משפחת גרינפעלד -המהרש"ג ומשפחתו - י”ט שבט תר”צ
ווער איז דער גדול?
- אטעטשמענטס
-
-
לחיים ולברכה!
דער בילד האב איך נישט גענומען פון צוגעצייכענטען מקום.
עכ"פ, דער רב אין מיין בילד איז הג"ר מרדכי גרינפעלד זצ"ל, וועלכער איז געווען א פלומעניק פונעם סעמיהאלער רב דער מהרש"ג זצ"ל (ברודער'ס א זוהן).
-
איצטער אפאר קורצע שטריכן לדמותו.
ער איז געווען אן איידעם ביי ר' ישראל משה מאנדל פון טעגלאש, וואס זיין נאמען איז געווען ברייט באקאנט ביי חסידי בעלזא, ובפרט מיטן האבענדיג דעם וואונדער קינד, ואכהמ"ל (אפשר וועט 11211 טרעפן א לינק דערצו...).
ר' מרדכי האט משמש געווען אלץ מורה הוראה אין טעגלאש שלא על מנת לקבל פרס, זייענדיג אויף קעסט ביים שווער.
נאכדעם וואס הגה"צ ר' עזריאל יהודה לעבאוויטש זצ"ל אב"ד וויען, האט פארלאזט האדהאז, האט ר' מרדכי ממלא געווען מקומו.
אזוי אויך האט ער משמש געווען ברבנות אין נירעדהאז און געפירט דארט א ישיבה, (נאכדעם וואס בן-דודו הרה"ג ר' שמעי' שווארץ זצ"ל אב"ד סאטמאר מאנטריאל האט פארלאזט דאס שטאט נירעדהאז) ווי פיל אידן החיים אתנו לאוישט"א האבן ביי איהם דאן געלערנט.
אין תשי"ד ווען דער דשענדשער רב הג"ר עמרם יוגרייז זצ"ל האט פארלאזט בודאפעסט און עולה געווען קיין ארץ ישראל, איז ר' מרדכי זצ"ל געקומען קיין בודאפעסט און געדינט אלץ ראש-בית-דין. די חסידישע אידן אין בודאפעסט האבן שטארק הנאה געהאט פון זיין קומען, באזונדער צוליב דעם וואס ער האט מיטגעברענגט מיט זיך א צאל חסידישע בחורים וואס האט צוגעגעבן צום חסידישקייט פונעם שטאט.
פון פעסט האט זיך ר' מרדכי געצויגן קיין וויען, און איז דארט נסתלק געווארן, און מ'האט איהם ארויף געפירט קיין ארץ ישראל.
הג"ר מרדכי זצ"ל האט איבערגעלאזט זרע ברך ה' בנים ובני בנים עוסקים בתורה ובמצוות. (צווישן זיי, זיין זוהן ר' שמעון גרינפעלד שליט"א וועלכער וואוינט היינט צוטאגס אין אנטווערפן).
