט קלאר די דעטאלן)

מי חכם · זונטאג מארטש 13, 2011 2:02 pm

אינעם סעריע פון "אוצר החסד" אי זדא א הערליכער ספר מיט אלע שיטות און אלע נושאים מסודר דבר דבור על אופניו (כאטש קיין קלארע הלכה למעשה קען מען נישט באקומען געהעריג, איז עס אבער א אנדערע וועלט, מען הא אלע שיטות און ענינים פאר זיך.

אגב אי מיר געווען א חידוש וואס ער ברענגט בשם א ספר מנחת דוד (נדפס בא"י פ"א בשנות הל', והועתקו קצת מדבריו בגדולי פוסקי זמנינו) אז פוד סטעמפס דארף דייקא יא נעמען מעשר. ולא הבנתי כלל. (בימים ההם איז עס שייך געווען מיט די פאפירענע געלט)

ריק פערי · מוצ"ש אוגוסט 13, 2011 11:42 pm

אויך איז דא א ספר מיטן נאמען 'מעשר כספים' שיין אויסגעשמועסט הלכה למעשה

א טענצל! · זונטאג אקטאבער 04, 2009 11:07 pm

איך האב אויך געזעהן א ספר ארויסגעקומען אין אר"י זייער שיין צונומען און צולייגט די אלע הלכות, ווי אויך אקטועלע שאלות וועלכע מאכן זיך, און פסקים מגדולי ומאורי הדור זצ"ל ולהבחל"ח שליט"א. כ'דענק נישט דעם נאמען, מעגליך איז עס די דערמאנטע 'מעשר כספים'.

יואל ווייס · מיטוואך יאנואר 28, 2009 9:25 am

הגרי"ד הארפענעס האט אמאל ארויסגעגעבן א קונטרס'ל לרגל א חתונה פון א קינד. איך האב עס נאכנישט געזען אין די ספרים געשעפטן.

moshele11211 · זונטאג דעצעמבער 26, 2010 2:18 pm

שוועמל האט געשריבן: ב) דארף מען אפשיידן מעשר פון שטאטישע פראגראמען, טעקס רעטורן וכדומה?

מספר ממונם של ישראל על שאלה ב'

סעקשן 8 אדער פוד סטעמפ'ס דארף מען נישט אראפ נעמען קיין מעשר, זאגט ער די סיבה ווייל זיי זענען מקפיד דוווקא עס צו ניצן אויף די זאכן אויף וואס זיי געבן עס, משא''כ טעקס ריטערן דארף מען געהעריג אראפנעמען מעשר ווייל זיי זענען נישט מקפיד.

בכלל איז עס א מורא'דיגע ליקוט אויף די אלע מיני שאלות

שמעק_טאביק · מיטוואך פעברואר 14, 2007 11:13 am

אין איינע פון די ספרים, דוכט זיך אין "מעשר כספים", ברענגט ער קלאר אז אויב איינער איז שולדיג חובות, איז נישט מחוייב מיט קיין שום מעשר. פריעת חוב מצוה קומט קודם.

ער ברענגט דארט, כ'מיין פון הרב וואזנער שליט"א, בלשון "רע עלי את המעשה" אז אידן וועלכע זענען שולדיג געלט פאר אנדערע, אנשטאט צו באצאלן, גייט מען געבן מיט די געלט מעשר אדער אנדערע צדקות.

ראש הקהל · מאנטאג יולי 04, 2011 1:36 pm

שמעק_טאביק האט געשריבן: אין איינע פון די ספרים, דוכט זיך אין "מעשר כספים", ברענגט ער קלאר אז אויב איינער איז שולדיג חובות, איז נישט מחוייב מיט קיין שום מעשר. פריעת חוב מצוה קומט קודם.

ער ברענגט דארט, כ'מיין פון הרב וואזנער שליט"א, בלשון "רע עלי את המעשה" אז אידן וועלכע זענען שולדיג געלט פאר אנדערע, אנשטאט צו באצאלן, גייט מען געבן מיט די געלט מעשר אדער אנדערע צדקות.

ובעצמי ראיתי כתב יד של הגא' הדעבריצינער רב ואח"כ נדפס באיזה קובץ, ואינו מופיע בשו"ת שלו באר משה
שאמר כן בשם מוח"ז היינו הכתב סופר או שהובא כן בכתב סופר

און נאכדעם שרייבט ער שארף אקעגן דיע וואס זענען שולדיג שכר לימוד אדער גראסעריס, און צאלן קודם אפ מעשר געלט,
ער שרייבט דארט אז אפילו קאן עדיסאן כידוע לכל סגנונו קומט פאר מעשר געלטוכן כל כיוצא בזה

לאקשן קיגל · מיטוואך יולי 27, 2011 9:15 pm

שמעק_טאביק האט געשריבן: אין איינע פון די ספרים, דוכט זיך אין "מעשר כספים", ברענגט ער קלאר אז אויב איינער איז שולדיג חובות, איז נישט מחוייב מיט קיין שום מעשר. פריעת חוב מצוה קומט קודם.

ער ברענגט דארט, כ'מיין פון הרב וואזנער שליט"א, בלשון "רע עלי את המעשה" אז אידן וועלכע זענען שולדיג געלט פאר אנדערע, אנשטאט צו באצאלן, גייט מען געבן מיט די געלט מעשר אדער אנדערע צדקות.

גם כן ראיתי, וכן נוהגין.

שוועמל · מיטוואך יולי 19, 2006 8:40 pm

און וואס וועט זיין מיטן לא תקפוץ?
חוץ אויב מען לערנט אז צדקה או מעשר זענען צוויי באזונדערע זאכן און צדקה איז מען טאקע ווייטער מחויב.
אדער קען מען לערנען חייך קודמין.

לאקשן קיגל · מיטוואך יולי 27, 2011 9:15 pm

שוועמל האט געשריבן: און וואס וועט זיין מיטן לא תקפוץ?
חוץ אויב מען לערנט אז צדקה או מעשר זענען צוויי באזונדערע זאכן און צדקה איז מען טאקע ווייטער מחויב.
אדער קען מען לערנען חייך קודמין.

אפאר קוואדערלעך פאר צדקה איז דער לוה זיכער נישט מקפיד, ניחא ליה לאיניש, משא"כ מעשר

שוועמל · מיטוואך יולי 19, 2006 8:40 pm

בחורהזעצער האט געשריבן:

שוועמל האט געשריבן: אין זכרון ליגט מיר אין קאפ עפעס א היינטיגע ליקוט פון א סקווירא'ר אינגערמאן א ת"ח וואס שמועסט אויס זייער שיין די אלע זאכן להלכה.
עני איידיע?

שוין געטראפן די נאמען "ממונם של ישראל"

מעיין געווען אין דעם ספר, ער זאגט קורץ און צו די זאך אבער פארט נישט קיין דבר השלם (ער רעדט פון נאך אסאך דיני ממונות השכיחים. כדאי לעיין).

ספעציפיש איז אינטערעסאנט צו וויסן וואס די דיינים האלטן לגבי א קארפארעשאן, צי מען ברויך מעשר'ן די קארפארעשאן זעלבסט איין מאל עס פארדינט ריווח, אפגעזען צי מען נעמט ארויס וועיזשעס צי נישט (כמובן נאכן אראפרעכענען COGS, מכס ושאר הוצאות).

וואס ער שרייבט א וויכטיגע זאך לגבי איינער וואס האט ריעל עסטעיט און מאנט רענט, קען נישט אראפרעכענען די מארטגעזש פונם ריווח וויבאלד ער קריגט דורכדעם די הויז ד"ה די וועליו פון די מארטגעזש ממילא הייסט עס נישט קיין הוצאה.

וצריך לעיין לגבי א לאון פאר א קארפארעשאן וואס איז זייער שכיח, צי די לאון פעימענטס הייסט נישט קיין הוצאה ווייל דערמיט ווערט דאך די קארפארעשאן זיינס, צי הייסט עס יא א הוצאה וויבאלד א קארפארעשן איז בעצם א באזונדערע ענטיטי איז נישט שייך ס'זאל ווערן זיינס. וצ"ע.

סביב העולם · מאנטאג דעצעמבער 05, 2011 10:45 pm

יואל ווייס האט געשריבן: הגרי"ד הארפענעס האט אמאל ארויסגעגעבן א קונטרס'ל לרגל א חתונה פון א קינד. איך האב עס נאכנישט געזען אין די ספרים געשעפטן.

עס איז דא א גליון אויף לדעת כ'מיין עס הייסט שער הפנינים אדער פניני השערים כ'גדענק נישט - אבער דארט אין זייער גליון האבן זיי אן אפטיילונג אויף הלכות מעשר כספים ווי הגרי"ד הרפנס שרייבט גאר אינטערסאנטע מציאות'ר הלכות וואס ער האט נאכנישט געדריקט 'פרסום ראשון'

שוועמל · מיטוואך יולי 19, 2006 8:40 pm

לינק?

בכלל וויזוי קען מען זען אלטע גליונות דארט אויף לדעת?

farshlufen · דינסטאג דעצעמבער 06, 2011 10:06 am

קובץ "פניני השער" י"ל ע"י תלמידי מו"ר הר"ר אהרן קרויס זז"ג.

ניק ניק · דאנערשטאג יאנואר 20, 2011 8:17 pm

שמעק_טאביק האט געשריבן: אין איינע פון די ספרים, דוכט זיך אין "מעשר כספים", ברענגט ער קלאר אז אויב איינער איז שולדיג חובות, איז נישט מחוייב מיט קיין שום מעשר. פריעת חוב מצוה קומט קודם.

ער ברענגט דארט, כ'מיין פון הרב וואזנער שליט"א, בלשון "רע עלי את המעשה" אז אידן וועלכע זענען שולדיג געלט פאר אנדערע, אנשטאט צו באצאלן, גייט מען געבן מיט די געלט מעשר אדער אנדערע צדקות.

לאז נישט אויס די סיום, אז א ודאי זאל מען פראבירן צו געבן עפעס צדקה אפילו מ'איז שילדיג געלט פאר איינעם עיי"ש שהאריך, נאך אן עצה איז דא וואס איז שטארק אויסגעהאלטן איז צו מעשר'ן די געלט און נעמען די מעשר פאר זיך.